Oongeleka tadhi ka futa iishoshela yepangelo
Ompango ndjoka tayi ka pula oongeleka, omahangano gaashi gopapangelo nomahangano gomayambidhidho opo ga fute iishoshela yepangelo okuza miiyemo mbyoka haya ningi miilongadhalwa yopangeshefa, otayi ka tulwa mbala mopaliamende.
Pethimbo lyoshipopiwa she shomutengenekwathaneko gwomvula yo 2018, ominista yemona, Calle Schlettwein okwa li a ningi etseyitho kutya uuministeli otawu pangele okufutitha iishoshela oongeleka, omahangano gaashi gopapangelo oshowo omahangano galwe taga adhika montopolwa onti 21 yomahangano.
Sho ya ningilwa omapulo kombinga kutya oya thikama peni nompango ndjoka, omupopiliko guuministeli mboka, Tonateni Shidhudhu okwa lombwele oNamibian Sun kutya uuministeli otawu tsikile nompangela ndjoka, na owa ningi omakwatathano naakuthimbinga ayehe.
Onkatu tayi landula okutula poshitaafula ontotwaveta ndjoka momutumba gwopaliamende.
Shidhudhu okwa popi kutya iiputudhilo mbyoka otayi ka tsikila nokukala itayi futu iishoshela yepangelo, shampa owala kutya iiyemo inayi monika okuza miinyangadhalwa yopangeshefa. Iiputudhilo mbyoka tayi ka gumwa kompango ndjoka, otayi ka kala tayi futu oopresenda 32 dhiishoshela. Okwa yelitha kutya iiyemo yoongeleka ya monika ngaashi okuza miifuta ngaashi iigandjwa nomagano itayi ka futilwa iishoshela ihe otaku ka futwa owala iishoshela ngele iiyemo oya monika okuza ngaashi moohiila dhomahala goongeleka, omayakulo gaayenda, omalweendo oshowo oongeshefa dhilwe.
Shoka otashi ka etitha epangelo li vule okumona iiyemo oyindji okuza miishoshela, ihe Shidhudhu okwa popi kutya shkao otashi ningwa okukaleka po uuyuki momulandu gwefuto lyiishoshela yepangelo na inashi talikako nga omukalo gwepangelo gwokwiimonena iiyemo.
Etseyitho ndyoka inali taambiwako nomaako gaali komahangano gamwe ngoka inaga yama kepangelo oshowo koongeleka, omanga aatseyinawa yamwe po ya popi kutya ndjoka onkatu ombwaanawa ya katukwa kepangelo.
KENYA KAMBOWE
Pethimbo lyoshipopiwa she shomutengenekwathaneko gwomvula yo 2018, ominista yemona, Calle Schlettwein okwa li a ningi etseyitho kutya uuministeli otawu pangele okufutitha iishoshela oongeleka, omahangano gaashi gopapangelo oshowo omahangano galwe taga adhika montopolwa onti 21 yomahangano.
Sho ya ningilwa omapulo kombinga kutya oya thikama peni nompango ndjoka, omupopiliko guuministeli mboka, Tonateni Shidhudhu okwa lombwele oNamibian Sun kutya uuministeli otawu tsikile nompangela ndjoka, na owa ningi omakwatathano naakuthimbinga ayehe.
Onkatu tayi landula okutula poshitaafula ontotwaveta ndjoka momutumba gwopaliamende.
Shidhudhu okwa popi kutya iiputudhilo mbyoka otayi ka tsikila nokukala itayi futu iishoshela yepangelo, shampa owala kutya iiyemo inayi monika okuza miinyangadhalwa yopangeshefa. Iiputudhilo mbyoka tayi ka gumwa kompango ndjoka, otayi ka kala tayi futu oopresenda 32 dhiishoshela. Okwa yelitha kutya iiyemo yoongeleka ya monika ngaashi okuza miifuta ngaashi iigandjwa nomagano itayi ka futilwa iishoshela ihe otaku ka futwa owala iishoshela ngele iiyemo oya monika okuza ngaashi moohiila dhomahala goongeleka, omayakulo gaayenda, omalweendo oshowo oongeshefa dhilwe.
Shoka otashi ka etitha epangelo li vule okumona iiyemo oyindji okuza miishoshela, ihe Shidhudhu okwa popi kutya shkao otashi ningwa okukaleka po uuyuki momulandu gwefuto lyiishoshela yepangelo na inashi talikako nga omukalo gwepangelo gwokwiimonena iiyemo.
Etseyitho ndyoka inali taambiwako nomaako gaali komahangano gamwe ngoka inaga yama kepangelo oshowo koongeleka, omanga aatseyinawa yamwe po ya popi kutya ndjoka onkatu ombwaanawa ya katukwa kepangelo.
KENYA KAMBOWE
Comments
Namibian Sun
No comments have been left on this article