Oontamanana molwa otombo dha dhipagitha gumwe
Omulumentu gwomivo dhopokati okwa dhipagelwa moontamana dhokukondjela otombo nomunyanyamagulu gumwe moshitopolwa shaHardap.
Omulumentu omunamimvo 40 okwa hulitha mOsoondaha konima sho a tsuwa nombele komunamivo 26 moAranos moshitopolwa shaHardap, sha landula oontamanana dha etithwa kehalasa lyotombo lyooN$5.
Omunambelewa omukonaakoni gwiimbuluma moshitopolwa shaHardap, Omupeha kOmufala, Eric Clay, okwa popi kutya oshiningwanima shoka osha ningwa potundi 16:00 moNuwerus.
“Otaku hokololwa kutya omufekelwa okwa tsu nakusa nombele montulo kombinga yokolumoho konima yoontamanana yehalasa lyotombo lyongushu yooN$5. Nakusa okwa sile pehala lyoshiningwanima.”
Nakusa okwa tumbulwa kedhina kutya oThomas Angula naakwanezimo oya tseyithilwa.
Omufekelwa ngoka edhina ye li shiwike ihe inali tumbulwa molwaashoka ina holoka mompangu, okwa tulwa miipandeko.
MoKeetmanshoop, oontamanana omolwa ooN$5 odha etitha eyaho lyomunamimvo 27 koongulasha dholyOmakaya. Omunamivo 32 okwa tulwa miipandeko.
Omunambelewa omukonaakoni gwiimbuluma mo//Karas, Omupeha kOmufala, Chrispin Mubebo, okwa popi kutya nakusa okwa tumbulwa kedhina kutya oPieter Kandjimi.
Oshiningwanima osha ningwa potundi 02:20 molukanda lwaExtension 7.
“Otaku hokololwa kutya okwa tukuka olugodhi pokati kaalumentu mboka yaali konima sho omufelekwa a pula ooN$5 okuza komukadhona gwanakusa ongulohi yEtitano, konima sho nakusa iidhopomo. Mboka yaali oya tsakanene ishewe ongula yolyOmakaya ihe kakushiwike shoka ya popi sha etitha edhipago ndyoka,” Mubebo a popi.
Omufekelwa okwa tulwa miipandeko potundi onti 13:00 molyOmakaya mOvenduka.
Omufekelwa okwa tulwa miipandeko sha landula etseyitho lya pewa omainda goondjila agehe sho kwa fekelwa kutya okwa ya ontuku okuza moshitopolwa. Okwa tegelelwa a holoke mompangulilo yaKaiti oshiwike shika.
Aapambele ya nakusa oya tseyithilwa nomakonaakono gopolisi otaga tsikile.
NAMPA
Omunambelewa omukonaakoni gwiimbuluma moshitopolwa shaHardap, Omupeha kOmufala, Eric Clay, okwa popi kutya oshiningwanima shoka osha ningwa potundi 16:00 moNuwerus.
“Otaku hokololwa kutya omufekelwa okwa tsu nakusa nombele montulo kombinga yokolumoho konima yoontamanana yehalasa lyotombo lyongushu yooN$5. Nakusa okwa sile pehala lyoshiningwanima.”
Nakusa okwa tumbulwa kedhina kutya oThomas Angula naakwanezimo oya tseyithilwa.
Omufekelwa ngoka edhina ye li shiwike ihe inali tumbulwa molwaashoka ina holoka mompangu, okwa tulwa miipandeko.
MoKeetmanshoop, oontamanana omolwa ooN$5 odha etitha eyaho lyomunamimvo 27 koongulasha dholyOmakaya. Omunamivo 32 okwa tulwa miipandeko.
Omunambelewa omukonaakoni gwiimbuluma mo//Karas, Omupeha kOmufala, Chrispin Mubebo, okwa popi kutya nakusa okwa tumbulwa kedhina kutya oPieter Kandjimi.
Oshiningwanima osha ningwa potundi 02:20 molukanda lwaExtension 7.
“Otaku hokololwa kutya okwa tukuka olugodhi pokati kaalumentu mboka yaali konima sho omufelekwa a pula ooN$5 okuza komukadhona gwanakusa ongulohi yEtitano, konima sho nakusa iidhopomo. Mboka yaali oya tsakanene ishewe ongula yolyOmakaya ihe kakushiwike shoka ya popi sha etitha edhipago ndyoka,” Mubebo a popi.
Omufekelwa okwa tulwa miipandeko potundi onti 13:00 molyOmakaya mOvenduka.
Omufekelwa okwa tulwa miipandeko sha landula etseyitho lya pewa omainda goondjila agehe sho kwa fekelwa kutya okwa ya ontuku okuza moshitopolwa. Okwa tegelelwa a holoke mompangulilo yaKaiti oshiwike shika.
Aapambele ya nakusa oya tseyithilwa nomakonaakono gopolisi otaga tsikile.
NAMPA
Comments
Namibian Sun
No comments have been left on this article