Oopresenda 20 dhAanamibia dha taalela ondjal
ELVIRA HATTINGH
Aakwashigwana yaNamibia ye li po427 905 nenge oopresenda 20 dhaakwashigana odha dhengwa kompumbwe yoondya omvula ya piti.
Iitopolwa mbyoka ya gumwa unene ongaashi Kunene, Erongo, Khomas, Ohangwena, Kavango West, Omaheke oshowo Zambezi.
Anna Dumeni gwOmbelewa yOmuprima okwa popi mEtitano lya piti kutya omayambidhidho goondya onkene natango taga pewa aakwashigwana moshitopolwa shaKunene oshowo iitopolwa yimwe po mErongo nOmusati.
Dumeni okwa popi ngaaka pethimbo lyomutumba gwopashigwana meilongekidhilo lyoUnited Nations (UN) World Food Systems Summit, omutumba ngoka tagu kalako muSepetemba. Oonkundathana dhoka otadhi kalako sigo omomasiku 16 gaAguste.
Okwa popi kutya omukithi gwoCovid-19 ogwo gwa etitha uupyakadhi mboka oshowo omukithi ngaashi gwekondo nelaka miimuna nomapuka ngoka ga ponokele woo iimeno.
Okwa popi kutya ekanitho lyiilonga omolwa omaindiko goCovid-19 nalyo olya dhana onkandangala onene omanga e yo pombanda lyoondando, oluhepo nokwaahena iilonga noshikukuta nefundja nayo ya dhana woo onkandangala.
Dumeni okwa popi kutya uuministeli otawu ka ninga omapekaapeko natango muAguste okumona olopota yongashiingeyi kompumbwe yegamenenepo lyoondya.
Okwa popi woo omilandu nooprograma dha tulwa miilonga dha nuninwa okukondjitha uupyakadhi mboka ngaashi zero-hunger strategy, climate change adaptation strategy, oshowo food and food security implementation plan.
Bertus Kruger, gumwe gwopaapopi okwa ti Namibia oku na omilandu omiwanawa ihe ope na uupyakadhi pokutula miilonga omilandu dhoka. Okwa popi kutya ompumbwe yiikulya moshilongo otayi etithwa kiinima oyindji ihe uunamapya wa nkundipala nawo owa pumbwa okukonaakonwa.
Gerson Kampungu gwoNamibian Agricultural Board (NAB) okwa popi kutya iimaliwa oyindji otayi vulu okugwandjwa melongo lyoondya moshilongo, ndyoka tali vulu okuyambulapo elongo lyoondya noonkondo.
Komvula Namibia oha kutha omahangu goomiliyona 18.8 okuza koIndia oshowo epungu etokele lyoomiliyona 483 okuza koSouth Africa oshowo olwishi lwoomiliyona 620 okuza koIndia, Poland, Russia naSouth Africa.
Kampungu okwa popi kutya iihakautu yoomiliyona 109.2 oya etwa moshilongo pokati komvula yo 2018-2019 nonando Namibia naye oha longo iihakautu yomwaalu omushona.
Okwa tsikile kutyaNamibia oha longo owala oopresenda 27 dhomahangu ngoka haga liwa moshilongo oshowo oopresenda 37 dhepungu etokele.
Maria Amakali, omukomeho gwoshikondo showater management muuministeli wuunamapya nomeya okwa popi kutya Namibia oha longitha oocubic oomiliyona 300 dhomeya kehe omvula muunamapya.
Aakwashigwana yaNamibia ye li po427 905 nenge oopresenda 20 dhaakwashigana odha dhengwa kompumbwe yoondya omvula ya piti.
Iitopolwa mbyoka ya gumwa unene ongaashi Kunene, Erongo, Khomas, Ohangwena, Kavango West, Omaheke oshowo Zambezi.
Anna Dumeni gwOmbelewa yOmuprima okwa popi mEtitano lya piti kutya omayambidhidho goondya onkene natango taga pewa aakwashigwana moshitopolwa shaKunene oshowo iitopolwa yimwe po mErongo nOmusati.
Dumeni okwa popi ngaaka pethimbo lyomutumba gwopashigwana meilongekidhilo lyoUnited Nations (UN) World Food Systems Summit, omutumba ngoka tagu kalako muSepetemba. Oonkundathana dhoka otadhi kalako sigo omomasiku 16 gaAguste.
Okwa popi kutya omukithi gwoCovid-19 ogwo gwa etitha uupyakadhi mboka oshowo omukithi ngaashi gwekondo nelaka miimuna nomapuka ngoka ga ponokele woo iimeno.
Okwa popi kutya ekanitho lyiilonga omolwa omaindiko goCovid-19 nalyo olya dhana onkandangala onene omanga e yo pombanda lyoondando, oluhepo nokwaahena iilonga noshikukuta nefundja nayo ya dhana woo onkandangala.
Dumeni okwa popi kutya uuministeli otawu ka ninga omapekaapeko natango muAguste okumona olopota yongashiingeyi kompumbwe yegamenenepo lyoondya.
Okwa popi woo omilandu nooprograma dha tulwa miilonga dha nuninwa okukondjitha uupyakadhi mboka ngaashi zero-hunger strategy, climate change adaptation strategy, oshowo food and food security implementation plan.
Bertus Kruger, gumwe gwopaapopi okwa ti Namibia oku na omilandu omiwanawa ihe ope na uupyakadhi pokutula miilonga omilandu dhoka. Okwa popi kutya ompumbwe yiikulya moshilongo otayi etithwa kiinima oyindji ihe uunamapya wa nkundipala nawo owa pumbwa okukonaakonwa.
Gerson Kampungu gwoNamibian Agricultural Board (NAB) okwa popi kutya iimaliwa oyindji otayi vulu okugwandjwa melongo lyoondya moshilongo, ndyoka tali vulu okuyambulapo elongo lyoondya noonkondo.
Komvula Namibia oha kutha omahangu goomiliyona 18.8 okuza koIndia oshowo epungu etokele lyoomiliyona 483 okuza koSouth Africa oshowo olwishi lwoomiliyona 620 okuza koIndia, Poland, Russia naSouth Africa.
Kampungu okwa popi kutya iihakautu yoomiliyona 109.2 oya etwa moshilongo pokati komvula yo 2018-2019 nonando Namibia naye oha longo iihakautu yomwaalu omushona.
Okwa tsikile kutyaNamibia oha longo owala oopresenda 27 dhomahangu ngoka haga liwa moshilongo oshowo oopresenda 37 dhepungu etokele.
Maria Amakali, omukomeho gwoshikondo showater management muuministeli wuunamapya nomeya okwa popi kutya Namibia oha longitha oocubic oomiliyona 300 dhomeya kehe omvula muunamapya.
Comments
Namibian Sun
No comments have been left on this article