Ooskola odho nadhilundulule ethimbo lyetameko lyootundi
Oonkundathana kombinga yethimbo lyaNamibia tadhi tsikile
Oshikondo shElongo osha pumbwa okupitika ooskola opo dhi vule okulundulula omathimbo gadho gokutameka ootundi nokumanitha ootundi, ngoka ogo omaiyuvo gehangano lyoNamibia Employers’ Federation (NEF).
Amushanga gwoNEF, Tim Parkhouse okwa lombwele okomitiye yoParliamentary Standing Committee on Foreign Affairs, Defence and Security pethimbo lyomutumba gwokuholola omaiyuvo nokuninga omagwedheleopo ngoka ga ningwa noshigwana kombinga yOtotwaveta yEthimbo lyaNamibia.
Okwa popi kutya shoka osha pumbwa okuningwa uuna kwa kundathana naavali tango.
Okwa popi kutya aanangeshefa inaya hala opo kulundululukilwe kethimbo lyaNamibia lyokufu na oya hala okukala taya longitha ethimbo lyaSouth Afrika, lyokwenye molwaashoka ohaya kanitha iiyemo muule woowili ne uule woomwedhi ntano okutameka muApilili sigo omwedhi Aguste.
Omuleli gwoNEF okwa popi kutya omaudhano ogendji ohaga ningwa konima yiilonga nopethimbo lyokufu omalusheno ohaga longithwa unene uule woomwedhi ntano, naashika otashi etitha elongitho unene lyolusheno pethimbo ndyoka.
Ehangano ndika olya kalela po aaniilonga taku tengenekwa ya thika po-5 500 moshilongo ashihe.
Omukuluntu gwomapekaapeko moNamibia Chamber of Commerce and Industry (NCCI), Leonard Kamwi, okwa popi kutya aanangeshefa oya holola omaiyuvo gopaali: limwe okombinga yegameno lyaanona mboka haya yi kootundi nekwawo okombinga yonkalo yeliko pethimbo lyokufu.
Kamwi okwa yelitha kutya pethimbo lyokufu onkalo ndjoka ihayi gumu owala oongeshefa dhaNamibia, ihe ohayi etitha woo oowili ooshona dhiilonga poongamba dhoshilongo.
Okwa popi kutya oshihwepo oshilongo shi kale nethimbo limwe.
Ontotwaveta yEthimbo lyaNamibia oya tulwa poshitaafula mOmutumba gwoPashigwana sho iikondo ya thika po-10 ya holola omaipulo gawo omolwa ethimbo.
Okwa monika mo kutya kakwali kwa ningwa oonkundathana dha gwana pethimbo oveta yotango ya tulwa miilonga. Noshikondo shIikwameni nOmatembu shoka shali sha pewa oshinakugwanithwa shika, osha ningi owala ekwatathano nomauministeli gopatatu oshowo oongoloneya yatatu.
NAMPA
Amushanga gwoNEF, Tim Parkhouse okwa lombwele okomitiye yoParliamentary Standing Committee on Foreign Affairs, Defence and Security pethimbo lyomutumba gwokuholola omaiyuvo nokuninga omagwedheleopo ngoka ga ningwa noshigwana kombinga yOtotwaveta yEthimbo lyaNamibia.
Okwa popi kutya shoka osha pumbwa okuningwa uuna kwa kundathana naavali tango.
Okwa popi kutya aanangeshefa inaya hala opo kulundululukilwe kethimbo lyaNamibia lyokufu na oya hala okukala taya longitha ethimbo lyaSouth Afrika, lyokwenye molwaashoka ohaya kanitha iiyemo muule woowili ne uule woomwedhi ntano okutameka muApilili sigo omwedhi Aguste.
Omuleli gwoNEF okwa popi kutya omaudhano ogendji ohaga ningwa konima yiilonga nopethimbo lyokufu omalusheno ohaga longithwa unene uule woomwedhi ntano, naashika otashi etitha elongitho unene lyolusheno pethimbo ndyoka.
Ehangano ndika olya kalela po aaniilonga taku tengenekwa ya thika po-5 500 moshilongo ashihe.
Omukuluntu gwomapekaapeko moNamibia Chamber of Commerce and Industry (NCCI), Leonard Kamwi, okwa popi kutya aanangeshefa oya holola omaiyuvo gopaali: limwe okombinga yegameno lyaanona mboka haya yi kootundi nekwawo okombinga yonkalo yeliko pethimbo lyokufu.
Kamwi okwa yelitha kutya pethimbo lyokufu onkalo ndjoka ihayi gumu owala oongeshefa dhaNamibia, ihe ohayi etitha woo oowili ooshona dhiilonga poongamba dhoshilongo.
Okwa popi kutya oshihwepo oshilongo shi kale nethimbo limwe.
Ontotwaveta yEthimbo lyaNamibia oya tulwa poshitaafula mOmutumba gwoPashigwana sho iikondo ya thika po-10 ya holola omaipulo gawo omolwa ethimbo.
Okwa monika mo kutya kakwali kwa ningwa oonkundathana dha gwana pethimbo oveta yotango ya tulwa miilonga. Noshikondo shIikwameni nOmatembu shoka shali sha pewa oshinakugwanithwa shika, osha ningi owala ekwatathano nomauministeli gopatatu oshowo oongoloneya yatatu.
NAMPA
Comments
Namibian Sun
No comments have been left on this article