Oshikumungu shoFarm 37 sha yelekwa
Aakalimo yomOmbaye oya gandja uusama kelelo lyondoolopa yawo sho lya gandja omainekelo giifundja konima sho lya tseyitha kutya olya pewa po ofaalama yonomola 37 (Farm 37 )opo li ninge po ofaalama ndjoka ehala lyomalukalwa.
Aakwashigwana oya popi kutya konima sho a tseyitilwa kutya oNamibia Planning Advisory Board (NAMPAB) oya zimina opo ofaalama ndjoka yi pewe po elelo lyondoolopa oya li yiinekela kutya elelo lyondoolopa otali ka wapaleka mbala ehala ndyoka nokutunga mo omagumbo gaakwashigwana.
Ehala ndyoka lyuunene woohecta 2000 otali adhika popepi nondjila ndjoka uuka kokapale koondhila mOmbaye.
Omupevi mayola gwondoolopa ndjoka , Hilka Erastus, okwa lombwele aakwashigwana mboka ya li moshigongi shaakwashigwana shoka sha ningwa mEtiyali kutya ondjodhi yekutheko lyofaalama ndjoka otayi tsu masiku nelelo lyondoolopa otali ka manitha mbala omulandu ngoka.
“Eyambulepo lyofaalama ndjoka noku yi ninga ehala lyomagumbo gaakwashigwana oli li mondjila. Elelo lyondoolopa olya yakula ombaapila ya za kuuministeli ndjoka ya holola ezimino okuza koNAMPAB oshiwike sha piti. Etamekitho lyomathaneko nkene ehala ndyoka tali ka tungwa otali ka ningwa mbala, uuna shoka sha manithwa nena oompangela ndhoka otadhi ka tuminwa koNAMPAB natango. Ethimbo lyokumanitha opoloyeka ndjoka otali kala pokati koomvula mbali sigo ntano ihe otwa hala ethimbo tu li ninge efupi. Onkatu yimwe ta tu tala ehengemukilo mumwe lyoNAMPAB noTownship Board,” Erastus ta ti.
Erastus okwa yelitha kutya onkatu yotango ndjoka ya li ya kwatelamo okumona ezimino okuza koNAMPAB, ndjoka yali yi na okukala ya kutha uule woomvula ntano oya endelelithwa.
Okwa popi kutya iinima yilwe ngaashi egandjo nezimino lyompangela okuza kaathaneki yevi pehala mpoka tapu tungwa, etseyitho lyetungo lyehala ndyoka momushangwa gwopapangelo oshowo iinima yilwe yopaveta okwa tegelelwa natango yi ka manithwe omanga etungo inali tamekwa. Okwa uvaneke kutya iinima oyindji mbyoka otayi kaningwe meni lyoomvula ntano.
Omunambelewa omukuluntuwiliki gwOmbaye, Muronga Haingura, okwa gwedha po kutya elelo lyawo otali ka tala kutya omulandu guni tali ka longitha opo li endelelithe iilonga.
“Otwa ninga ekwatathano nuuministeli wa yooloka opo tu tale ngele ehala ndyoka otali wapala tuu noku ninga ehala lyomagumbo na otwa pewa omulilo omuzizi. Ope na natango omilandu odhindji ndhoka dhi na okulandulwa. Otwa pumbwa natango okuninga omapekaapeko nokutala kutya omagumbo ga ngapi taga ka vula okutungwa pehala mpoka.”
Omutumba ngoka ogwa ningwa naakwashigwana opo ya yelithilwe omulandu aguhe nkene tashi ka enda mokutunga po opoloyeka ndjoka ya nuninwa omagumbo gaakwashigwana opo aakwashigwana yuuveko kutya omulandu otagu longo ngiini.
OTIS FINCK
Ehala ndyoka lyuunene woohecta 2000 otali adhika popepi nondjila ndjoka uuka kokapale koondhila mOmbaye.
Omupevi mayola gwondoolopa ndjoka , Hilka Erastus, okwa lombwele aakwashigwana mboka ya li moshigongi shaakwashigwana shoka sha ningwa mEtiyali kutya ondjodhi yekutheko lyofaalama ndjoka otayi tsu masiku nelelo lyondoolopa otali ka manitha mbala omulandu ngoka.
“Eyambulepo lyofaalama ndjoka noku yi ninga ehala lyomagumbo gaakwashigwana oli li mondjila. Elelo lyondoolopa olya yakula ombaapila ya za kuuministeli ndjoka ya holola ezimino okuza koNAMPAB oshiwike sha piti. Etamekitho lyomathaneko nkene ehala ndyoka tali ka tungwa otali ka ningwa mbala, uuna shoka sha manithwa nena oompangela ndhoka otadhi ka tuminwa koNAMPAB natango. Ethimbo lyokumanitha opoloyeka ndjoka otali kala pokati koomvula mbali sigo ntano ihe otwa hala ethimbo tu li ninge efupi. Onkatu yimwe ta tu tala ehengemukilo mumwe lyoNAMPAB noTownship Board,” Erastus ta ti.
Erastus okwa yelitha kutya onkatu yotango ndjoka ya li ya kwatelamo okumona ezimino okuza koNAMPAB, ndjoka yali yi na okukala ya kutha uule woomvula ntano oya endelelithwa.
Okwa popi kutya iinima yilwe ngaashi egandjo nezimino lyompangela okuza kaathaneki yevi pehala mpoka tapu tungwa, etseyitho lyetungo lyehala ndyoka momushangwa gwopapangelo oshowo iinima yilwe yopaveta okwa tegelelwa natango yi ka manithwe omanga etungo inali tamekwa. Okwa uvaneke kutya iinima oyindji mbyoka otayi kaningwe meni lyoomvula ntano.
Omunambelewa omukuluntuwiliki gwOmbaye, Muronga Haingura, okwa gwedha po kutya elelo lyawo otali ka tala kutya omulandu guni tali ka longitha opo li endelelithe iilonga.
“Otwa ninga ekwatathano nuuministeli wa yooloka opo tu tale ngele ehala ndyoka otali wapala tuu noku ninga ehala lyomagumbo na otwa pewa omulilo omuzizi. Ope na natango omilandu odhindji ndhoka dhi na okulandulwa. Otwa pumbwa natango okuninga omapekaapeko nokutala kutya omagumbo ga ngapi taga ka vula okutungwa pehala mpoka.”
Omutumba ngoka ogwa ningwa naakwashigwana opo ya yelithilwe omulandu aguhe nkene tashi ka enda mokutunga po opoloyeka ndjoka ya nuninwa omagumbo gaakwashigwana opo aakwashigwana yuuveko kutya omulandu otagu longo ngiini.
OTIS FINCK
Comments
Namibian Sun
No comments have been left on this article