Oondando dhiikulya tadhi gwedhelwa
Aalandi AaNamibia unene mboka taya lumbu moluhepo otaya kiimanga omapya omolwa oondando dhiikulya ndhoka kwa tegelelwa dhi londe pombanda okuya pehulilo lyomwedhi twa taalela.
Shoka otashi landula sho ehangano lyoNamibia Mills lya tseyitha kutya otali ka gwedhela oondando dhalyo miikulya ngaashi omausila gepungu, omausila goomboloto, olwishi, omakoloni oshowo omausila gomahangu. Oondando ndhoka otadhi londo pombanda momasiku 31 gaJuli.
Pauyelele mboka wa pitithwa kehangano lyoNamib Mills, oondando dhokulanda pahwata uusila wepungu otadhi londo noopresenda 3.2, uusila wiilya opresenda 3.2, olwishi opresenda 4.4 omakoloni 3.3 omanga omahangu oopresenda 2. Ondando yosuuka itayi londo pombanda.
Ehangano ndyoka olya popi kutya omagwedhelo ngoka otaga etithwa kelondo pombanda lyoondando dhiinima mbyoka hayi longithwa mokunduluka nokweetapo omausila ngoka, muule woomwedhi 24 dha piti.
Omupopiliko gwehangano ndyoka, Ashante Mannetti okwa popi kutya, shimwe natango shoka tashi etitha ngaaka ondando yolusheno ndjoka ya londa woo pombanda noonkondo muule woomvula mbali dha piti, sho ya londo pombanda noopresenda 12 oshowo noopresenda 6.
Nonando ongaaka, ondando yolusheno natango okwa tegelela yi ka londe pombanda noopresenda 8 omvula ndjika ne yo pombanda ndyoka muule owala woomvula dhika otali kala poopresenda 28. Ondando yolusheno okwa tegelelwa yi ka londe pombanda momwedhi Juli nuumvo, sha landula shoElectricity Control Board (ECB) ya zimine egwedhelo lyondando yolusheno noopresenda 5, okuza kehangano lyaNamPower.
Omagwedhelo ngoka otaga utha kutya olusheno otalu ka kala talu landwa kondando tayi londo okuza pooN$1.61 mo kilowatt-hour okuya pooN$1.69 per kilowatt-hour.
Natango ondando yomahooli oya londa pombanda nopresenda 13 muule woomvula ndatu dha piti. Ondando yomahooli gopetrol oshowo odiesel oya londo pombanda noocenda 60 molita, petameko lyomwedhi nguka.
Oondando ompe yomahooli mOmbaye, opetrol oyi li pooN$12.30 molita, omanga olita yimwe yomahooli goDiesel 500ppm yi na N$12.63 nomaholi goDiesel 50ppm taga landwa kooN$12.68 molita.
Mannetti okwa popi kutya onkalo ndjoka yoondando tadhi yi pombanda oyo ya thiminike ya gwedhele oondando dhawo.
Lwopokati mpoka, oConsumer Price Index yomomwedhi Mei oya holola kutya oondando dhiikulya oshowo iikunwa mboka kayi na iikolitha odha londo pombanda noopresenda 3.9 okuyeleka noopresenda 3.7 ndhoka dha lopotwa mo 2017.
Ehangano lyoEconomic Association of Namibia olya popi kutya egwedhelo lyoondando dhiikulya oli li onkundana ombwiinayi kAanamibia unene mboka taya lumbu moluhepo molwaashoka ohaya longitha oshindji shomiiyemo yawo mokulanda iikulya.
Oya popi kutya oondando dhiikulya okwa tegelelwa dhi tsikile nokulonda pombanda , sho oSouth African Futures Exchange ya popi kutya ondando yepungu otayi ka londa pombanda okuya poopresenda 7 momwedhi Desemba nuumvo.
Ondando yomahooli nayo otayi ka thiminikwa okuya pombanda woo.
ELLANIE SMIT
Pauyelele mboka wa pitithwa kehangano lyoNamib Mills, oondando dhokulanda pahwata uusila wepungu otadhi londo noopresenda 3.2, uusila wiilya opresenda 3.2, olwishi opresenda 4.4 omakoloni 3.3 omanga omahangu oopresenda 2. Ondando yosuuka itayi londo pombanda.
Ehangano ndyoka olya popi kutya omagwedhelo ngoka otaga etithwa kelondo pombanda lyoondando dhiinima mbyoka hayi longithwa mokunduluka nokweetapo omausila ngoka, muule woomwedhi 24 dha piti.
Omupopiliko gwehangano ndyoka, Ashante Mannetti okwa popi kutya, shimwe natango shoka tashi etitha ngaaka ondando yolusheno ndjoka ya londa woo pombanda noonkondo muule woomvula mbali dha piti, sho ya londo pombanda noopresenda 12 oshowo noopresenda 6.
Nonando ongaaka, ondando yolusheno natango okwa tegelela yi ka londe pombanda noopresenda 8 omvula ndjika ne yo pombanda ndyoka muule owala woomvula dhika otali kala poopresenda 28. Ondando yolusheno okwa tegelelwa yi ka londe pombanda momwedhi Juli nuumvo, sha landula shoElectricity Control Board (ECB) ya zimine egwedhelo lyondando yolusheno noopresenda 5, okuza kehangano lyaNamPower.
Omagwedhelo ngoka otaga utha kutya olusheno otalu ka kala talu landwa kondando tayi londo okuza pooN$1.61 mo kilowatt-hour okuya pooN$1.69 per kilowatt-hour.
Natango ondando yomahooli oya londa pombanda nopresenda 13 muule woomvula ndatu dha piti. Ondando yomahooli gopetrol oshowo odiesel oya londo pombanda noocenda 60 molita, petameko lyomwedhi nguka.
Oondando ompe yomahooli mOmbaye, opetrol oyi li pooN$12.30 molita, omanga olita yimwe yomahooli goDiesel 500ppm yi na N$12.63 nomaholi goDiesel 50ppm taga landwa kooN$12.68 molita.
Mannetti okwa popi kutya onkalo ndjoka yoondando tadhi yi pombanda oyo ya thiminike ya gwedhele oondando dhawo.
Lwopokati mpoka, oConsumer Price Index yomomwedhi Mei oya holola kutya oondando dhiikulya oshowo iikunwa mboka kayi na iikolitha odha londo pombanda noopresenda 3.9 okuyeleka noopresenda 3.7 ndhoka dha lopotwa mo 2017.
Ehangano lyoEconomic Association of Namibia olya popi kutya egwedhelo lyoondando dhiikulya oli li onkundana ombwiinayi kAanamibia unene mboka taya lumbu moluhepo molwaashoka ohaya longitha oshindji shomiiyemo yawo mokulanda iikulya.
Oya popi kutya oondando dhiikulya okwa tegelelwa dhi tsikile nokulonda pombanda , sho oSouth African Futures Exchange ya popi kutya ondando yepungu otayi ka londa pombanda okuya poopresenda 7 momwedhi Desemba nuumvo.
Ondando yomahooli nayo otayi ka thiminikwa okuya pombanda woo.
ELLANIE SMIT
Comments
Namibian Sun
No comments have been left on this article