Ontotwaveta yoRevenue Agency ya tulwa poshitaafula mOmutumba gwoPashigwana

JEMIMA BEUKES

Ontotwaveya ndjoka ya kala ya tegelelwa koyendji yoNamibia Revenue Agency Bill oya pitithwa moNational Council.

Ontotwaveta ndyoka otayi ka kwatela komeho etotopo lyolutu ndoka tali ka kala li na oshinakugwwanithwa shokugongela iishoshela yepangelo, pehala lyepangelo.

Sho a tula poshitaafula ontotwaveta ndjoka muJuni, Ominista yEmona, Calle Schlettwein, okwa popi kutya etulo miilonga lyolutu ndyoka olya simana noonkondo opo ku kwashilipalekwe egongelo lyiishoshela yepangelo.

Olutu ndyoka otalu ka longa lwiithikamena molwaashoka otalu ka tula miilonga lwolwene oompangu dhawo niilonga.

Olutu ndoka otalu ka kwatelwa komeho kaakomeho mboka taya kuulikwa kuminista

Iilonga yawo otayi ka kala okugandja omayele kuminista kombinga yomilandu dha kwatathana negongelo lyiishoshela yepangelo.

Olutu ndoka otalu ka kwatelwa woo komeho kukomufala ngoka tuulikwa kuminista nelelo lyolutu ndyoka otali ka kala miilonga uule woomvula ndatu omanga komufala ta ulikwa kokondalaka yuule woomvula ntano.

Etotepo lyoNamibia Revenue Agency otali kakwatela komeho ekondololo ewanawa lyegongelo lyiimaliwa yepangelo.