Ooskola dhopevi dha tameke
Osha li enyanyu enene kiipala yaanaskola yoondondo dhopevi, sha landula sho ootundi dha tameke mEtiyali lyoshiwike shika, okuza oshikunino sigo ondondo ontitatu.
JUSTICIA SHIPENA
OVENDUKA
Oshitopolwa oshitiyali shetameko lyooskola osha tulwa miilonga oshiwike shika, sha landula sho ooskola dha kalekwa uule woomwedhi, okuza momwedhi Maalitsa, omolwa ombuto yo Covid-19.
Pahapu dhaRomanus //Garoeb, omukuluntuskola poskola yedhina Martti Ahtisaari Primary School, aalongi oya li ya nyanyukwa okumona aanaskola yawo mboka ya galukile kootundi.
“Osha faathana naasho nda talelepo oongulu dhoskola aanaskola oya li ya nyanyukwa okugalukila kootundi. Oshi li uuthemba womunona kehe opo a mone elongo na otwa nyanyukwa okukalekapo uuthemba mboka.”
//Garoeb okwa popi kutya omanga oskola inayi tameka, oya ningi omutumba naavali kombinga yomilandu omipe, nankene tadhi ka longithwa.
Okwa popi kutya oya wapaleke oongulu dhoskola mekwathelo lyaavali na oye na okandjembo kokukutha uupyu waanaskola oshowo iiwapalekitho yokiikaha.
Okwa tsikile kutya uuna aanaskola ya thiki poskola aalongi otaye ya thindikile koongulu dhawo, nokukwashilipaleka kutya aanaskola oyiikala kokule. Omukuluntuskola okwa popi kutya aavali otaya thigi aanona yawo pondje naanaskola mboka ye na uupyu wuli pombanda yoodegrees 38 aavali yawo itaya ningwa nayo ekwatathano mbala.
Okwa tsikile kutya omanga oongulu dhi na okukala aanaskola o 40, oskola oya tokola okutopola aanaskola noongundu dho 19 nenge 20. Ootundi otadhi hulu po 14:00 molwaashoka ngashiingeyi oye na oongundu mbali.
Oskola yaMoses van der Byl Primary School oya tula miilonga omulandu gwootundi dhopaali, yotango tayi tameke potundi 07:45 sigo 10:05, omanga ootundi dha landula ko okuza potundi 11:00 sigo 13:30.
“Aanaskola itaya yi pefudho molwaashoka pethimbo mpoka ye na okuya pefudho otaya pitimo,” Desire Goagoses, omulongiskola poskola ndjoka a popi.
Okwa popi kutya aanaskola inaya pitithwa okugumathana nenge okukala pamwe oshowo okutopolwa iilongitho. Otundi aluhe yotango ohaku longwa omilandu dhokwiigamena okuza kombuto nesimano okukaleka miilonga omilandu dhoka.
OVENDUKA
Oshitopolwa oshitiyali shetameko lyooskola osha tulwa miilonga oshiwike shika, sha landula sho ooskola dha kalekwa uule woomwedhi, okuza momwedhi Maalitsa, omolwa ombuto yo Covid-19.
Pahapu dhaRomanus //Garoeb, omukuluntuskola poskola yedhina Martti Ahtisaari Primary School, aalongi oya li ya nyanyukwa okumona aanaskola yawo mboka ya galukile kootundi.
“Osha faathana naasho nda talelepo oongulu dhoskola aanaskola oya li ya nyanyukwa okugalukila kootundi. Oshi li uuthemba womunona kehe opo a mone elongo na otwa nyanyukwa okukalekapo uuthemba mboka.”
//Garoeb okwa popi kutya omanga oskola inayi tameka, oya ningi omutumba naavali kombinga yomilandu omipe, nankene tadhi ka longithwa.
Okwa popi kutya oya wapaleke oongulu dhoskola mekwathelo lyaavali na oye na okandjembo kokukutha uupyu waanaskola oshowo iiwapalekitho yokiikaha.
Okwa tsikile kutya uuna aanaskola ya thiki poskola aalongi otaye ya thindikile koongulu dhawo, nokukwashilipaleka kutya aanaskola oyiikala kokule. Omukuluntuskola okwa popi kutya aavali otaya thigi aanona yawo pondje naanaskola mboka ye na uupyu wuli pombanda yoodegrees 38 aavali yawo itaya ningwa nayo ekwatathano mbala.
Okwa tsikile kutya omanga oongulu dhi na okukala aanaskola o 40, oskola oya tokola okutopola aanaskola noongundu dho 19 nenge 20. Ootundi otadhi hulu po 14:00 molwaashoka ngashiingeyi oye na oongundu mbali.
Oskola yaMoses van der Byl Primary School oya tula miilonga omulandu gwootundi dhopaali, yotango tayi tameke potundi 07:45 sigo 10:05, omanga ootundi dha landula ko okuza potundi 11:00 sigo 13:30.
“Aanaskola itaya yi pefudho molwaashoka pethimbo mpoka ye na okuya pefudho otaya pitimo,” Desire Goagoses, omulongiskola poskola ndjoka a popi.
Okwa popi kutya aanaskola inaya pitithwa okugumathana nenge okukala pamwe oshowo okutopolwa iilongitho. Otundi aluhe yotango ohaku longwa omilandu dhokwiigamena okuza kombuto nesimano okukaleka miilonga omilandu dhoka.
Comments
Namibian Sun
No comments have been left on this article