Oompangela dhokuhupitha ehangano lyoAir Namibia

Okomitiye yoKabinete yOmahangano gEpangelo otayi ulike ongundu yaatseyinawa, ndjoka tayi ka ulikwa kwiikwatelelwa komagwedhelepo opo ku tulwepo oompangela oompe dhopangeshefa dhoka tadhi ka hupitha ehangano lyomatukodhila lyaAir Namibia.Ominista yiiputudhilo yepangelo, Leon Jooste, mEtiyali okwa zimine kutya omulandu gwompangela yongeshefa ngoka tagu longithwa ngashiingeyi kehanganp ndyoka, itagu vulu okuliningitha ehangano tali vulu okwiimonena iiyemo.Ongundu yaatseyinawa mboka taya ka kwathela mompangela ndhoka oompe olya thikamapo mongundu yaatseyinawa yopauyuni moshikondo shomatukodhila.Jooste okwa popi kutya oompangela ndhoka tadhi ka ningwa otadhi ka gandja ethano moka mu na ngashiingeyi ehangano ndyoka, oshowo shoka tashi vulu okuningwa, ehangano li vule okuhupa mongeshefa. Uuna oompangela ndhoka dha ziminwa nena ongundu yaatseyinanwa ndjoka otayi ka ngonga po oompangela dhopangeshefa oompe, dha nuninwa ehangano ndyoka lyoAir Namibia. Okomitiye tayi ithanwa Cabinet Committee on Overall Policy and Priorities (CCOPP) oya kundathana kombinga yonkalo yehangano lyaAir Namibia mEtitatu lyoshiwike sha piti.“Otwa tala oshili shoka sha taaalela Air Namibia monkalo moka e li ngashiingeyi, ondjele yoongunga dhe naashoka tashi ka pula opo a vule okulundululilwa mehangano ndyoka omuntu a hala okutala,” Jooste a popi.Minista okwa popi kutya okwa talwa komikalo dha yooloka ngaashi opo ehangano ndyoka li tsikile okulonga monkalo moka li li, na otali ka kala ngiini nompangela ompe yopangeshefa. Aaniilonga yehangano ndyoka oya pewa ompito yokugandja omagwedhelepo gwawo ngoka ye wete kutya otaga ka longa nenge iikumungu mbyoka ya pumbwa okutalwa. Nonkalo yahuguninwa elandithepo nenge epato lyehangano ndyoka. Sho a pulwa ngele oshilongo shomwaalu omushona gwaakwashigwana osha pumbwa okukala nehangano lyomatukodhila, Jooste okwa yamukula kutya Air Namibia monkalo ompe ota vulu okukala eliko enene kuNamibia, unene okutala komayakulo gomatukodhila gomoshilongo ngoka ha gandja. Okwa popi kutya omatukodhila gopondje yoshilongo ga kala taga ningwa nale kwaamboka ye li methigathano lyopangeshefa naAir Namibia Ehangano lyoAir Namibia olya kala muupyakadhi wopashimaliwa na olya kala lyiikolelela owala kiimaliwa yoshigwana okuza nkene lya totwa po moomvula yo 1990. Kwiikwatelelwa kuuyelele mboka wa gandjwa koonzo dhishi okwiinekelwa, Air Namibia okwa kanitha iiyemo yi li pokati koobiliyona 4.5 noobiliyona 5 okuza momvula yo 1998.Oonzo odha popi kutya ngashiingeyi ehangano ndyoka otali kanitha iiyemo yi li pokati koomiliyona 600 no 70 komvula.Na ohali futu oshimaliwa shili pokati oomiliyona 50 no 60 komwedhi kehe mokuhiila oodhila dha thika pu ne ndhoka hadhi longithwa kehangano ndyoka momatukodhila. Nonando ongaaka omupopiliko gwoAir Namibia, Paul Nakawa okwa popi kutya ekanitho lyehangano ndyoka ngashiingeyi eshona okuyeleka naashoka tali gandja keliko lyoshilongo. Minista Jooste okwa zimine oshiwike shika kutya oondhila mbali ndhoka hadhi longithwa molweendo lwaFrankfurt odhili omukundu omunene kehangano ngashiingeyi.Air Namibia okwa shaina etsokumwe lyuule woomvula 12, oomvula hamano dha piti ngashiingeyi, opo a kale ta longitha oodhila ndhoka.CATHERINE SASMAN

Oompangela dhokuhupitha ehangano lyoAir Namibia

Comments

Namibian Sun 2025-05-20

Please login to leave a comment

Oompangela dhokuhupitha ehangano lyoAir Namibia

Comments

Namibian Sun 2025-05-20

Please login to leave a comment

Login