Oonakusila moshiponga shohauto popepi nOkahandja ya dhimbululwa
Oonakuninga oshihakanwa shoshipoga shoka sha ningiwa monooli yaKahandja moka aantu 16 ya kanithila oomweenyo dhawo petameko lyomwedhi Desemba omvula ya piti, oya dhimbululwa.
ENZO AMUELE
OTJIWARONGO
Oyendji yomoonakusila moshiponga shoka oya pi itaya vulu okudhimbululwa nopolisi oyali ya pula aakwanezimo opo ya vule okukaningilwa omakonaakono goDNA, yo oonakusa yawo ya vule okudhimbululwa. Oshiponga shoka osha holoka koongulasha dhomasiku 10 gaDesemba oshinano shookilometa 14 pondje yaKahandja okuuka kOtjiwarongo. Okambesa kokaToyota Quantum oshowo okatuukala oyiidhenge mumwe sha etitha iihauto mbyoka yi teme omulilo.
Oonakusa oya tumbulwa omadhina, pethimbo lyoshituthi shokuya dhimbuluka shoka sha ningwa momasiku 28 gaDesemba momukunda Onakaheke moshitopolwa shaMusati.
Oonakusa oyoDavid Shalipo (iiwike iyali), Johaness Amakali (37), aamwayinathana Josephine Shapaka (45) naHilya Shapaka (42), Eliakim Amakali (70), Immanuel Shetunyenga (55), Ignatius Mungolo (47) oshowo Leonard Ndeliimona (40).
Phillipus Nangolo (13), Andreas Nekwaya (31), David Kadhila (30), aamwayinagona Jonathan Shishomba (9) oshowo Abisai Shetunyenga (8) aamwayinathana Sylvia Taanyanda (4) oshowo Bertha Taanyanda (11).
Ngoloneya gwoshitopolwa shaMusati sho a popi poshituthi shoka, pehala lyoshitopolwa, Erginus Endjala okwa ti, aakwanezimo inaya kutha ko onkalo ndjoka onga egeelo ya pewa kuKalunga, ihe naye shi taleko kutya oKalunga ta popi nayo momukalo gwe.
Okwa pula aahingi naalongithindjila ayehe ya kale taya hingi nuukeka nokulandula omulandu gwondapo ndjoka ya tulwapo opo ku vule okuyandwa iiponga iinyanyalithi ngashoka sha holoka, nongele hasho nena oshigwana otashi tsikile nokukanitha oomwenyo momukalo guli ngaaka.
OTJIWARONGO
Oyendji yomoonakusila moshiponga shoka oya pi itaya vulu okudhimbululwa nopolisi oyali ya pula aakwanezimo opo ya vule okukaningilwa omakonaakono goDNA, yo oonakusa yawo ya vule okudhimbululwa. Oshiponga shoka osha holoka koongulasha dhomasiku 10 gaDesemba oshinano shookilometa 14 pondje yaKahandja okuuka kOtjiwarongo. Okambesa kokaToyota Quantum oshowo okatuukala oyiidhenge mumwe sha etitha iihauto mbyoka yi teme omulilo.
Oonakusa oya tumbulwa omadhina, pethimbo lyoshituthi shokuya dhimbuluka shoka sha ningwa momasiku 28 gaDesemba momukunda Onakaheke moshitopolwa shaMusati.
Oonakusa oyoDavid Shalipo (iiwike iyali), Johaness Amakali (37), aamwayinathana Josephine Shapaka (45) naHilya Shapaka (42), Eliakim Amakali (70), Immanuel Shetunyenga (55), Ignatius Mungolo (47) oshowo Leonard Ndeliimona (40).
Phillipus Nangolo (13), Andreas Nekwaya (31), David Kadhila (30), aamwayinagona Jonathan Shishomba (9) oshowo Abisai Shetunyenga (8) aamwayinathana Sylvia Taanyanda (4) oshowo Bertha Taanyanda (11).
Ngoloneya gwoshitopolwa shaMusati sho a popi poshituthi shoka, pehala lyoshitopolwa, Erginus Endjala okwa ti, aakwanezimo inaya kutha ko onkalo ndjoka onga egeelo ya pewa kuKalunga, ihe naye shi taleko kutya oKalunga ta popi nayo momukalo gwe.
Okwa pula aahingi naalongithindjila ayehe ya kale taya hingi nuukeka nokulandula omulandu gwondapo ndjoka ya tulwapo opo ku vule okuyandwa iiponga iinyanyalithi ngashoka sha holoka, nongele hasho nena oshigwana otashi tsikile nokukanitha oomwenyo momukalo guli ngaaka.
Comments
Namibian Sun
No comments have been left on this article