Oshana sha hala opo ku manithwe omatungo gooskola
Elelo lyoshitopolwa shaShana otali nana nondatu opo li vule okumanitha omatungo gomagumbo gaalongiskola oshowo oopoloyeka dhoongulu dhoskola pooskola dha yooloka moshitopolwa, ndhoka dhili oshitopolwa shoTargeted Intervention Programme for Employment and Economic Growth (Tipeeg).
Oopoloyeka dhoka odha kala dha thikama okutameka omvula yo 2014 naatungi yoopoloyeka ndhoka oya thigi po omahala giilonga.
Omatungo gamwe oga yonagulwa na oga pumbwa okulongululwa ishewe.
Tipeeg oshiyetwa po sha nuninwa okutota po oompito dhiilonga nokukondjitha oluhepo ihe okwa holoka omapopyo kutya aantu yamwe oohandimwe oya longitha oshiyetwa po shoka mokwiiyambapaleka nokulongitha pambambo omaliko gepangelo ngoka ga nuninwa okuyambidhidha aathigona.
Iilyo yoNamibia Chamber of Commerce and Industry (NCCI) nayo oya popi kutya uukombunda owa dhana onkandangala onene megandjo lyootendela momatungo goopoloyeka ndhoka tadhi tungwa kohi yoshiyetwa po shoka.
Ooskola ndhoka dha li tadhi gwedhelwa omatungo ongaashi Oshapwa Primary School, Ekwafo Secondary School, Ehenye Primary School, Eluwa Special School oshowo Olukolo Primary School, omanga omagumbo gaalongi geli omugoyi taga tungwa mOmapopo, Omulunga, Oshipumbu oshowo Oshekesheka ihe oga thigwa inaga pwa okutungwa.
Tipeeg natango oya gandja eyambidhidho lyiiyemo ketungo lyoskola yOngwediva Junior Secondary School ndjoka natango inayi pya okutungwa konima sho aatungi ya futwa oshimaliwa sha thika poomiliyona 38, omanga iilonga inayi wa.
Aatungi mboka nayo oya thigi po ehala lyiilonga.
Omukomeho gwelongo moshitopolwa shaShana, Hileni Amukana okwa lombwele oNamibian Sun oshiwike shika kutya, monena omatungo owala pEhenye oshowo pEluwa ga manithwa omanga aatungi aape yiipyakidhila nemanitho lyetungo poskola yOngwediva Junior Secondary School.
Otaku fekelwa kutya iilonga yetungo ndyoka otayi kala ya manithwa okuya petameko lyomvula twa taalela.
Amukana okwa popi kutya oshitopolwa oshi na ompumbwe onene noopoloyeka dhoka odha pumbiwa dhi kale dha manithwa meendelelo, unene sho uuministeli wa tula miilonga omusindalongo omupe ngoka gwa kwatelamo ehulithe po lyomakonaakono gopopashigwana mondondo onti 10 okuya momvula twa taalela, naanaskola otaya kala taya shanga omakonaakono gawo gotango gopashigwana mondondo onti 9.
Amukana okwa popi natango kutya kombinga yomagumbo gaalongiskola, okwa pulwa aatungi opo ya mane iilonga mbyoka mbala.
“Kombinga yoongulu dhoskola omatungo owala lyopEluwa oshowo Ehenye ga pu noongulu ndhoka otadhi longithwa nale kaanaskola omanga oongulu pooskola ngaaashi Oshapwa Primary School, Ekwafo Secondary School oshowo Olukolo inadhi manithwa natango okutungwa,” Amukana a popi.
Okwa popi kutya kashi li momake gawo, molwaashoka oopoloyeka ndhoka odhili momake goTipeeg.
Momvula yo 2011 epangelo olya uvaneke okutota po oompito dhiilonga dhi li po 104 000 muule woomvula ndatu okupitila moprogramma yoTipeeg nelongitho lyoshimaliwa sha thika poobiliyona 14.5.
Nonando ongaaka oobiliyona owala 11 dha longithwa muule woshikako shoka sha hulu momwedhi Maalitsa momvula yo 2014.
Oprograma ndjoka oya nyanwa kutya oya totapo owala oompito dhiilonga dhopakathimbo odhindji, melongitho lyomwaalu omunene gwiimaliwa.
Oprograma ndjoka oya tota po oompito dhiilonga dha thika po 83 000, moka mwa kwatelwa oompito dhiilonga tadhi kalelele dhi li 15 829, nomwalu ngoka ogu li pevi okuyeleka noompito dhi li po 104 000 ndhoka dha li dha tengenekwa nokutseyithwa momvula yo 2011.
ILENI NANDJATO
Omatungo gamwe oga yonagulwa na oga pumbwa okulongululwa ishewe.
Tipeeg oshiyetwa po sha nuninwa okutota po oompito dhiilonga nokukondjitha oluhepo ihe okwa holoka omapopyo kutya aantu yamwe oohandimwe oya longitha oshiyetwa po shoka mokwiiyambapaleka nokulongitha pambambo omaliko gepangelo ngoka ga nuninwa okuyambidhidha aathigona.
Iilyo yoNamibia Chamber of Commerce and Industry (NCCI) nayo oya popi kutya uukombunda owa dhana onkandangala onene megandjo lyootendela momatungo goopoloyeka ndhoka tadhi tungwa kohi yoshiyetwa po shoka.
Ooskola ndhoka dha li tadhi gwedhelwa omatungo ongaashi Oshapwa Primary School, Ekwafo Secondary School, Ehenye Primary School, Eluwa Special School oshowo Olukolo Primary School, omanga omagumbo gaalongi geli omugoyi taga tungwa mOmapopo, Omulunga, Oshipumbu oshowo Oshekesheka ihe oga thigwa inaga pwa okutungwa.
Tipeeg natango oya gandja eyambidhidho lyiiyemo ketungo lyoskola yOngwediva Junior Secondary School ndjoka natango inayi pya okutungwa konima sho aatungi ya futwa oshimaliwa sha thika poomiliyona 38, omanga iilonga inayi wa.
Aatungi mboka nayo oya thigi po ehala lyiilonga.
Omukomeho gwelongo moshitopolwa shaShana, Hileni Amukana okwa lombwele oNamibian Sun oshiwike shika kutya, monena omatungo owala pEhenye oshowo pEluwa ga manithwa omanga aatungi aape yiipyakidhila nemanitho lyetungo poskola yOngwediva Junior Secondary School.
Otaku fekelwa kutya iilonga yetungo ndyoka otayi kala ya manithwa okuya petameko lyomvula twa taalela.
Amukana okwa popi kutya oshitopolwa oshi na ompumbwe onene noopoloyeka dhoka odha pumbiwa dhi kale dha manithwa meendelelo, unene sho uuministeli wa tula miilonga omusindalongo omupe ngoka gwa kwatelamo ehulithe po lyomakonaakono gopopashigwana mondondo onti 10 okuya momvula twa taalela, naanaskola otaya kala taya shanga omakonaakono gawo gotango gopashigwana mondondo onti 9.
Amukana okwa popi natango kutya kombinga yomagumbo gaalongiskola, okwa pulwa aatungi opo ya mane iilonga mbyoka mbala.
“Kombinga yoongulu dhoskola omatungo owala lyopEluwa oshowo Ehenye ga pu noongulu ndhoka otadhi longithwa nale kaanaskola omanga oongulu pooskola ngaaashi Oshapwa Primary School, Ekwafo Secondary School oshowo Olukolo inadhi manithwa natango okutungwa,” Amukana a popi.
Okwa popi kutya kashi li momake gawo, molwaashoka oopoloyeka ndhoka odhili momake goTipeeg.
Momvula yo 2011 epangelo olya uvaneke okutota po oompito dhiilonga dhi li po 104 000 muule woomvula ndatu okupitila moprogramma yoTipeeg nelongitho lyoshimaliwa sha thika poobiliyona 14.5.
Nonando ongaaka oobiliyona owala 11 dha longithwa muule woshikako shoka sha hulu momwedhi Maalitsa momvula yo 2014.
Oprograma ndjoka oya nyanwa kutya oya totapo owala oompito dhiilonga dhopakathimbo odhindji, melongitho lyomwaalu omunene gwiimaliwa.
Oprograma ndjoka oya tota po oompito dhiilonga dha thika po 83 000, moka mwa kwatelwa oompito dhiilonga tadhi kalelele dhi li 15 829, nomwalu ngoka ogu li pevi okuyeleka noompito dhi li po 104 000 ndhoka dha li dha tengenekwa nokutseyithwa momvula yo 2011.
ILENI NANDJATO
Comments
Namibian Sun
No comments have been left on this article