Ongeshefa tayi shongola maalandithi momatala gaShakati
Omolwa omilandu dha tulwa miilonga dha nuninwa okukondjitha etaandelo lyombuto yoCovid-19, aalandithi momatala gaShakati oyeli monkugo yi na onkambe sho kwa shunwa pevi omwaalu gwengundumano lyaantu.
TUNOHOLE MUNGOBA
OSHAKATI
Ø Aanangeshefa taya kanitha iiyemo
Omatala gomalandithilo mOshakati otaku tengenekwa mu na aalandithi ya thika po 250, mboka ya holola kutya ombuto yo Covid-19 otayi shunitha pevi nayi iiyemo yawo.
Gumwe gwomaalandithi mboka, Justy Tylvas, okwa popi kutya oCovid-19 oye etitha eshunitho pevi momalanditho ge na okwa pula aalandithi yakwawo opo kaya kale yiikolelela owala miiyemo yimwe.
Tylvas ngoka e li ha hondjo okwa popi kutya ookastoma dhe unene oomboka taya ningi oohango, unene iikutu yopamuthigululwakalo yOshiwambo niikutu yiinkumbi.
Omolwa onkalo nomwaalu ngoka gwa tulwapo uuna aantu ya gongala pamwe, aafuko ihaya longitha we iimaliwa oyindji iikutu mbyoka.
Omunangeshefa ngoka okwa valelwa mOvenduka momvula yo 1992 na omolwa ohokwe mokuhondja okwiilongele okuhondja moTulipamwe mOshakati. Okwa tameke okulandithila momatala momvula yo2016. Okwa popi kutya nonando ongeshefa oya kukuta, oshi vulithe okukala pegumbo.
Okwa popi kutya tango okwa li ha longele omuntu nokulonga iilonga ye yopaumwene konima yiilonga ihe sho a mono kutya ota ningi iimaliwa oyindji okuza miilonga ye yopaumwene okwa tokola okwiilongela yemwene.
Kakele komilandu dhoCovid-19 dhoka dha tulwapo Tylvas okwa popi kutya okwa taalela woo uupyakadhi waantu mboka haya hondjitha iinima yawo ihe ihaya futu nenge yiileko iinima yawo.
Tylvas natango oha hondjo woo omizalo dhoskola oshowo omizalo dhaanambelewa yopolisi.
Eyambidhidhi lyongeshefa
Onga oshitopolwa shokugandja omayakulo gwehwepopeko omolwa ombuto yoCovid-19, uuministeli wiipindi meyambidhidho nepangelo lyaGermany owa tula miilonga oshiyetwapo tashi ithanwa Start-Up and Survival Grant Initiative.
Omupitila moshiyetwapo muka, uuministeli owa yambidhidha oongeshefa dhili 57 nokukalekapo iilonga yaantu ya thika po 200 moshitopolwa okupitila meyambidhidho lyiiyemo ya thika poN$855 000.
Uuministeli owa gandja woo omakwatho giiwapalekithi ya thika po270 kaalandithi yomomatala mOshakati, Ondangwa oshowo Ongwediva.
OSHAKATI
Ø Aanangeshefa taya kanitha iiyemo
Omatala gomalandithilo mOshakati otaku tengenekwa mu na aalandithi ya thika po 250, mboka ya holola kutya ombuto yo Covid-19 otayi shunitha pevi nayi iiyemo yawo.
Gumwe gwomaalandithi mboka, Justy Tylvas, okwa popi kutya oCovid-19 oye etitha eshunitho pevi momalanditho ge na okwa pula aalandithi yakwawo opo kaya kale yiikolelela owala miiyemo yimwe.
Tylvas ngoka e li ha hondjo okwa popi kutya ookastoma dhe unene oomboka taya ningi oohango, unene iikutu yopamuthigululwakalo yOshiwambo niikutu yiinkumbi.
Omolwa onkalo nomwaalu ngoka gwa tulwapo uuna aantu ya gongala pamwe, aafuko ihaya longitha we iimaliwa oyindji iikutu mbyoka.
Omunangeshefa ngoka okwa valelwa mOvenduka momvula yo 1992 na omolwa ohokwe mokuhondja okwiilongele okuhondja moTulipamwe mOshakati. Okwa tameke okulandithila momatala momvula yo2016. Okwa popi kutya nonando ongeshefa oya kukuta, oshi vulithe okukala pegumbo.
Okwa popi kutya tango okwa li ha longele omuntu nokulonga iilonga ye yopaumwene konima yiilonga ihe sho a mono kutya ota ningi iimaliwa oyindji okuza miilonga ye yopaumwene okwa tokola okwiilongela yemwene.
Kakele komilandu dhoCovid-19 dhoka dha tulwapo Tylvas okwa popi kutya okwa taalela woo uupyakadhi waantu mboka haya hondjitha iinima yawo ihe ihaya futu nenge yiileko iinima yawo.
Tylvas natango oha hondjo woo omizalo dhoskola oshowo omizalo dhaanambelewa yopolisi.
Eyambidhidhi lyongeshefa
Onga oshitopolwa shokugandja omayakulo gwehwepopeko omolwa ombuto yoCovid-19, uuministeli wiipindi meyambidhidho nepangelo lyaGermany owa tula miilonga oshiyetwapo tashi ithanwa Start-Up and Survival Grant Initiative.
Omupitila moshiyetwapo muka, uuministeli owa yambidhidha oongeshefa dhili 57 nokukalekapo iilonga yaantu ya thika po 200 moshitopolwa okupitila meyambidhidho lyiiyemo ya thika poN$855 000.
Uuministeli owa gandja woo omakwatho giiwapalekithi ya thika po270 kaalandithi yomomatala mOshakati, Ondangwa oshowo Ongwediva.
Comments
Namibian Sun
No comments have been left on this article