Oominista tadhi ka kuthwa iihauto yo 4x4

“Otaya ka pewa oohauto dhomashete. Omwa hala tu ya pe uutemba woondongi?” Geingob a okwa popi ngaaka mOmaandaha pethimbo a ningi etseyitho kombinga yeshunitho pevi lyomwaalu gwoominista.Geingob okwa popi kutya aagandjimayele ye otaya kala miilonga na otashi vulika a gwedhepo molwaashoka omupresidende okwa pumbwa ekwatho. Omwaalu gwe gwoominista melelo lye epe ndyoka tali ka tulwa miilonga konima ngele a ganithilwa miilonga mOlyomakaya ngaka twa taalela mEgumbo lyEpangelo, sha landula sho kwa tseyithwa ehulithepo lyomagongalo gopamwe omanene omolwa etukuko lyomukithi gwocoronavirus moshilongo, otagu ka shunithwa pevi okuza po 26 okuya po 19.Geingob okwa popi woo kutya oshikondo shopaumwene osha pumbwa okutota po oompito dhiilonga. Okwa popi kutya epangelo itali vulu we okukondolola efuto lyoondjambi omolwa omwaalu guli pombanda oshowo epalipaleko lyoondjambi.“AaNamibia ihaya dhilaadhila okuya moopenzela. Aantu yamwe kaye na omagumbo gawo yene nenge oohauto dhawo yene.” Sho a popi kombinga yomagwedhelepo kombinga yevi momalukanda kutya mboka yeli pomavi ngoka naye gapewe oshali, Geingob okwa popi kutya oshikumungu shoka osha pumbwa okutalika, na otaku kala owala ombili moshilongo ngele kwa silwa oshisho oshikumungu shomalukanda.Geingob okwa popi kutya okwaaha thike pamwe paliko omukundu omunene. Okwa popi kutya ompumbwe yokwaahena uukumwe mokati kAaNamibia otashi mu limblike.“Ohoni onene kutya aanyasha otaya hwahwameke uukwamuhoko. Onda hala AaNamibia yiikwate momake. Namibia manga inali manguluka naNamibia sho lya manguluka iinima iyali ya yooloka.”Geingob okwa tseyitha kutya uuministeli womatembu niikwameni otawu tulwa mumwe nuuministeli wopolisi omanga uuministeli wegameno tawu tulwa kumwe nuuministeli wiipambele yoonakulwa aakulu.Omatulululo gevi otaga tulwa mumwe nuunamapya nomeya omanga oshikondo shiihwa tashi tulwa mumwe nomidhingoloko nomatalelepo.Uuministeli womakwatathano gopaigwana itawu lundululwa opamwe nuuministeli wemona, omanga omayambulepo goongeshefa ooshona naadhoka dhopokati niipindi ya tulwa komupresidende. Uuministeli weyambulepo lyoondoolopa niitopolwa inawu lundululwa oshowo uuministeli wuundjolowele, elongo nomithigululwakalo, elongo lyopombanda niilonga nomalweendo.Uuministeli woomina niikwankondo inawu lundululwa opamwe nuuministeli woohi noonzo dhomomeya , uuyuki niilonga etotepo lyoompito dhiilonga oshowo iiputudhilo yepangelo. Omaudhano, aanyasha nomayakulo gopashigwana opamwe nomauyelele nawo inawu lundululwa.Uuministeli wiiputudhilo yepangelo itawu ka kuthwa po owala uuna wa manitha omalalakano gawo. “Muule wethimbo efupi otandi ka tseyitha euliko lyomupeha presidende, omuprima nomupeha prima. Uuna nda ganithilwa miilonga momasiku 21 Maalitsa otandi ka tseyitha euliko lyoominista oompe naapeha minista,” Geingob a popi.JEMIMA BEUKES

Oominista tadhi ka kuthwa iihauto yo 4x4

Comments

Namibian Sun 2025-09-16

Please login to leave a comment

Oominista tadhi ka kuthwa iihauto yo 4x4

Comments

Namibian Sun 2025-09-16

Please login to leave a comment

Login