Oompata kombinga yelaka lyOshiingilisa

Iipumbiwa metambulo lyaailongi miiputudhilo yopombanda, moka unene taku pulwa epito lyelaka lyOshiingilisa oya etitha omaiyuvo ga yooloka mokati kAaNamibia sha landula etseyitho pashigwana lyiizemo yondondo onti 12 yoNamibia Senior Secondary Certificate (NSSC) ordinary level. Oshiwike sha piti uuministeli welongo owa pititha iizemo yondondo onti 12 yopashigwana na oopresenda owala 39.3% dhomaanaskola o 22 091 mboka ya shanga ekonaakono ndyoka miipundi yeshi pondola okumona iitsa tayi ya falitha kiiputudhilo yopombanda.Elaka lyOshiingilisa oshimwe shomiilongwa mbyoka ya ndopwa nayi noonkondo. Iizemo yondondo onti 12 maailongi yopaumwene moshiputudhilo shoNamibian College of Open Learning (Namcol) nayo inayi shambula melaka lyOshiingilisa sho oopresenda owala 10 dhaailongi yeshi pondola okupita elaka ndyoka. Shoka osha etitha oompata mokati kaakwashigwana mboka ye wete kutya oshipumbiwa shepito lyelaka lyOshiingilisa miiputudhilo yopombanda nashi kthwe po, molwaashoka otashi indike aailongi oyendji ya tsikile nomailongo gawo.Yimwe yomiipumbiwa opo omuntu a tambulwe moshiputudhilo shopombanda shoUniversity of Namibia ,ondondo C nenge yi vulepo melaka lyOshiingilisa nenge ondondo D ngele oshiingilisa osho elaka lye lyotango. Oshiputudhilo shoNamibia University of Science and Technology otashi pula ondondo E nenge yi vulepo omanga International University of Management, taya pula ondondo D.Omuhwahwameki miinima ya pamba oshigwana, Job Amupanda is okuli gumwe gwomwaamboka taya pula omalundululo miipumbiwa mbyoka. Amupanda okwa holola omaiyuvo ge kutya nonando elaka ndyoka olyo elaka lyopambelewa moshilongo, inali indikitha AaNamibia ya pondole moonkalamwenyo dhawo.Amupanda okwa popi kutya ontseyo yomuntu inayi metwa nelaka lyoshiingilisa, nepito moshiingilisa nali kale tali dhengele mookoosa ndhoka dhi na sha noshiingilisa. Amupanda ngoka e li omunambelewa gwodeputy dean of Unam's Faculty of Economics and Management Science, okwa gwedha po kutya aanaskola oyendji oya mono iitsa yi li pombanda yoo 35 ihe itaya vulu okuya kiiputudhilo yopombanda omolwa oya ndopa oshiingilisa.Omukomeho gwoTeachers Union of Namibia, Mahongora Kavihuha okwa popi kutya pethimbo kwa tulwa omulandu ngoka mooskola inaku ningwa omakonaaakono ku talike ngele omuntu ngoka tiilongele uunongompango okwa pumbwa tuu ontseyo yoshiingilisa ya faathana naangoka tii longele uuindjinia.Kavihuha okwa popi kutya aailongi oyendji monena kaye na iilonga molwaashoka oya ndopa elaka lyoshiingilisa.Elongo lyankundipalaOmundungiki ngoka e li moshipundi shevululuko, Andrew Matjila okwa gandja uusama kaalongiskola omolwa endopo lyelaka lyoshiingilisa mokati kaanaskola. Okwa popi kutya endopo ndyoka itali halutha molwaashoka olya kala ngaaka uule woomvula 23 dha piti.Matjila okwa popi kutya sho oshilongo sha manguluka mo 1990, okwa tokolwa kutya Oshiingilisa otashi ningi elaka lyopambelewa, ihe uupyakadhi owali kutya aalongi pethimbo ndyoka oyali ya longwa melaka lyOshimbulu, naasho kwa ningwa omalunduluko okwa tegelelwa ya longe elaka lyOshiingilisa.Okwa tsikile kutya ngele aalongi oya nyengwa koshitya melaka lyOshiingilisa nena ohaya longitha elaka lyOshimbulu nenge limwe lyaavalelwa mo opo ya uvitheko aanaskola, nena ngele omuntu ita vulu okuyelitha melaka lyOshiingilisa, oshi li uupyakadhi uunene.Matjila okwa indile epangelo opo li tume aalongi komadheulo gelaka ndyoka opo ya yambulepo ontseyo yawo nuunongo. Uuministeli owa pyakudhukwa okupulakenaOminista yelongo, Katrina Hanse-Himarwa okwa popi kutya okwa taambako oompata adhihe moshikumungu shoka. Okwa koleke woo kutya endopo melaka ndyoka kashi shi oshinima oshipe.Nonando ongaaka okwa popi kutya ondondo yelongo itayi tulwa pevi, ihe aalongi naanaskola oya pumbwa okuya moshipala onkalo yendopo lyoshilongwa shoka hashi ndopiwa koyendji, nonando opena mboka haye shi piti.Okwa tsikile kutya yo oya pyakudhukwa okupulakena koompata dhoka, nongele okwa longithwa oonkundathana dhomondjila nena oshikumungu shoka tashi vulu okukundathanwa momutumba gwopashigwana. “Ngashiingeyi otatu landula omilandu dhoka dha tulwa miilonga sho epangelo lyoshilongo shika lya kutha ko elelo lyoshilongo. Ndhoka odho omilandu twiikolelela mudho na otatu tsikile okudhi tula miilonga ihe ngele ope na oompata dhopashigwana nena onda pyakudhukwa okupatulula oompata ndhoka dhi kundathanwe.” “Otwa manguluka okushi fala mopaliamende, otwa manguluka okuninga oonkundathana dhopashigwana nokuuva kutya oshigwana oshi uvitile ngiini onkalo ndjoka, nongele oshigwana oshi uvite kutya ope na shoka tashi vulu okuningwa, otse oolye mbela tu kale itatu pulakene.”KENYA KAMBOWE

Oompata kombinga yelaka lyOshiingilisa

Comments

Namibian Sun 2025-06-30

Please login to leave a comment

Oompata kombinga yelaka lyOshiingilisa

Comments

Namibian Sun 2025-06-30

Please login to leave a comment

Login