Oshakati tayi pula komeho megandjo lyomagumbo
Ehangano lyoNational Housing Enterprise (NHE) otali ka gandja omagumbo ge li po 60 mondoolopa yaShakati okuya pehulilo lyomwedhi Novemba.
Shoka osha tseyithwa nokukolekwa komupopiliko gwoNHE, Mutonga Matali, sho a ningilwa omapulo kombinga ye yo komeho lya ningwa kehangano ndyoka mondoolopa yomonooli.
Petameko lyomvula ndjika, NHE okwa tameke netungo lyomagumbo geli po 200 mEkuku Extension 6, mondoolopa yaShakati, melongelokumwe nomahangano gaali gopaumwene.
Matali okwa popi kutya okuya pehulilo lyomwedhi nguka, omagumbo geli 41 otaga ka gandjwa omanga ge li po 20 taga ka gandjwa okuya pehulilo lyomwedhi ngoka twa taalela.
Sho oshifokundaneki shoNamibian Sun, sha talele po ehala ndyoka, omagumbo agehe oga pwa okutungwa na oga tegelela owala ooyene, na kape na iilonga ya sha tayi longwa pehala ndyoka.
Matali okwa popi kutya omagumbo ge li 139 gomomagumbo 200 oga pewa nale ooyene no 53 oya pewa omikuli dhomagumbo okuza koombaanga. Kombinga yondando yomagumbo ngoka, ominista yomayambulepo goondoolopa niitopolwa, Peya Mushelenga okwa tsu omuthindo opo ondando kayi ye pombanda yoshimaliwa shooN$500 000 ihe momwedhi Juli, Omunambelewa Omukuluntu gwoNHE, Gisbertus Mukulu okwa yelitha kutya itashi tsu kumwe paliko ya kwashilipaleke kutya ondando otayi kala owala pooN$500 000.
Mukulu okwa popi kutya ndyoka elombwelo lyopakana lya zi kuMushelenga na okwa pumbwa okuningwa natango oonkundathana, ta gwedha po kutya elombwelo ndyoka inali kwatela mo metsokumwe niiputudhilo yopaumwene ngaashi ndyoka lyomOshakati nomatompelo kutya momatsokumwe goludhi ndoka, okwa longitha iimaliwa yopaumwene, nooyene oya tegelela okulikola sha okuza momapungulo gawo. Ompumbwe yomagumbo moNHE, oya thikama po91 131.
Sho a ningilwa omapulo, mayola gwaShakati, Angelus Iyambo okwa pandula oonkambadhala adhihe ndhoka tadhi ningwa kuNHE okutungila aantu omagumbo.
“Pehala lyelelo lyaShakati otu na etumba molwaashoka ondjodhi yepangelo okugandja omagumbo kaaantu. Naashoka sho moshilongo ashihe Oshakati oyi li ponomola yotango mokugandja evi,” Iyambo a popi.
Iyambo okwa pandula woo omahangano gopaumwene ngoka taga tungu omagumbo mondoolopa.
KENYA KAMBOWE
Shoka osha tseyithwa nokukolekwa komupopiliko gwoNHE, Mutonga Matali, sho a ningilwa omapulo kombinga ye yo komeho lya ningwa kehangano ndyoka mondoolopa yomonooli.
Petameko lyomvula ndjika, NHE okwa tameke netungo lyomagumbo geli po 200 mEkuku Extension 6, mondoolopa yaShakati, melongelokumwe nomahangano gaali gopaumwene.
Matali okwa popi kutya okuya pehulilo lyomwedhi nguka, omagumbo geli 41 otaga ka gandjwa omanga ge li po 20 taga ka gandjwa okuya pehulilo lyomwedhi ngoka twa taalela.
Sho oshifokundaneki shoNamibian Sun, sha talele po ehala ndyoka, omagumbo agehe oga pwa okutungwa na oga tegelela owala ooyene, na kape na iilonga ya sha tayi longwa pehala ndyoka.
Matali okwa popi kutya omagumbo ge li 139 gomomagumbo 200 oga pewa nale ooyene no 53 oya pewa omikuli dhomagumbo okuza koombaanga. Kombinga yondando yomagumbo ngoka, ominista yomayambulepo goondoolopa niitopolwa, Peya Mushelenga okwa tsu omuthindo opo ondando kayi ye pombanda yoshimaliwa shooN$500 000 ihe momwedhi Juli, Omunambelewa Omukuluntu gwoNHE, Gisbertus Mukulu okwa yelitha kutya itashi tsu kumwe paliko ya kwashilipaleke kutya ondando otayi kala owala pooN$500 000.
Mukulu okwa popi kutya ndyoka elombwelo lyopakana lya zi kuMushelenga na okwa pumbwa okuningwa natango oonkundathana, ta gwedha po kutya elombwelo ndyoka inali kwatela mo metsokumwe niiputudhilo yopaumwene ngaashi ndyoka lyomOshakati nomatompelo kutya momatsokumwe goludhi ndoka, okwa longitha iimaliwa yopaumwene, nooyene oya tegelela okulikola sha okuza momapungulo gawo. Ompumbwe yomagumbo moNHE, oya thikama po91 131.
Sho a ningilwa omapulo, mayola gwaShakati, Angelus Iyambo okwa pandula oonkambadhala adhihe ndhoka tadhi ningwa kuNHE okutungila aantu omagumbo.
“Pehala lyelelo lyaShakati otu na etumba molwaashoka ondjodhi yepangelo okugandja omagumbo kaaantu. Naashoka sho moshilongo ashihe Oshakati oyi li ponomola yotango mokugandja evi,” Iyambo a popi.
Iyambo okwa pandula woo omahangano gopaumwene ngoka taga tungu omagumbo mondoolopa.
KENYA KAMBOWE
Comments
Namibian Sun
No comments have been left on this article