Oonakwaadhika niingangamithi taya ningi eindilo lyomboloha
ILENI NANDJATO
Omunangeshefa gwomonooli yoshilongo, Paavo Hatutale (47) pamwe naNicodemus Shekunyenge (21), otaya ka ninga eindilo lyomboloha momasiku 17 gaMei, sha landula etulo lyawo miipandeko sho ya adhika niingangamithi yongushu yomomapandanda yoomiliyona yimwe omwedhi gwa piti.
Mboka oya holoka komeho yompangu yamangestrata Letta Simon mOhangwena, oshikando oshitiyali mEtitano lya piti.
Mboka oya tulwa miipandeko kopolisi sha ya adhika neloli lya humbata iingangamithi yongushu yomiliyona 1.
Pethimbo ya holoka mompangu tango, omukalelipo gwawo gwopaveta, Maruschka January, okwa li a lombwele ompangu kutya Hatutale okwa pumbwa okumangululwa molwaashoka oku na uunona uushona hawu yi koskola moSouth Afrika.
Hatutale, oku li mwene gwiiyenditho yoHatutale Transport, na okwa tulwa miipandeko pOnhuno moshitopolwa shaHangwena omwedhi gwapiti, sho a adhika ta hingi eloli lya humbata iingangamithi. Okwa tulwa miipandeko konima sho opolisi ya nothelwa ko koshigwana.
Shekunyenge okwa tulwa miipandeko esiku lya landula sho sha monika mo kutya oya li ya hingi pamwe.
Mboka yaali okwa lopotwa ya hingi okuza moSouth Afrika okupitila moBotswana na oye ya moNamibia ya longitha ondjila yaRundu-Nkurenkuru.
Opolisi oya lopota kutya eloli ndyoka olya li tali longithwa okweeta iitungithi yostola yontumba monooli.
Oondjato dha tulwa iingangamithi dhi li 41 odha adhika dha holekwa kohi yoopaala.
Sakaria Mupuma oshowo Elphins Maloboka oyo aafali kohofa yoshipotha shoka.
Omunangeshefa gwomonooli yoshilongo, Paavo Hatutale (47) pamwe naNicodemus Shekunyenge (21), otaya ka ninga eindilo lyomboloha momasiku 17 gaMei, sha landula etulo lyawo miipandeko sho ya adhika niingangamithi yongushu yomomapandanda yoomiliyona yimwe omwedhi gwa piti.
Mboka oya holoka komeho yompangu yamangestrata Letta Simon mOhangwena, oshikando oshitiyali mEtitano lya piti.
Mboka oya tulwa miipandeko kopolisi sha ya adhika neloli lya humbata iingangamithi yongushu yomiliyona 1.
Pethimbo ya holoka mompangu tango, omukalelipo gwawo gwopaveta, Maruschka January, okwa li a lombwele ompangu kutya Hatutale okwa pumbwa okumangululwa molwaashoka oku na uunona uushona hawu yi koskola moSouth Afrika.
Hatutale, oku li mwene gwiiyenditho yoHatutale Transport, na okwa tulwa miipandeko pOnhuno moshitopolwa shaHangwena omwedhi gwapiti, sho a adhika ta hingi eloli lya humbata iingangamithi. Okwa tulwa miipandeko konima sho opolisi ya nothelwa ko koshigwana.
Shekunyenge okwa tulwa miipandeko esiku lya landula sho sha monika mo kutya oya li ya hingi pamwe.
Mboka yaali okwa lopotwa ya hingi okuza moSouth Afrika okupitila moBotswana na oye ya moNamibia ya longitha ondjila yaRundu-Nkurenkuru.
Opolisi oya lopota kutya eloli ndyoka olya li tali longithwa okweeta iitungithi yostola yontumba monooli.
Oondjato dha tulwa iingangamithi dhi li 41 odha adhika dha holekwa kohi yoopaala.
Sakaria Mupuma oshowo Elphins Maloboka oyo aafali kohofa yoshipotha shoka.
Comments
Namibian Sun
No comments have been left on this article