Ongopolo yaNamibia ya yi momake gAaChina

Ø Omaipulo kombinga yonakuyiwa yaaniilongaCATHERINE SASMANOtaku ningwa oompangela dhopangeshefa opo oopresenda dhi li po 68.62 dhuumwene womina yaRössing Uranium Limited dhi landwepo kehangano lyoChina National Uranium Corporation Limited (CNUC), nokweetitha omahangano gaChina ga kwateko oshikondo shemino lyongopolo moshilongo. Ngele oompangela dhoka odha tulwa miilonga, nena omahangano gaChina otaga kwatako uumwene wiipambuliko oyindji moomina oonene moshilongo ngaashi momina yaHusab, Rössing, Langer Heinrich oshowo Trekkopje. Ehangano lyoChina General Nuclear Power Corporation (CGN) oshowo China-Africa Development Fund ogo ooyene yiipambuliko oyindji momina yaHusab.CNNC, moka CNUC e li oshitayi oku na mo uumwene woopresenda 25 momina yaLanger Heinrich.Omukwatakanithi gwopashitopolwa shErongo mehangano lyoMineworkers Union of Namibia (MUN), George Ampweya, okwa popi kutya ehangano lyawo olya kumwa noonkondo mokuuva onkundana ndjoka molwaashoka elelo lyomina yaRössing inali ya tseyithila kombinga yoompangela ndhoka dhokulanditha po omina.Okwa popi kutya oya uvu owala kombinga yoompangela ndhoka miikundnaeki na kaye shi kutya omonkalo yini tamu ka thigwa aaniilonga yaRössing na oye na einekelo kutya elanditho ndyoka otali ka ningwa pauyuuki nomomukalo gu li nawa.Okwa popi kutya oshitayi shoMUN moArandis oshi na einekelo okuya moonkundathana nelelo lyaRössing kombinga yonakuyiwa yaaniilonga momina ndjoka.Ominista yOomina nIikwankondo, Tom Alweendo, ina yamukula komapulo ngoka a ningilwa omanga onkundana ndjika inayi nyanyangithwa.CNUC oku li oshitopolwa shoChina National Nuclear Corporation (CNNC), ehangano ndyoka lya kala moonkundathana nehangano lyaRio Tinto kombinga yelandepo lyomina yaRössing.Rio Tinto okwa tseyitha mOmaandaha kutya CNUC ota landa po iipambuliko ye momina ndjoka koshimaliwa sha thika pobiliyona 1.5. Patseyitho ndyoka lya ningwa CNUC otaka futa tango oshimaliwa shoomiliyona 90 koomuma, noshimaliwa shoobiliyona 1.4 otashi futwa uuna etsokumwe lyelanditho ndyoka lya shainwa. Ondando yelanditho lyiipambuliko mbyoka olya ningwa patengeneko lyondando yongopolo momina ndjoka, muule woomvula heyali dhi li komeho.Elanditho ndyoka otali tegelele manga omilandu dhimwe mo mwakwatelwa ezimino okuza koNamibian Competition Commission. Rio Tinto okwa tsikile kutya ngele omilandu ndhoka odha yi miilonga nena elanditho ndyoka okwa tegelelwa li ningwe metata lyotango lyomvula yo 2019.Namibian Competition Commission ina yamukula komapulo ngoka a ningilwa. Omunambelewa omukuluntu gwoRio Tinto, Jean-Sébastian Jacques, okwa popi kutya elanditho ndyoka otali landula oonkundathana dha ningwa uule wethimbo ele moka ehangano lya tala woo nkene li na okupula komeho nokunkondopeka iilonga yawo menenevi, na ota pandula aakuthimbinga ayehe naamboka ya longele kumwe nayo pethimbo y longele momina ndjoka.

Ongopolo yaNamibia ya yi momake gAaChina

Comments

Namibian Sun 2025-05-02

Please login to leave a comment

Ongopolo yaNamibia ya yi momake gAaChina

Comments

Namibian Sun 2025-05-02

Please login to leave a comment

Login