Oopresenda 80 dhAaNamibia inadhi tuntilwa omolwa oCorona

HENRIETTE LAMPRECHTOVENDUKANamibia okuli a limbililwa konkalo yoCovid-19 unene sho oopresenda 80 dhaakalimo inadhi tuntilwa.Ngoka omatumbulo gominista yuundjolowele, Dr Kalumbi Shangula, a popi ngaaka sho kwa tseyithwa etukuko lyekuthikuthi epe lyombuto yoCovid-19 ndyoka lya lopotwa moBotswana naSouth Africa.Ekuthikuthi tali ithanwa B.1.1.529 – otali itopolwa miitayi 32 nokweetitha li kale tali kwata meendelelo nonuupu omwaalu omunene gwantu. Kakele kiipotha ine yomukithi ngoka mbyoka ya lopotwa moBotswana, okwa lopotwa iipotha ine moHong Kong, nomukithi okwa lopotwa tagu dhenge unene Gauteng shaSouth Africa moka mwa lopotwa iipotha yili pe 100, konima sho omukithi ngoka gwa lopotwa mEtiyali lyoshiwike sha piti.Kombinga ngele Namibia otaka landa omiti dhontutilwa sho kwa hololwa kutya omiti dhoAstraZeneca noPfizer dha thika po 270 000 otadhi felefala pehulilo lyaJanuari, Shangula okwa popi kutya okwa ningwa etokolo opo ku gandje omiti dhontutila yotango momaludhi galwe gomiti.Pahapu dhe, etokolo ndyoka inali ningwa molwaashoka omiti otadhi felefala ihe olya ningwa onga oshitopolwa shelandulathano lyotuntila.Okuya mesiku onkundathana ndjika ya nyanyangidhwa aantu yeli po 300 633 oya tunttilwa na okwa halika okutuntila aantu ya thika pomiliyona 1.5, ondungethaneko yomomwedhi Maalitsa 2022, opo oopresenda 60 dhaakwashigwana dhi kale dha tuntilwa.Omuprofessa Tulio de Oliveira gwoKwaZulu-Natal Research Innovation and Sequencing Platform okwa popi kutya ombuto ndjika ompe inayi faathana noonkwawo dhoka dha piti na itayi indjipala miitayi yili po 30, nokukwata meendelelo. Omundohotola Tom Peacock, gwoImperial College London, okwa popi kutya omukithi ngoka ogwa pumbwa okukala tagu talika nawa molwaashoka ogwa nika oshiponga okuyeleka nomikithi omikwawo dhoCovid-19 dhoka dha piti. Omuprofessa Francois Balloux gwoUCL Genetics Institute okwa yi momatumbulo gaDe Oliveira kutya ekuthikuthi ndyoka lya dhidhilikwa olya nika oshiponga noonkondo.Okwa popi kutya omukithi ngoka ogwa tungwa po momuntu e na uupyakadhi waakwiita yolutu kaye na oonkondo ngaashi omuntu e na ombuto yoHIV/AIDS keeli kepango.Okwa tsikile kutya omukithi ngoka otagu vulu okukala miitopolwa yilwe yaAfrika, na ogwa pumbwa okukala tagu talika nawa. Aanambelewa yehangano lyUundjolowele mUuyuni, oya tsakanene oshiwike sha piti okukundathana kombinga yomukithi ngoka.- OLOPOTA YAGWEDHAPO OKUZA KONETWERK24, BLOOMBERG OSHOWO THE INDEPENDENT.

Oopresenda 80 dhAaNamibia inadhi tuntilwa omolwa oCorona

Comments

Namibian Sun 2022-05-26

Please login to leave a comment

Oopresenda 80 dhAaNamibia inadhi tuntilwa omolwa oCorona

Comments

Namibian Sun 2022-05-26

Please login to leave a comment

Login