Opoloyeka yomakaya ya pewa omulilo omuzizi

KENYA KAMBOWEOmukwatakanithi gwongundu yoSwapo mOshitopolwa shaShikoto, Armas Amukwiyu okwa popi kutya opoloyeka yongushu yobiliyona yimwe yokulonga omakaya moshitopolwa shaZambezi otayi nyanwa omolwa uuyelele wa puka mboka wa gandjwa moshigwana.Oshiwike sha piti okabinete kaNamibia oka gandja omulilo omuzizi kehangano lyoNamibia Oriental Tobacco, moka Amukwiyu e li omuniipambuliko pamwe nookume ke mongeshefa aakwashigwana yaChina, opo ya hiile oshitopolwa shevi shi longithwe melongo lyomakaya.Okatokolitho hoka oka holola woo kutya oompango nomilandu dhopoloyeka ndjoka otadhi kamanithwa okupitila moCabinet Committee on Trade and Economic Development (CCTED).Amukwiyu mehuliloshiwike okwa lombwele oshifokundaneki shoNamibian Sun kutya omatompelo sho aantu oyendji yeli ompinge nopoloyeka ndjoka, omolwaashoka inaya pewa uuyelele womondjila kombinga yopoloyeka ndjoka.Amukwiyu okwa popi kutya oye na ontseyo yomaiyuvo goshigwana ngoka itaga popile opoloyeka ndjoka, mwakwatelwa gehwahwameko lyoAffirmative Reposition (AR) ndyoka omasiku ga piti lya shangele omukanda Omupresidende Hage Geingob moka ya holola omaiyuvo gawo kombinga yezimino ndyoka lya ningwa kokabinete omasiku ngaka.Amukwiyu okwa pula oshigwana shi kale sha ngungumana nokutegekela ehangano lyoNamibia Oriental Tobacco li yelithe nokukutha po omalimbililo ngoka geli po shi na sha nopoloyeka ndjoka.“Katu na oshindji okupopya, kutse oshili mondjila aantu opo ya holole omaiyuvo gawo kombinga yoshinima kehe shoka kaya uvite. Otwiinekela kutya esiku limwe otatu ka vula okukuutumba poshitaafula shimwe nokuyelitha okwaahauvathana hoka kuli po ngashiingeyi,” Amukwiyu a popi.Uule woomvula dha piti, Amukwiyu nookume ke mongeshefa AaChina oya kala taya kondjitha opo yapewe oshitopolwa shevi shuunene woohecta 10 000 shofaalama moLiselo moshitopolwa shaZambezi kelelo lyopamuthigululwakalo lyaMafwe Traditional Authority.Nonando ongaaka opoloyeka ndjoka oya li ya tindwa nokominista nale yuundjolowele Bernard Haufiku ngoka a li a popi kutya opoloyeka ndjoka oyi li iilwitho yopauzigo.Okwa pula woo aakalimo yomoshitopolwa ya hogolole uundjolowele pehala lyuuzigo. Omulandulwa gwaHaufiku, Richard Kamwi naye okwa li a tindi opoloyea ndjoka omolwa omalimbililo guundjolowele.Sho a ningilwa omapulo, Ominista yUundjolowele, Kalumbi Shangula okwa popi kutya okatokolitho hoka ka pitithwa okuzimina opoloyeka ndjoka yomakaya okeli oshinima shomondjila.Okwa popi kutya ye okuli oshitopolwa shokabinete hoka ka ningi etokolo ndyoka, ta gwedhwa po kutya aalandulwa ye oyali ya gandja omaiyuvo gawo pondje yokabinete.

Opoloyeka yomakaya ya pewa omulilo omuzizi

Comments

Namibian Sun 2025-09-16

Please login to leave a comment

Opoloyeka yomakaya ya pewa omulilo omuzizi

Comments

Namibian Sun 2025-09-16

Please login to leave a comment

Login