Oshikandjohogololo shaKatjali tashi kongo ekwatho
Ombelewa yakansela gwoshikandjohogololo Okatjali moshitopolwa shaShana otayi kongo ekwatho okuza kAasamaria aanamutimahenda opo ya gandje oondjatha dhokugamena oomwenyo pethimbo taku taagulukwa omeya kaanafaalama moshikandjohogololo shoka.
Aanafaalama oya kunkililwa woo opo kaya taaguluke omeya kehe pamwe ihe ya longithe ekwatho lyuuwato mbyoka hawu longithwa kongundu yaagandjiyomakwatho gopaulumomhumbwe moshikandjo shoka.
Omolwa omuloka omunene ngoka gwa loko monooli yoshilongo, omulonga gwaNiiwe oguudha omeya naanafaalama mboka ye na oohambo dhi li popepi noshikunino shiinamwenyo shEtosha, itaya vulu we okuya koohambo dhawo.
Elelo lyoshitopolwa shaShana okupitila mombelewa yakansela gwaKatjali olya gandja uuwato mboka opo wu vule okukwathela aanafaalama. Kansela gwoshikandjohogololo shoka Joseph Mupetami okwa popi kutya omulonga ngoka ogwa ya muule na omunene na ogwa nika oshiponga okutaaguluka koompadhi nenge niihauto.
Mupetami okwa popi kutya oshikandjo oshi na uuwato utatu, naanafaalama mboka yah la okuya koohambo dhawo na ya longithe ekwatho lyuuwato mboka.
Kansela okwa popi kutya momvula yo 2009 ombelewa yawo oya mono uuwano mboka wa gandjwa omagano kehangano lyoNovanam Fishing, na ohawu longithwa pethimbo lyefundja. Uuwato mboka ohawu tsilike aantu yahamano poshikando pamwe nomitsalo dhawo, na ope na aakwashigwana mboka ya dheulilwa okulongitha uuwato mboka.
Mupetami okwa tsikile kutya aanafaalama naya longithe ekwatho ndyoka ihe naya longele kumwe naamboka haya longo nuuwato mboka. Okwa popi kutya inaya hala aantu taya yi muuwato moka ya longitha iikolitha nenge ye na omitsalo odhindji.
Mupetami okwa popi kutya okawato okatine oka pewa oshikandjohogololo shaMpundja opo ka vule woo okukwathela monkalo ya faathana.
Okwa popi kutya uuwato mboka itawu vulu okuhumbata iimuna ihe otawu vulu okuhumbata ooshako dhuusila wepungu niinima yilwe.
“Ngele opwa holoka oshiponga, otwa hala okuhupitha oomwenyo. Uuwato wetu kawu na oondjatha dhokuhupitha oomwenyo naashoka oshi li uupyakadhi unene ngele pwa holoka sha. Otatu indile ekwatho lyaaiyambi ye tu pe omagano goondjatha opo tu kalekepo egameno muuwato wetu,” Mupetami a popi.
ILENI NANDJATO
Aanafaalama oya kunkililwa woo opo kaya taaguluke omeya kehe pamwe ihe ya longithe ekwatho lyuuwato mbyoka hawu longithwa kongundu yaagandjiyomakwatho gopaulumomhumbwe moshikandjo shoka.
Omolwa omuloka omunene ngoka gwa loko monooli yoshilongo, omulonga gwaNiiwe oguudha omeya naanafaalama mboka ye na oohambo dhi li popepi noshikunino shiinamwenyo shEtosha, itaya vulu we okuya koohambo dhawo.
Elelo lyoshitopolwa shaShana okupitila mombelewa yakansela gwaKatjali olya gandja uuwato mboka opo wu vule okukwathela aanafaalama. Kansela gwoshikandjohogololo shoka Joseph Mupetami okwa popi kutya omulonga ngoka ogwa ya muule na omunene na ogwa nika oshiponga okutaaguluka koompadhi nenge niihauto.
Mupetami okwa popi kutya oshikandjo oshi na uuwato utatu, naanafaalama mboka yah la okuya koohambo dhawo na ya longithe ekwatho lyuuwato mboka.
Kansela okwa popi kutya momvula yo 2009 ombelewa yawo oya mono uuwano mboka wa gandjwa omagano kehangano lyoNovanam Fishing, na ohawu longithwa pethimbo lyefundja. Uuwato mboka ohawu tsilike aantu yahamano poshikando pamwe nomitsalo dhawo, na ope na aakwashigwana mboka ya dheulilwa okulongitha uuwato mboka.
Mupetami okwa tsikile kutya aanafaalama naya longithe ekwatho ndyoka ihe naya longele kumwe naamboka haya longo nuuwato mboka. Okwa popi kutya inaya hala aantu taya yi muuwato moka ya longitha iikolitha nenge ye na omitsalo odhindji.
Mupetami okwa popi kutya okawato okatine oka pewa oshikandjohogololo shaMpundja opo ka vule woo okukwathela monkalo ya faathana.
Okwa popi kutya uuwato mboka itawu vulu okuhumbata iimuna ihe otawu vulu okuhumbata ooshako dhuusila wepungu niinima yilwe.
“Ngele opwa holoka oshiponga, otwa hala okuhupitha oomwenyo. Uuwato wetu kawu na oondjatha dhokuhupitha oomwenyo naashoka oshi li uupyakadhi unene ngele pwa holoka sha. Otatu indile ekwatho lyaaiyambi ye tu pe omagano goondjatha opo tu kalekepo egameno muuwato wetu,” Mupetami a popi.
ILENI NANDJATO
Comments
Namibian Sun
No comments have been left on this article