Oshikondo shelongo moHangwena sha tumbaleke Nghaamwa
Omunambelewa Omukomeho gwOshikondo shElongo moshitopolwa shaHangwena, Isak Hamatwi okwa hokolola kutya Ngoloneya gwoshitopolwa shaHangwena, Usko Nghaamwa oku na olune nonakuyiwa yokanona kaNamibia.
Hamatwi okwa popi kutya Nghaamwa ota longitha ontseyo ye yuuleli mokutunga ontompa ndjoka tayi kwatakanitha oshikondo shelongo nookuume melongo nokukwashilipaleka kutya ongushu yelongo moshitopolwa oya yambulwapo.
Hamatwi okwa popi ngaaka pethimbo lyoshituthi shokugandja iitungitho oshowo iikwathitho melongo yongushu yooN$180 000 koskola yaKapombo Combined School oshowo osekundoskola yaMungwelume, omagano ngoka ga gandjwa koPutian Love Team ongundu ndjoka ya thikama po maanangeshefa yaChina 13 oshowo aakwashigwana yaChina oohandimwe yahamano.
“Omusimanekwa ngoloneya oku li ependafule lyelongo. Oha longitha ontseyo ye muuleli mokutunga ontopa pokati kombelewa ye, elongo oshowo ookuume yelongo. Oha longo nuudhiginini na oku na oshinakugwanithwa shelongo kehe mpoka ta yi.”
“Sho tatu popi ngashiingeyi otu na opoloyeka yomuhandjo gwoskola ndjoka tayi tungwa posekundoskola yaMungwelume na oshi li oshiyetwapo she. Okupitila mookuume kelongo mboka a totopo uukume naye, otwe shi pondola okugongela oshimaliwa sha thika poomiliyona heyali shetungo lyopoloyeka ndjika,” Hamatwi a popi.
Hamatwi okwa tsikile kutya ngashiingeyi oshikondo shelongo nasho osha yi moompadhi dha ngoloneya na osha gongele oshimaliwa sha thika pooN$72 000, shoka sha gongelwa okuza mooskola dhomoshitopolwa, na osha nuninwa etungo lyomuhandjo gwoskola mosekundo yaMungwelume.
Sho aanaskola mosekundoskola yaMungwelume ya kala kaye na mpoka taya zi, Nghaamwa okwa longitha oonkondo dhombelewa ye onga ngoloneya gwoshitopolwa nokugandja elombwelo opo aanaskola ya thika po 118 yondondo onti 11 oshowo ondondo onti 12 ya kale taya zi manga metungo ndyoka lya li lya landwa kelelo lyoshitopolwa shaHangwena kongushu yoshimaliwa shoomiliyona hamano.
Nghaamwa okwa kala ta yambidhidha aanaskola mboka nomahangu nokukwashilipaleka kutya ye na oondya.
Petameko lyomvula ndjika, Nghaamwa okwa longitha oshimaliwa shooN$17 500 okuza mondjato yemwene nokulongululitha oongulu ndatu dhoskola yaNdilula Naikaku Primary School moshikandjo shEenhana ndhoka dha li dha hanagulwa po koshikungulu.
Pethimbo lyoshituthi shokugandja omagano poKapombo, Nghaamwa okwa popi kutya omasiku ga piti, ookuume ke yongundu yoPutian Love Team oye mu pula ngele ope na moshikondo moka ta pumbwa eyambidhidho.
“Pwaahena omalimbililo onde ya lombele kutya onda pumbwa ekwatho moshikondo shelongo. Otu na ooskola 266 moshitopolwa shetu na adhihe odha pumbwa ekwatho,” Nghaamwa a popi.
caption
ILENI NANDJATO
Hamatwi okwa popi ngaaka pethimbo lyoshituthi shokugandja iitungitho oshowo iikwathitho melongo yongushu yooN$180 000 koskola yaKapombo Combined School oshowo osekundoskola yaMungwelume, omagano ngoka ga gandjwa koPutian Love Team ongundu ndjoka ya thikama po maanangeshefa yaChina 13 oshowo aakwashigwana yaChina oohandimwe yahamano.
“Omusimanekwa ngoloneya oku li ependafule lyelongo. Oha longitha ontseyo ye muuleli mokutunga ontopa pokati kombelewa ye, elongo oshowo ookuume yelongo. Oha longo nuudhiginini na oku na oshinakugwanithwa shelongo kehe mpoka ta yi.”
“Sho tatu popi ngashiingeyi otu na opoloyeka yomuhandjo gwoskola ndjoka tayi tungwa posekundoskola yaMungwelume na oshi li oshiyetwapo she. Okupitila mookuume kelongo mboka a totopo uukume naye, otwe shi pondola okugongela oshimaliwa sha thika poomiliyona heyali shetungo lyopoloyeka ndjika,” Hamatwi a popi.
Hamatwi okwa tsikile kutya ngashiingeyi oshikondo shelongo nasho osha yi moompadhi dha ngoloneya na osha gongele oshimaliwa sha thika pooN$72 000, shoka sha gongelwa okuza mooskola dhomoshitopolwa, na osha nuninwa etungo lyomuhandjo gwoskola mosekundo yaMungwelume.
Sho aanaskola mosekundoskola yaMungwelume ya kala kaye na mpoka taya zi, Nghaamwa okwa longitha oonkondo dhombelewa ye onga ngoloneya gwoshitopolwa nokugandja elombwelo opo aanaskola ya thika po 118 yondondo onti 11 oshowo ondondo onti 12 ya kale taya zi manga metungo ndyoka lya li lya landwa kelelo lyoshitopolwa shaHangwena kongushu yoshimaliwa shoomiliyona hamano.
Nghaamwa okwa kala ta yambidhidha aanaskola mboka nomahangu nokukwashilipaleka kutya ye na oondya.
Petameko lyomvula ndjika, Nghaamwa okwa longitha oshimaliwa shooN$17 500 okuza mondjato yemwene nokulongululitha oongulu ndatu dhoskola yaNdilula Naikaku Primary School moshikandjo shEenhana ndhoka dha li dha hanagulwa po koshikungulu.
Pethimbo lyoshituthi shokugandja omagano poKapombo, Nghaamwa okwa popi kutya omasiku ga piti, ookuume ke yongundu yoPutian Love Team oye mu pula ngele ope na moshikondo moka ta pumbwa eyambidhidho.
“Pwaahena omalimbililo onde ya lombele kutya onda pumbwa ekwatho moshikondo shelongo. Otu na ooskola 266 moshitopolwa shetu na adhihe odha pumbwa ekwatho,” Nghaamwa a popi.
caption
ILENI NANDJATO
Comments
Namibian Sun
No comments have been left on this article