Oshikondo shelongo tashi konaakona aalongi yiikengelela
Uuministeli welongo owa popi kutya otawu ka talela po ooskola adhihe nokuyalula omwaalu gwaalongiskola pooskola, opo ku yandwe aalongi yiikengelela mboka haya futwa oondjambi kehe omwedhi okuza kuuministeli.
Uuministeli otawu longo nuudhiginini opo wu hulithepo omukalo gwiikengelea ngoka tagu longithwa muuministeli mboka, sho haku futwa oondjambi kehe omwedhi nonando mboka haya futwa kaye shi aaniilonga shili.
Aakuluntuskola naanambelewa mboka ya kutha ombinga mekengelelo ndyoka, otaya ka taalela oshilanduli oshinene. Shoka osha tseyithwa komupeha ministeli muuministeli welongo, Ester Nghipondoka, omanga a li ta popitha aakuluntu yooskola mOutapi moshitopolwa shaMusati oshiwike sha piti.
Nghipondoka okwa popi kutya uuministeli ohawu futu oondjambi kaalongi yiikengelea, na okwa popi kutya kali e shi shi ngele oshinima shoka oshili sigo sho a ningi omupeha minista mo 2015.
Ngipondoka okwa popi kutya opena aalongi yamwe mboka ya hulitha nenge ihaya longele we oshikondo shelongo ihe natango ohaya mno ondjambi okuza kuuministeli.
Okwa popi kutya shoka otashi ningwa kelongekumwe pokati kaanambelewa moombelewa oonene dhelongo oshowo aakuluntuskola.
Okwa gwedha po kutya ngashiingeyi naamboka haya hingi ootaxi aalongiskola haya mono ondjambi yo taya topola ondjambi ndjoka, naamboka taya longele kumwe nayo.
Okwa popi kutya aanambelewa otaya ka taalela po ooskola nomusholondondo gwomafutilo goondjambi dhaalongiskola nokuyalula aalongi pooskola, okutala ngele omwaalu gwawo otagu tsu tuu kumwe nomusholondondo gwiifuta.
“Kotokeni otatu ya na otatu kayalula aalongiskola ayehe koogumwe noogumwe. Ngele otwa adha po aalongi taya limbilike nena aakuluntu yooskola otaya ka yelitha.”
Nghipondoka okwa popi kutya ooskola otadhi nyenyeta ompumbwe yiikwathitholongo ihe itadhi kwata nawa nokutala kutya oshike tashi hepeke iikwathitholongo mbyoka hadhi mono.
Okwa popi kehe esiku ooskola otadhi hepeke oohinga, ookopi, oopena dhekala noopena dhohinga oshowo iinima yilwe na otashi pula uuministeli iimaliwa oyindji.Okwa pula opo ooskola dhi kale tadhi kwata nawa iikwathitholongo.
Omutumba ngoka ogwa kaliwa kaakuluntu yooskola oshowo aanambelewa aakuluntu moshikondo shelongo.
Omukomeho gwelongo moshitopolwa, Laban Shapange, okwa popi kutya elalakano lyomutumba ngoka okutala kwaashoka sha ningwa po mo 2017 nokupangela shoka tashi ningwa nuumvo.
ILENI NANNDJATO
Aakuluntuskola naanambelewa mboka ya kutha ombinga mekengelelo ndyoka, otaya ka taalela oshilanduli oshinene. Shoka osha tseyithwa komupeha ministeli muuministeli welongo, Ester Nghipondoka, omanga a li ta popitha aakuluntu yooskola mOutapi moshitopolwa shaMusati oshiwike sha piti.
Nghipondoka okwa popi kutya uuministeli ohawu futu oondjambi kaalongi yiikengelea, na okwa popi kutya kali e shi shi ngele oshinima shoka oshili sigo sho a ningi omupeha minista mo 2015.
Ngipondoka okwa popi kutya opena aalongi yamwe mboka ya hulitha nenge ihaya longele we oshikondo shelongo ihe natango ohaya mno ondjambi okuza kuuministeli.
Okwa popi kutya shoka otashi ningwa kelongekumwe pokati kaanambelewa moombelewa oonene dhelongo oshowo aakuluntuskola.
Okwa gwedha po kutya ngashiingeyi naamboka haya hingi ootaxi aalongiskola haya mono ondjambi yo taya topola ondjambi ndjoka, naamboka taya longele kumwe nayo.
Okwa popi kutya aanambelewa otaya ka taalela po ooskola nomusholondondo gwomafutilo goondjambi dhaalongiskola nokuyalula aalongi pooskola, okutala ngele omwaalu gwawo otagu tsu tuu kumwe nomusholondondo gwiifuta.
“Kotokeni otatu ya na otatu kayalula aalongiskola ayehe koogumwe noogumwe. Ngele otwa adha po aalongi taya limbilike nena aakuluntu yooskola otaya ka yelitha.”
Nghipondoka okwa popi kutya ooskola otadhi nyenyeta ompumbwe yiikwathitholongo ihe itadhi kwata nawa nokutala kutya oshike tashi hepeke iikwathitholongo mbyoka hadhi mono.
Okwa popi kehe esiku ooskola otadhi hepeke oohinga, ookopi, oopena dhekala noopena dhohinga oshowo iinima yilwe na otashi pula uuministeli iimaliwa oyindji.Okwa pula opo ooskola dhi kale tadhi kwata nawa iikwathitholongo.
Omutumba ngoka ogwa kaliwa kaakuluntu yooskola oshowo aanambelewa aakuluntu moshikondo shelongo.
Omukomeho gwelongo moshitopolwa, Laban Shapange, okwa popi kutya elalakano lyomutumba ngoka okutala kwaashoka sha ningwa po mo 2017 nokupangela shoka tashi ningwa nuumvo.
ILENI NANNDJATO
Comments
Namibian Sun
No comments have been left on this article