Oompangela dhokukandeka eetandelo lyomukithi gwombulwa
Okwa tamekithwa oshikonga shewapaleko lyiishana yomeya mbyoka tayi adhika moBwabwata West sha landula sho oondjambameya 110 oshowo oongalangombe 20 dha si komukithi gwombulwa.
Oshitopolwa shoshikunino shiinamwenyo shoka, otashi ka pwata manga pethimbo taku ningwa ewapaleko ndyoka.
Ewapaleko ndyoka olya tameke oshiwike sha piti, onga oshitopolwa shoompangela ndhoka tadhi ningwa opo ku yandwe etaandelo lyomukithi ngoka, sha landula omutumba ngoka gwa ningwa kaanambelewa ya za muuministeli womidhingoloko nomatalelepo oshowo oshikondo shomayakulo giinamwenyo okuza muuministeli wUunamapya naanambelewa yuundjolowele oshowo aanambelewa yelelo lyoKavango East. Aakalelipo yoshikandjohogololo shaMukwe oshowo aanambelewa ya za muuministeli woohi oya kala woo momutumba ngoka gwa ningwa.
Oompangela dhekandeko lyomukithi ngoka odha kwatela mo woo omahwahwameko gontuntila nekeelelo lyeinyengo lyiimuna moshikandjo shaMukwe.
Aanambelewa yuundjolowele otaya ka gandja ekwatho lyuunamiti kaantu mboka ya gumu iiyamakuti mbyoka ya si.
Aanambelewa oya kunkilile oshigwana opo kashi kwate iinamwenyo mbyoka yiisile, nopehala nayi lopotwe kaanambelewa meendelelo.
Onkundana yiiyamakuti mbyoka ya si oya lopota momasiku ga 7 gaKotomba nuumvo.
Nonando omukithi ngoka gwombulwa ogwa li gwa lopotwa moomvula dha piti moNamibia, sho gwa taandele okuza miilongo ngaashi Botswana, inaku lopotwa ngashiingeyi etukuko lyomukithi ngoka, miishiindalongo yaNamibia.
Iiyamakuti mboka ya si otayi hwikwapo, opo ku yandwe etaandelo lyomukithi.
JANA-MARI SMITH
Oshitopolwa shoshikunino shiinamwenyo shoka, otashi ka pwata manga pethimbo taku ningwa ewapaleko ndyoka.
Ewapaleko ndyoka olya tameke oshiwike sha piti, onga oshitopolwa shoompangela ndhoka tadhi ningwa opo ku yandwe etaandelo lyomukithi ngoka, sha landula omutumba ngoka gwa ningwa kaanambelewa ya za muuministeli womidhingoloko nomatalelepo oshowo oshikondo shomayakulo giinamwenyo okuza muuministeli wUunamapya naanambelewa yuundjolowele oshowo aanambelewa yelelo lyoKavango East. Aakalelipo yoshikandjohogololo shaMukwe oshowo aanambelewa ya za muuministeli woohi oya kala woo momutumba ngoka gwa ningwa.
Oompangela dhekandeko lyomukithi ngoka odha kwatela mo woo omahwahwameko gontuntila nekeelelo lyeinyengo lyiimuna moshikandjo shaMukwe.
Aanambelewa yuundjolowele otaya ka gandja ekwatho lyuunamiti kaantu mboka ya gumu iiyamakuti mbyoka ya si.
Aanambelewa oya kunkilile oshigwana opo kashi kwate iinamwenyo mbyoka yiisile, nopehala nayi lopotwe kaanambelewa meendelelo.
Onkundana yiiyamakuti mbyoka ya si oya lopota momasiku ga 7 gaKotomba nuumvo.
Nonando omukithi ngoka gwombulwa ogwa li gwa lopotwa moomvula dha piti moNamibia, sho gwa taandele okuza miilongo ngaashi Botswana, inaku lopotwa ngashiingeyi etukuko lyomukithi ngoka, miishiindalongo yaNamibia.
Iiyamakuti mboka ya si otayi hwikwapo, opo ku yandwe etaandelo lyomukithi.
JANA-MARI SMITH
Comments
Namibian Sun
No comments have been left on this article