Ooluhupe yaCassinga ya yi koAngola

Ongundu yaantu ya thika po 210 mboka kwa holola kutya oya hupu moshiponokela shaCassinga shoka sha holoka oomvula omi 40 dha piti, oya thigi po oshilongo mOmaandaha nokuya koAngola, opo ya ka kuthe ombinga medhimbuluko e ti 40 lyoshiponokela shoka. Ongundu ndjoka oyali yi na okukala ya thiga po oshilongo momasiku 29 omwedhi gwa piti, opo ya kadhimbuluke esiku ndyoka momasiku ga 4 ihe olweendo olwa li lwa kalekwa omolwa edhimbuluko lyopambelewa ndyoka lya ningilwa moNamibia sho omupresidende gwaAngola, João Lourenço a li metalelepo moNamibia..Moonkundathana ndhoka ya ningi nonzokundaneki yoNampa omanga inaya thiga po oshilongo, omunashipundi gwokomitiye ndjoka tayi longekidha olweendo, Ignatius Mwanyekange, okwa popi kutya okomitiye oya kala tayi longekidha olweendo okutameka omvula yo 2016. Okwa popi kutya oye wete sha simana opo ya dhimbulukile esiku ndyoka pehala yoshiningwanima.Mwanyekange okwa tsikile kutya ongundu otayi ka gandja iizalomwa kaakwashigwana yopomudhingoloko gwaCassinga, mbyoka ya kala taya gongele uule woomvula mbali dha piti. Ongundu ndjoka oya kwatelamo omukomeho gwetanga lyopolisi, Sebastian Ndeitunga, ngoloneya gwaMusati Erginus Endjala oshowo omupeha minista gwiipambele yoonakulwa aakulu, Hilma Nicanor. Oshiponokela shaCassinga osha ningwa momasiku ga 4 gaMei mo 1978, sho aakwiita yoSouth African Defence Force (SADF) ya ponokele noomboma okamba yaCassinga nokudhipaga konyala Aanamibia ye li 600,mboka kwa popiwa kutya oyendji aakiintu naanona. Aantu ya thika po 400 oya ehemakewa.Cassinga omudhingoloko tagu adhika oshinano shookilometa 300 monooli yoongamba dhaNamibia naAngola. Mo 2016 ongundu yaaNamibia 217 oya li ya yi molweendo lwa faathana.NAMPA

Ooluhupe yaCassinga ya yi koAngola

Comments

Namibian Sun 2025-10-14

Please login to leave a comment

Ooluhupe yaCassinga ya yi koAngola

Comments

Namibian Sun 2025-10-14

Please login to leave a comment

Login