Opate yaMpundja ya yonagulwa po komeya

TUYEIMO HAIDULA

OSHAKATI



Epangelo kwategelelwa Ii longe ondjila ndjokaOpate ndjoka ohayi longithwa kaalongi oshowo kaanaskola poskola yedhina Oshipumbu Combined School oshowo Nevonga Primary School.

Oshiwike sha piti, aalongi yamwepo, aanaskola oshowo aavali poskola yaShipumbu oya kambadhala okulonga ondjila ndjoka opo ya vule oku yi longitha ihe osha hulile muunyengwi.

Otaya pula ekwatho lyomeendelelo omanga oskola inayi tameka. Ondjila ndjoka oya yonagulwapo kefundja nomuloka ngoka gwa loko omasiku ngaka ogwa nayipalekitha onkalo. Kansela gwoshikandjohogololo sha Ompundja Adolf Hitler Uunona, okwa lombwele oNamibian Sun mEtine lya piti kutya oye li miilonga yokulonga ondjila ndjoka, ihe iiyemo oyo uupyakadhi. Okwa popi kutya oya mono oshimaliwa shooN$140 000 ihe inashi gwana naatungi otaya tindi okulonga ondjila ndjoka kokamaliwa okashona. Hitler okwa poi kutya oye li moonkundathana nelelo lyoshitopolwa shaShana opo ondjila ndjoka yi longwe ihe omilandu dhepangelo monena otashi vulika dhi ya kateke kashona.

“Osh ina okuya momulandu gwotendela. Sho tatu popi, otashi kundathanwa noevaluation committee opo nduno tashi ka kundathanwa koprocurement committee.

Otwa kundathana woo onkalo ndjoka nehangano lyoRoads Authority li koleke ondjila ndjoka opo yi vule okulongwa kepangelo na otashi ka kandula po uupyakadhi wiiyemo,” kansela a popi.

Uunona okwa popi kutya inashi yela natango kutya iilonga otayi tameke uunake.