Oontamanana pokati kehangano lyaNamib Mills naBokomo
Ehangano lyokulonga omausila lyoNamib Mills olya hala Ompangu yoPombanda opo yi indike ehangano natango lyokulonga omausila lyedhina Bokomo kali landithile we uusila walyo yokuteleka uukuki moombaapila dha fa ndhoka tadhi longithwa kehangano lyoNamib Mills lyoshilimbo shawo shoBakpro.
Mondukumende dhawo dhompangu, menindjela gwomalanditho moNamib Mills, Pieter van Niekerk, okwa popi kutya kashi li mondjila pamulandu gwomathigathano mongeshefa Bokomo Namibia a longithe oombaapila dhokupakela uusila wokuteleka uukuki dha fa ndhoka tadhi longithwa kehangano lyawo.
Okwa popi kutya Bokomo ota longitha owina oombaapila dha fa dhawo opo naye a likole sha okuza kelanditho lyuusila mboka okupitila komapepe goNamib Mills.
Gumwe gwomaaniipambuliko aanene mehangano lyoBokomo, ehangano lyaSouth Afrika lyoPioneer Foods, okwa hololwa lya mono iiyemo yi li poobiliyona 10 momvula yo 2017.
Okwa lombwele ompangu kutya Namib Mills ehangano enene moNamibia tali landitha omausila ga yooloka, omakoloni, olwishi oshowo osuuka.
“Ohali landitha iilongomwa mbyoka kohi yoshilimbo shedhina Bakpro. Oshilimbo shoka osha longa okutameka omvula yo 1982, nomutholomeno gwoombaapila moka hamu landithilwa iilandomwa mbyoka otagu dhana onkandangala onene.”
Omunambelewa ngoka okwa popi kutya oshilimbo shawo oshiikalekwelwa nomathano ngoka taga adhika kombanda yoombaapila dhuusila wawo oshowo omalwaala.
Okwa popi kutya konima nkene ya tula momalanditho uusila mboka wu li moombaapila ndhoka ehangano lyaBokomo inali kala we tali landitha nawa.
Sha landula sho ya tula momalanditho uusila mboka wuli moombaapila oompe muJanuari gwonuumvo, oya landitha ootona 42 dhuusila mboka nokuya muAguste oya landitha ootona dhi li po880.
Aaniilonga yoNamib Mills oya popi kutya omolwa onkalo ndjoka, Bokomo okwa li a dhiminikwa opo a landithe po omausila ge ngoka ge li pokuninga nayi kondando yi li pevi noonkondo.
Okwa popi kutya ehangano lyawo olya longitha woo omwaalu omunene gwiimaliwa mokuninga omapekaapeko gopangeshefa opo ya vule okutula momalanditho uusila mbyoka, ta popi kutya oya longitha oshimaliwa shi li poomiliyona 1.7 lwaampoka.
Van Niekerk okwa popi kutya Bokomo okwa tokola owina okuholela ehangano lyawo ngele tashi ya koombaapila moka mwa pakelwa uusila mboka, ta popi kutya shoka oshili oshiningilawina molwaashoka iilandithomwa yawo yilwe oyi li moombapila dha yooloka noonkondo kwaadhoka tadhi adhika iilandithomwa yehangano lyaNamib Mills.
Okwa popi kutya ota pula Bokomo opo a pataneke oomapopyo ge nokugandja omaumbangi nkene eshi enditha melundululo lyoombaapila moka ta landithile ngashiingeyi uusila we mboka wuukuki dha faathana naadhoka tadhi landithilwa uusila mboka kehangano lyoNamib Mills.
Okwa tsikile kutya opo Bokomo a tule uusila we mboka moombaapila dha fa dhawo ote shi ningi opo a vule okulikola iiyemo melanditho lyuusila mboka tawu ithanwa 'vetkoek flour' nenge a ngwangwaneke aalandi nenge ayihe.
Sho a yamukula komapopyo gaVan Niekerk, Hubertus Hamm, Omunambelewa Omukuluntuwiliki gwoBokomo Namibia, okwa popi kombinga yokwaaha endelelitha eindilo ndoka lyompangu, ta popi kutya Namib Mills oye ta etitha ekateko ndyoka.
Hamm natango okwa popi kutya, osha kutha uule woomwedhi mbali Namib Mills opo a ngongepo oondokumende dhe dhoka dheindilo lyompangu a ningi ihe ope na ethano kutya ngoka ta pataneke eindilo ndyoka ita pumbwa okupewa ethimbo lya gwana opo iilongekidhe nomayamukulo ge.
Epwaakeno lyeindio ndyoka olya undulilwa komasiku 13 gaFebruali omvula twa taalela.
Tobias Louw gwoTheunissen, Louw and Partners okwa kalelepo ehangano lyoNamib Mills omanga Daneale Beukes gwoEngling, Stritter and Partners a kalelepo Bokomo Namibia.
YANNA SMITH
Okwa popi kutya Bokomo ota longitha owina oombaapila dha fa dhawo opo naye a likole sha okuza kelanditho lyuusila mboka okupitila komapepe goNamib Mills.
Gumwe gwomaaniipambuliko aanene mehangano lyoBokomo, ehangano lyaSouth Afrika lyoPioneer Foods, okwa hololwa lya mono iiyemo yi li poobiliyona 10 momvula yo 2017.
Okwa lombwele ompangu kutya Namib Mills ehangano enene moNamibia tali landitha omausila ga yooloka, omakoloni, olwishi oshowo osuuka.
“Ohali landitha iilongomwa mbyoka kohi yoshilimbo shedhina Bakpro. Oshilimbo shoka osha longa okutameka omvula yo 1982, nomutholomeno gwoombaapila moka hamu landithilwa iilandomwa mbyoka otagu dhana onkandangala onene.”
Omunambelewa ngoka okwa popi kutya oshilimbo shawo oshiikalekwelwa nomathano ngoka taga adhika kombanda yoombaapila dhuusila wawo oshowo omalwaala.
Okwa popi kutya konima nkene ya tula momalanditho uusila mboka wu li moombaapila ndhoka ehangano lyaBokomo inali kala we tali landitha nawa.
Sha landula sho ya tula momalanditho uusila mboka wuli moombaapila oompe muJanuari gwonuumvo, oya landitha ootona 42 dhuusila mboka nokuya muAguste oya landitha ootona dhi li po880.
Aaniilonga yoNamib Mills oya popi kutya omolwa onkalo ndjoka, Bokomo okwa li a dhiminikwa opo a landithe po omausila ge ngoka ge li pokuninga nayi kondando yi li pevi noonkondo.
Okwa popi kutya ehangano lyawo olya longitha woo omwaalu omunene gwiimaliwa mokuninga omapekaapeko gopangeshefa opo ya vule okutula momalanditho uusila mbyoka, ta popi kutya oya longitha oshimaliwa shi li poomiliyona 1.7 lwaampoka.
Van Niekerk okwa popi kutya Bokomo okwa tokola owina okuholela ehangano lyawo ngele tashi ya koombaapila moka mwa pakelwa uusila mboka, ta popi kutya shoka oshili oshiningilawina molwaashoka iilandithomwa yawo yilwe oyi li moombapila dha yooloka noonkondo kwaadhoka tadhi adhika iilandithomwa yehangano lyaNamib Mills.
Okwa popi kutya ota pula Bokomo opo a pataneke oomapopyo ge nokugandja omaumbangi nkene eshi enditha melundululo lyoombaapila moka ta landithile ngashiingeyi uusila we mboka wuukuki dha faathana naadhoka tadhi landithilwa uusila mboka kehangano lyoNamib Mills.
Okwa tsikile kutya opo Bokomo a tule uusila we mboka moombaapila dha fa dhawo ote shi ningi opo a vule okulikola iiyemo melanditho lyuusila mboka tawu ithanwa 'vetkoek flour' nenge a ngwangwaneke aalandi nenge ayihe.
Sho a yamukula komapopyo gaVan Niekerk, Hubertus Hamm, Omunambelewa Omukuluntuwiliki gwoBokomo Namibia, okwa popi kombinga yokwaaha endelelitha eindilo ndoka lyompangu, ta popi kutya Namib Mills oye ta etitha ekateko ndyoka.
Hamm natango okwa popi kutya, osha kutha uule woomwedhi mbali Namib Mills opo a ngongepo oondokumende dhe dhoka dheindilo lyompangu a ningi ihe ope na ethano kutya ngoka ta pataneke eindilo ndyoka ita pumbwa okupewa ethimbo lya gwana opo iilongekidhe nomayamukulo ge.
Epwaakeno lyeindio ndyoka olya undulilwa komasiku 13 gaFebruali omvula twa taalela.
Tobias Louw gwoTheunissen, Louw and Partners okwa kalelepo ehangano lyoNamib Mills omanga Daneale Beukes gwoEngling, Stritter and Partners a kalelepo Bokomo Namibia.
YANNA SMITH
Comments
Namibian Sun
No comments have been left on this article