Oondjamba tadhi piyaganeke aakwaashigwana
Aanamukunda oya popi kutya omapya nomankolo ga wo ota ga hanagulwapo koondjamba, ihe aanambelewa yegameno lyiiyamakuti ita ya ningi sha.
Iiyamakuti mbika okwa lopotwa ya yi momukunda ngoka konyala iiwike itatu ya piti.
Sho a popi pehala lyamwene gwomukunda Ondjungulume Francisco Nekwaya, Paulus Nuuyoma okwa popi kutya kaye shi kutya oondjamba dhoka otadhi zi peni na oshowo oshikando shotango tadhi kala momukunda ngoka.
Okwa popi kutya oondjamba odhili tadhi hanagulapo iikunwa ya wo momapya no ku hanagulapo omankolo nomagumbo gawo uusiku, naantu oye na uutile kutya otashi vulika ya kamonithwe oshiponga koondjamba ndhika manga ya kotha.
Okwa popi kutya oondjamba ndhika ngashiingeyi ohadhi kala woo momadhiya gawo gomeya nokudhanena omeya gawo naantu yamwe oya tembuka mo momagumbo omolwa uumbanda.
“Otwa tegelela aanambelewa yeye ya tidhemo iiyamakuti mbika mokati ketu ihe otaye tu lombwele kutya oya tegelela eyamukulo okuza kOvenduka opo ya tale kutya ota ye dhi ningi ngiini kakele omapya getu otaga hanagulwapo esiku kehe. Olye taka futa iinima yetu mbyoka tayi hanagulwapo,” Nuuyoma ta pula.
Omunamukunda gumwe Valeria Namboga okwa popi kutya oondjamba dha talela po epya lye iikando itatu na odha hanagulapo oshindji, molwaashoka kaye na shoka ta ya vulu okuninga. Okwa popi kutya nonando epya lye lya hanagulwapo ngaaka konyala ethimbo lyuusiku, aanambelewa oye ya lombwele opo ya ethe oondjmba ina ye dhi tidha oshoka otadhi vulu okuya monitha oshiponga.
Omukuluntuwiliki gwetotatelo Iyiinamwenyo mOnooli, Rehabeam Erki, okwa popi kutya oye na owino yoondjamba ndhoka na oya tuma aanambelewa komukunda ngoka opo ya ka kale nkene ye na okuninga omanga ta ya kongo omukalo gwokudhi tidha mo momukunda ngoka. Okwa popi kutya oondjamba ndhoka odha zilila koRuacana na otadhi kongo omeya, nando dha nanwa komuloka ngoka gwa loko momudhingoloko ngoka.
Okwa tsikile kutya oye shi shi kutya oondjamba otadhi hanagulapo omapya gaakwashigwana kakele okwe ya pula opo kaye dhi tidhe molwaashoka odha nika oshiponga na okwa pula aanamukunda mboka yiidhidhimike sigo aanambelewa ya mono eyamukulo kutya otaya kandula po ngiini omukundu gwoondjamba ndhoka.
ILENI NANDJATO
Iiyamakuti mbika okwa lopotwa ya yi momukunda ngoka konyala iiwike itatu ya piti.
Sho a popi pehala lyamwene gwomukunda Ondjungulume Francisco Nekwaya, Paulus Nuuyoma okwa popi kutya kaye shi kutya oondjamba dhoka otadhi zi peni na oshowo oshikando shotango tadhi kala momukunda ngoka.
Okwa popi kutya oondjamba odhili tadhi hanagulapo iikunwa ya wo momapya no ku hanagulapo omankolo nomagumbo gawo uusiku, naantu oye na uutile kutya otashi vulika ya kamonithwe oshiponga koondjamba ndhika manga ya kotha.
Okwa popi kutya oondjamba ndhika ngashiingeyi ohadhi kala woo momadhiya gawo gomeya nokudhanena omeya gawo naantu yamwe oya tembuka mo momagumbo omolwa uumbanda.
“Otwa tegelela aanambelewa yeye ya tidhemo iiyamakuti mbika mokati ketu ihe otaye tu lombwele kutya oya tegelela eyamukulo okuza kOvenduka opo ya tale kutya ota ye dhi ningi ngiini kakele omapya getu otaga hanagulwapo esiku kehe. Olye taka futa iinima yetu mbyoka tayi hanagulwapo,” Nuuyoma ta pula.
Omunamukunda gumwe Valeria Namboga okwa popi kutya oondjamba dha talela po epya lye iikando itatu na odha hanagulapo oshindji, molwaashoka kaye na shoka ta ya vulu okuninga. Okwa popi kutya nonando epya lye lya hanagulwapo ngaaka konyala ethimbo lyuusiku, aanambelewa oye ya lombwele opo ya ethe oondjmba ina ye dhi tidha oshoka otadhi vulu okuya monitha oshiponga.
Omukuluntuwiliki gwetotatelo Iyiinamwenyo mOnooli, Rehabeam Erki, okwa popi kutya oye na owino yoondjamba ndhoka na oya tuma aanambelewa komukunda ngoka opo ya ka kale nkene ye na okuninga omanga ta ya kongo omukalo gwokudhi tidha mo momukunda ngoka. Okwa popi kutya oondjamba ndhoka odha zilila koRuacana na otadhi kongo omeya, nando dha nanwa komuloka ngoka gwa loko momudhingoloko ngoka.
Okwa tsikile kutya oye shi shi kutya oondjamba otadhi hanagulapo omapya gaakwashigwana kakele okwe ya pula opo kaye dhi tidhe molwaashoka odha nika oshiponga na okwa pula aanamukunda mboka yiidhidhimike sigo aanambelewa ya mono eyamukulo kutya otaya kandula po ngiini omukundu gwoondjamba ndhoka.
ILENI NANDJATO
Comments
Namibian Sun
No comments have been left on this article