Onyama yaNamibia oyi na ondilo kuAngola
Omupresidende Hage Geingob okwa popi kombinga yoompangela dhokutuma onyama yongombe yaNamibia momalanditho gaAngola, ta popi kutya shoka oshi li sha ningwa monakuziwa ihe osha kankamekwa koshishiindalongo Angola omolwa ondando yi li pombanda.
Omutse gwoshilongo ogwa li tagu popi pethimbo lyoshigongi naakwashigwana shoka sha ningilwa mOndoolopa yaNgwediva mOmaandaha, moka a yamukula komapulo ngoka ga pulwa kOmupresidende gwoNamibian National Farmers Union (NNFU) Jason Emvula.
Emvula okwa popi kutya pe na ompumbwe yonyama yongombe yaNamibia moAngola, ihe kape na onyama hayi tumwa momalanditho goshilongo shoka okuza moNamibia. Okwa pula Namibia a tale ketumo lyonyama ye moAngola, shoka sha yambidhidhwa woo kuNgoloneya gwoshitopolwa shaMusati, Erginus Endjala oshowo yakwawo yalwe. MuJuli gwomvula yo 2017 okwa li kwa lopotwa kutya Angola ota pangele okuhulitha po ekutho lyonyama miilongo yilwe opo a gandje ompito kuNamibia a vule okutuma onyama ye momaalanditho goshilongo shoka.
Geingob okwa popi mOmaandaha kutya Angola okwa li ha landa onyama kuNamibia ihe okwe shi hulitha po.
“Angola okuhole onyama yetu na okwa li ha landa okuza kutse ihe onyama yetu oyi na ondilo naashoka osho ya hulitha po okulanda okuza kuMeatco. Oshihwepo kuyo okukutha onyama yawo kuBrazil pehala lyaNamibia,” omupresidende a popi.
Geingob pamwe nosheendo she inaya gandja omayele gasha moka onyama yaNamibia tayi vulu okutumwa moAngola kondando tayi vulika momalanditho gaAngola.
Endjala omvula ya piti okwa li a popi kutya okwa pyakudhukwa okukwatela komeho oonkundana dhoka dha kala oomvula taku pulwa etumo lyonyama okuza moNorthern Communal Areas (NCA), moAngola.
Endjala okwa li a popi pethimbo kwa patulula pambelewa okatomeno mOutapi, ta popi kutya ompumbwe yonyama moAngola oya hwahwamekwa unene kepato lyuutomeno mOshakati oshowo moKatima Mulilo, mboka wali hawu longithwa kuMeatco.
“Konima nkene Meatco a pata uutomeno moka otwa kala tu na ompumbwe yomalanditho. Ombelewa yandje oya pulwa iikando yontumba kaashiinda yetu yaAngola, taya pula etumo lyonyama yetu yongombe momalandithi gawo, ihe omolwa ompumbwe yomandiki monooli inatu vula okupula komeho naashoka.”
Okwa tsikile kutya sho okatomeno hoka ka patululwa okwa pyakudhukwa okukwatela komeho oonkundathana dhetumo lyonyama moshilongo shoka.
ILENI NANDJATO
Omutse gwoshilongo ogwa li tagu popi pethimbo lyoshigongi naakwashigwana shoka sha ningilwa mOndoolopa yaNgwediva mOmaandaha, moka a yamukula komapulo ngoka ga pulwa kOmupresidende gwoNamibian National Farmers Union (NNFU) Jason Emvula.
Emvula okwa popi kutya pe na ompumbwe yonyama yongombe yaNamibia moAngola, ihe kape na onyama hayi tumwa momalanditho goshilongo shoka okuza moNamibia. Okwa pula Namibia a tale ketumo lyonyama ye moAngola, shoka sha yambidhidhwa woo kuNgoloneya gwoshitopolwa shaMusati, Erginus Endjala oshowo yakwawo yalwe. MuJuli gwomvula yo 2017 okwa li kwa lopotwa kutya Angola ota pangele okuhulitha po ekutho lyonyama miilongo yilwe opo a gandje ompito kuNamibia a vule okutuma onyama ye momaalanditho goshilongo shoka.
Geingob okwa popi mOmaandaha kutya Angola okwa li ha landa onyama kuNamibia ihe okwe shi hulitha po.
“Angola okuhole onyama yetu na okwa li ha landa okuza kutse ihe onyama yetu oyi na ondilo naashoka osho ya hulitha po okulanda okuza kuMeatco. Oshihwepo kuyo okukutha onyama yawo kuBrazil pehala lyaNamibia,” omupresidende a popi.
Geingob pamwe nosheendo she inaya gandja omayele gasha moka onyama yaNamibia tayi vulu okutumwa moAngola kondando tayi vulika momalanditho gaAngola.
Endjala omvula ya piti okwa li a popi kutya okwa pyakudhukwa okukwatela komeho oonkundana dhoka dha kala oomvula taku pulwa etumo lyonyama okuza moNorthern Communal Areas (NCA), moAngola.
Endjala okwa li a popi pethimbo kwa patulula pambelewa okatomeno mOutapi, ta popi kutya ompumbwe yonyama moAngola oya hwahwamekwa unene kepato lyuutomeno mOshakati oshowo moKatima Mulilo, mboka wali hawu longithwa kuMeatco.
“Konima nkene Meatco a pata uutomeno moka otwa kala tu na ompumbwe yomalanditho. Ombelewa yandje oya pulwa iikando yontumba kaashiinda yetu yaAngola, taya pula etumo lyonyama yetu yongombe momalandithi gawo, ihe omolwa ompumbwe yomandiki monooli inatu vula okupula komeho naashoka.”
Okwa tsikile kutya sho okatomeno hoka ka patululwa okwa pyakudhukwa okukwatela komeho oonkundathana dhetumo lyonyama moshilongo shoka.
ILENI NANDJATO
Comments
Namibian Sun
No comments have been left on this article