Oshikumungu shaHelao Nafidi inashi potokononwa natango
Oshipotha shoka shi li melelo lyondoolopa yaHelao Nafidi moka oshilyo shoSwapo sha hogololwa sha pingenwa po nomonena otashi kondjo opo shi shunwe pehala lyasho osha hulile mokwena kwa thita.
Shoka osha landula omutumba ngoka gwa ningwa mOvenduka oshiwike shika opo andola gu kandulepo uupyakadhi mboka.
Oshikumungu shoka osha tameke momasiku ga 4 gaDesemba omvula 2015 sho Ester Ndatala Nghidimbwa a ganithilwa miilonga onga kansela pehala lya Lucia Nghililewanga sha landula omahogololo gelelo lyiitopolwa noondoolopa.
Nghililewanga okwa kala ta pula opo ongundu yoSwapo yi mu kwathele opo a shune piilonga ye ngaashi a hogololwa ihe oonkambadhala dhe inadhi pondola sha nonando ongundu yoSwapo oya zimine kutya oya ningi epuko sho omuhogololwa ngoka a pingenwapo na oya li ya tokola okushuna miilonga Nghililewanga ihe Nghidimbwa naye ina taambako etokolo ndyoka na okwa tokola okufala kompangu ongundu tayi pangele nompangu natango okwa tegelelwa yi ninge etokolo moshikumungu shoka.
Nghidimbwa natango oye ta longo pehala ndyoka na okwa kala nokukala miigongi yelelo mbyoka ya kaliwa koshifokundaneki shika.
Oshifokundneki shika osha nongele kutya momutumba ngoka gwa ningwa mOmaandaha, Swapo okwa li ta kambadhala opo a kandulepo omukundu ngoka omanga etokolo lyompangu inali ningwa momasiku 21 gaJune ihe natango omutumba ogwa hulile muunyengwi.
Namibian Sun oya yakelwa ko kutya oshiwike sha piti, amushanga gwoSwapo, Nangolo Mbumba okwa ithana Nghidimbwa, Nghililewanga, Omukwatakanithi gwoSwapo mOhangwena Hafeni Hatutale oshowo omuhwahwameki gwongundu ndjoka mOhangwena Tuyeimo Nathingo opo ya kale momutumba ngoka gwa ningwa mOmaandaha, gwa ningilwa poombelewa oonene dhongundu yoSwapo mOvenduka.
Momutumba ngoka omwa kala Ominista yAaniilonga, Erkki Nghimtina, Ominista yOmidhingoloko Pohamba Shifeta oshowo Ominista yOompangela dhoPaliko, Tom Alweendo, naanambelewa yalwe yongundu.
Otaku popiwa kutya Mbumba okwa longekidha omutumba ngoka opo ku vule okukandulwa po omukundu ngoka ihe oonkambadhala dhe odha hulile muunyengwi shoNghidimbwa na Nghililewanga ya tameke iita yopakana taya ulathana omalaka nokulundilathana. Onzo yimwe oya lombwele oNamibian Sun kutya omutumba ngoka ogwa yambidhidha Nghililewanga. Mbumba okwa laleke omutumba ngoka noshikumungu osha ukithwa kelelo lyopombanda.
Elelo lyopombanda okwa tegelelwa li kuutumbe pehulilo lyoshiwike shika opo li vule okukundathana oshikumungu shoka.
Oonkambadhala okuya mekwatathano naMbumba odha hulile muunyengwi omanga ongodhi yaHatutale inayi yamukulwa.
Ngililewanga, sho a ningwa naye ekwatathano okwa zimine kutya okwa li iithanwa komutumba ihe okwa tindi okupopya kutya oya kundathana shike.
Omukalelipo gwopaveta gwaNghidimbwa, Henry Shimutwikeni okwa popi kutya ke na owino yomutumba ngoka gwa ningwa mOmaandaha.
KENYA KAMBOWE
Oshikumungu shoka osha tameke momasiku ga 4 gaDesemba omvula 2015 sho Ester Ndatala Nghidimbwa a ganithilwa miilonga onga kansela pehala lya Lucia Nghililewanga sha landula omahogololo gelelo lyiitopolwa noondoolopa.
Nghililewanga okwa kala ta pula opo ongundu yoSwapo yi mu kwathele opo a shune piilonga ye ngaashi a hogololwa ihe oonkambadhala dhe inadhi pondola sha nonando ongundu yoSwapo oya zimine kutya oya ningi epuko sho omuhogololwa ngoka a pingenwapo na oya li ya tokola okushuna miilonga Nghililewanga ihe Nghidimbwa naye ina taambako etokolo ndyoka na okwa tokola okufala kompangu ongundu tayi pangele nompangu natango okwa tegelelwa yi ninge etokolo moshikumungu shoka.
Nghidimbwa natango oye ta longo pehala ndyoka na okwa kala nokukala miigongi yelelo mbyoka ya kaliwa koshifokundaneki shika.
Oshifokundneki shika osha nongele kutya momutumba ngoka gwa ningwa mOmaandaha, Swapo okwa li ta kambadhala opo a kandulepo omukundu ngoka omanga etokolo lyompangu inali ningwa momasiku 21 gaJune ihe natango omutumba ogwa hulile muunyengwi.
Namibian Sun oya yakelwa ko kutya oshiwike sha piti, amushanga gwoSwapo, Nangolo Mbumba okwa ithana Nghidimbwa, Nghililewanga, Omukwatakanithi gwoSwapo mOhangwena Hafeni Hatutale oshowo omuhwahwameki gwongundu ndjoka mOhangwena Tuyeimo Nathingo opo ya kale momutumba ngoka gwa ningwa mOmaandaha, gwa ningilwa poombelewa oonene dhongundu yoSwapo mOvenduka.
Momutumba ngoka omwa kala Ominista yAaniilonga, Erkki Nghimtina, Ominista yOmidhingoloko Pohamba Shifeta oshowo Ominista yOompangela dhoPaliko, Tom Alweendo, naanambelewa yalwe yongundu.
Otaku popiwa kutya Mbumba okwa longekidha omutumba ngoka opo ku vule okukandulwa po omukundu ngoka ihe oonkambadhala dhe odha hulile muunyengwi shoNghidimbwa na Nghililewanga ya tameke iita yopakana taya ulathana omalaka nokulundilathana. Onzo yimwe oya lombwele oNamibian Sun kutya omutumba ngoka ogwa yambidhidha Nghililewanga. Mbumba okwa laleke omutumba ngoka noshikumungu osha ukithwa kelelo lyopombanda.
Elelo lyopombanda okwa tegelelwa li kuutumbe pehulilo lyoshiwike shika opo li vule okukundathana oshikumungu shoka.
Oonkambadhala okuya mekwatathano naMbumba odha hulile muunyengwi omanga ongodhi yaHatutale inayi yamukulwa.
Ngililewanga, sho a ningwa naye ekwatathano okwa zimine kutya okwa li iithanwa komutumba ihe okwa tindi okupopya kutya oya kundathana shike.
Omukalelipo gwopaveta gwaNghidimbwa, Henry Shimutwikeni okwa popi kutya ke na owino yomutumba ngoka gwa ningwa mOmaandaha.
KENYA KAMBOWE
Comments
Namibian Sun
No comments have been left on this article