Ongangala ya dhipagwa mOmbaye

Mwene gwegumbo tali adhika momudhingoloko gwaKuisebmond okwa yaha nokudhipaga ongangala yimwe omanga a ehemeke onkwawo pethimbo oongangala dhoka dha kambadhala okwiiyakela megumbo lye, koongulasha dhomasiku ga 3 gaKotomba.Detective Chief Inspector Erastus Iikuyu okwa koleke kutya oshiningwanima osha ningilwa mepandanda lyaHunes, moKuisebmond. “Otatu konaakona oshipotha shedhipago oshowo onkambadhala yedhipago, na mwene gwegumbo ndyoka ina tulwa natango miipandeko. Uuna twa manitha omakonaakono otatu tumu epeko ndyoka kOmupanguli-Ndjai.”Mwene gwegumbo okwa li a kotha na okwa penduka sho uuvu omainyengo komweelo gwegumbo lye na okwa mono kutya aantu yaali otaya kambadhala okwiiteyela megumbo lye na okwe ya lombwele ya ze po pegumbo lye.“Otaku hokololwa kutya nakusa Barnabas Ipinge, okwa ponokele mwene gwegumbo na okwa kambadhala okumutsa nosikulufu. Mwene gwegumbo okuumbu mombanda onga okugandja ekunkililo na okwa umbu nakusa noku mu yaha na okwa yaha woo, Mathew Malaika, mokugulu.” Iikuyu okwa popi kutya oongangala dhoka odha yi ontuku ihe omudhimba gwaIpinge ogwa itsuwa megumbo lyopuushiinda omanga Malaika aadhika a holama popepi nondjila na okwa tulwa miipandeko.Okwa tuminwa mOshipangelo shaVenduka, moka ta mono epango metonatelo lyopolisi.Otaku fekelwa kutya aalumentu mboka oya kutha ombinga momateyo ga ningilwa omudhingoloko ngoka, molwaashoka oya adhika niinima ya yakwa.

Ongangala ya dhipagwa mOmbaye

Comments

Namibian Sun 2022-09-30

Please login to leave a comment

Ongangala ya dhipagwa mOmbaye

Comments

Namibian Sun 2022-09-30

Please login to leave a comment

Login