Ootrapa megwo lyomeya moRuacana odha nika oshiponga
Konima yoomwedhi sho ootrapa ndhoka hadhi longithwa unene okuya megwo lyomeya moRuacana dha kala dha patwa kopolisi molwaashoka odha nika oshiponga sha landula sho dha yonagulwa komuloka omunene, opolisi oya patulula ootrapa ndhoka konima sho ya ndopa okumona eyamukulo komalelo gomondjila opo ootrapa ndhoka dhi vule okulongwa.
MuDesemba gwomvula ya piti, opolisi oya li ya pata oontapa dhoka hadhi endelwa dha thika po-400.
Omupopiliko gwopolisi yaMusati, Warrant Officer Linekela Shikongo, okwa lombwele oNamibian Sun kutya omalelo agehe, Nampower, Elelo lyOshitopolwa shaMusati nElelo lyOndoolopa yaRuacana oga tindi oshinakugwanithwa shegwo lyomeya.
Shikongo okwa popi kutya sha landula omuloka, opolisi oya li ya tokola okupata ootrapa ndhoka molwaashoka odha nika oshiponga.
“Inatu vula okumona omalelo gomondjila opo ga vule okulonga ootrapa ndhoka na otwa tokola okupatulula ootrapa ndhoka. Ootrapa otadhi gu po na oshi li sha nika oshiponga noonkondo ihe itatu vulu oku indika aantu ya vule okuya megwo lyomeya okulongitha ootrapa molwaashoka kape na ngoka tedhi longulula,” Shikongo ta ti.
Shikongo okwa popi kutya inaku lopotwa oshiponga natango sha etithwa kootrapa ndhoka, ihe oku na uumbanda kutya ethimbo ndika olundji olyo aantu haya talele po ehala ndyoka.
Okwa tsikile kutya egwo lyomeya ohali nana aatalelipo oyendji ethimbo ndika ihe ayehe oya landula omalombwelo gopolisi. Shikongo okwa popi kutya ota pandula woo ombelewa yakansela sho ye ya tseyithile kombinga yonkalo ndjoka.
Kuyele, kansela gwaRuacana Andreas Shintama okwa popi kutya ootrapa ndhoka odha yonagulwa komvula omumvo gwa piti, na otaya kambadhala opo yamone kutya olye e na oshinakugwanithwa shesiloshisho lyehala ndyoka.
“Katu shi kutya olye e na oshinakugwanithwa shokusila oshisho ehala ndyoka. Oli li ehala lyoshigwana ihe gumwe oku na okukala e na oshinakugwanitwa,” Shintama ta ti
Omupopiliko gwUuministeli wOmidhingoloko nOmatalelepo, Romeo Muyunda, okwa popi kutya ehala ndyoka oli li kohi yetonatelo lyElelo lyoshitopolwa shaMusati, ihe Shintama ina tsa kumwe.
“Oompangela odhi li metifa opo Elelo lyaMusati li kutheko oshinakugwanithwa shehala ndyoka. Ngashiingeyi oli li owala ehala lyoshigwana,” Shintama ta ti.
Egwo lyomeya lyaRuacana otali adhika momulonga gwaKunene koongamba dhaAngola na oli na uule woshinano shoometa 120.
ILENI NANDJATO
MuDesemba gwomvula ya piti, opolisi oya li ya pata oontapa dhoka hadhi endelwa dha thika po-400.
Omupopiliko gwopolisi yaMusati, Warrant Officer Linekela Shikongo, okwa lombwele oNamibian Sun kutya omalelo agehe, Nampower, Elelo lyOshitopolwa shaMusati nElelo lyOndoolopa yaRuacana oga tindi oshinakugwanithwa shegwo lyomeya.
Shikongo okwa popi kutya sha landula omuloka, opolisi oya li ya tokola okupata ootrapa ndhoka molwaashoka odha nika oshiponga.
“Inatu vula okumona omalelo gomondjila opo ga vule okulonga ootrapa ndhoka na otwa tokola okupatulula ootrapa ndhoka. Ootrapa otadhi gu po na oshi li sha nika oshiponga noonkondo ihe itatu vulu oku indika aantu ya vule okuya megwo lyomeya okulongitha ootrapa molwaashoka kape na ngoka tedhi longulula,” Shikongo ta ti.
Shikongo okwa popi kutya inaku lopotwa oshiponga natango sha etithwa kootrapa ndhoka, ihe oku na uumbanda kutya ethimbo ndika olundji olyo aantu haya talele po ehala ndyoka.
Okwa tsikile kutya egwo lyomeya ohali nana aatalelipo oyendji ethimbo ndika ihe ayehe oya landula omalombwelo gopolisi. Shikongo okwa popi kutya ota pandula woo ombelewa yakansela sho ye ya tseyithile kombinga yonkalo ndjoka.
Kuyele, kansela gwaRuacana Andreas Shintama okwa popi kutya ootrapa ndhoka odha yonagulwa komvula omumvo gwa piti, na otaya kambadhala opo yamone kutya olye e na oshinakugwanithwa shesiloshisho lyehala ndyoka.
“Katu shi kutya olye e na oshinakugwanithwa shokusila oshisho ehala ndyoka. Oli li ehala lyoshigwana ihe gumwe oku na okukala e na oshinakugwanitwa,” Shintama ta ti
Omupopiliko gwUuministeli wOmidhingoloko nOmatalelepo, Romeo Muyunda, okwa popi kutya ehala ndyoka oli li kohi yetonatelo lyElelo lyoshitopolwa shaMusati, ihe Shintama ina tsa kumwe.
“Oompangela odhi li metifa opo Elelo lyaMusati li kutheko oshinakugwanithwa shehala ndyoka. Ngashiingeyi oli li owala ehala lyoshigwana,” Shintama ta ti.
Egwo lyomeya lyaRuacana otali adhika momulonga gwaKunene koongamba dhaAngola na oli na uule woshinano shoometa 120.
ILENI NANDJATO
Comments
Namibian Sun
No comments have been left on this article