Oshilando tashi ka thitika omalambo gomoondjila geli po 3 000
Elelo lyoshilando shaVenduka olya holola kutya otali ka kala lya thitika omalambo geli po 3 000, ngoka taga adhika moondjila dhomoshilando, okuya pehulilo lyaJuli.
Omukanda ngoka gwa pitithwa koshilando shaVenduka, ogwa holola kutya oondjila odha pumbwa ewapaleko nokusilwa oshisho unene tuu konima yoshikako shomuloka, shoka hashi thigi sha yonagula nokuninga omalambo moondjila.
Oshilando osha holola kutya osha kala nokundopa okumanitha iilonga yelongo lyoondjila, tashi etithwa kekateko ndyoka lya etitha komulandu gwokuhogolola omahangano gokulonga oshowo kokweeta po iilongitho mbyoka tayi pumbiwa miilonga.
Oshilando oshi na omukumo kutya otashi ka kala sha pyakudhukwa okulonga oondjila ndhoka tadhi adhika nomalambo muule wiiwike ihamano, niilonga otayi kala ya pwa okuya pehulilo lyomwedhi Juli.
“Pamayeleko ngele omalambo geli 20 otaga vulu okulongwa mesiku limwe kongundu yimwe yaaniilonga, nena omalambo geli 100 otaga vulu okulongwa moshiwike kongundu yimwe. Oongundu ntano ndhoka tadhi ka kala tadhi longo muule wiiwike ihamano, nena omalambo agehe otaga vulu okukala ga longwa gapwa muule wiiwike ihamano, nokuya pehulilo lyaJuli, omalambo agehe otaga kala ga pwa okulongwa.”
Oshilando natango osha popi kutya oshi na oonzo dhiiyemo dha gwana okulonga omalambo ngoka, na otaya pumbwa okulongitha oshimaliwa sha thika pooN$800 000 mokulonga omalambo ngoka ge li po 3000.
Onga oshitopolwa shomutengenekwathano gawo gwelongitho lyiimaliwa, oshimaliwa sha thika poomiliyona 70 osha nuninwa elongo newapaleko lyoondjila moshilando shaVenduka.
OMUTOOLINKUNDANA GWOMENI
Omukanda ngoka gwa pitithwa koshilando shaVenduka, ogwa holola kutya oondjila odha pumbwa ewapaleko nokusilwa oshisho unene tuu konima yoshikako shomuloka, shoka hashi thigi sha yonagula nokuninga omalambo moondjila.
Oshilando osha holola kutya osha kala nokundopa okumanitha iilonga yelongo lyoondjila, tashi etithwa kekateko ndyoka lya etitha komulandu gwokuhogolola omahangano gokulonga oshowo kokweeta po iilongitho mbyoka tayi pumbiwa miilonga.
Oshilando oshi na omukumo kutya otashi ka kala sha pyakudhukwa okulonga oondjila ndhoka tadhi adhika nomalambo muule wiiwike ihamano, niilonga otayi kala ya pwa okuya pehulilo lyomwedhi Juli.
“Pamayeleko ngele omalambo geli 20 otaga vulu okulongwa mesiku limwe kongundu yimwe yaaniilonga, nena omalambo geli 100 otaga vulu okulongwa moshiwike kongundu yimwe. Oongundu ntano ndhoka tadhi ka kala tadhi longo muule wiiwike ihamano, nena omalambo agehe otaga vulu okukala ga longwa gapwa muule wiiwike ihamano, nokuya pehulilo lyaJuli, omalambo agehe otaga kala ga pwa okulongwa.”
Oshilando natango osha popi kutya oshi na oonzo dhiiyemo dha gwana okulonga omalambo ngoka, na otaya pumbwa okulongitha oshimaliwa sha thika pooN$800 000 mokulonga omalambo ngoka ge li po 3000.
Onga oshitopolwa shomutengenekwathano gawo gwelongitho lyiimaliwa, oshimaliwa sha thika poomiliyona 70 osha nuninwa elongo newapaleko lyoondjila moshilando shaVenduka.
OMUTOOLINKUNDANA GWOMENI
Comments
Namibian Sun
No comments have been left on this article