'Operation Kalahari Desert' ya tulwa miilonga moRundu

Ngoka ta longo pehala lyaKomanda gwOpolisi moshitopolwa shaKavango East, Komufala Vilho Kalwenya okwa popi kutya kape na ehala lyiimbuluma moshitopolwa shoka na okwa gandja ekunkililo kaakwashigwana mboka haya longelekumwe noongangala.Sho a popi niikundaneki konima yetulo miilonga lyoshitopolwa oshitiyali sho 'Operation Kalahari Desert' moRundu mEtitano, Kalweenya okwa popi kutya omasiku goongangala oga yalulwa molwaashoka otaya ka taalela oveta. Kalwenya okwa popi kutya oya taalela uupyakadhi waakwashigwana taya longelekumwe noongangala nokumona omauwanawa okuza miilonga yuungangala.“Aantu yamwe oye hole oveta nelandulathano molwaashoka kaye hole iimbuluma ihe ope na aantu mboka taya mono omauwanawa okuza miimbuluma na oye li ompinge nopolisi. Mboka AaNamibia mboka kaye hole ombili na otaya longele pamwe noongangala mokunyateka edhina lyopolisi opo ya vule okutula opolisi pevi yo ya tsikile nokulonga iimbuluma yawo. Naya kale ya tseya kutya omasiku gawo oga yalulwa,” Kalwenya a popi.Omaupyakadhi gamwe ga taalela opolisi unene moRundu omidhingoloko dhi na iihwa, ompumbwe yomalamba momapandanda oshowo okwaahena omathano guuvideo momapandanda. Kalwenya okwa popi kutya oshitopolwa oshitiyali shopatolola ndjoka otashi ka longa uule woowili 24 momalukanda gaRundu. Ondoolopa yaRundu oyi li ondoolopa ontiyali moshilongo yi na omwaalu omunene gwaakalimo sho yi na aakalimo taya tengenekelwa po 90 000, noyendji yomaakalimo mboka ohaya zi momalukanda, ngoka ga ningwa omahala gokulongela iimbuluma kongangala.Kombinga yompumbwe yomalamba gomomapandanda ndjoka oyo tayi etitha aakalimo yomondoolopa ndjoka ya ninge iihakanwa yiimbuluma, Kalweenya okwa popi kutya opolisi oya yi moonkundathana naakuthimbinga ya yooloka na otaya tala kutya otaya kandulwa po uupyakadhi mboka ngiini.Kalweenya okwa indile woo aanangeshefa mboka ye na oongeshefa dhi li popepi noondjila oonene opo ya tule omathano guuvideo pondje yoongeshefa dhawo, opo ku vule okukwathela opolisi yi kondjithe iimbuluma nuupu.KENYA KAMBOWE

'Operation Kalahari Desert' ya tulwa miilonga moRundu

Comments

Namibian Sun 2025-10-24

Please login to leave a comment

'Operation Kalahari Desert' ya tulwa miilonga moRundu

Comments

Namibian Sun 2025-10-24

Please login to leave a comment

Login