Ondonga oyi li mehalakano

Mokati kaamboka ya kuthwa miilonga pakathimbo kOmukwaniilwa Immanuel Kauluma Elifas, omwakwatelwa ongoka a kala omunashipundi gwElelo lyOndonga Traditional Authority (OTA), ethimbo ele, Peter Kauluma, oshowo amushanga gwo OTA Joseph Asino. Omalenga omanene ngaashi John Walenga oshowo ngoloneya nale gwoshitopolwa shaShikoto, Vilho Kamanya nayo oya kuthwa miilonga pakathimbo yelelo, omanga omakonaakono ta ganingwa.Ookansela yamwe mboka wo yakuthwa miilonga pakathimbo ongaashi Kashona kaMalulu, Joseph Akawa, Tonata Ngulu naFillemon Nambili.Ookansela mbaka otaya lundilwa kutya otaya dhini elelo lyopombanda lyombala oshowo okweeta etopoko maakwashigwana yaNdonga.Ookansela oya yamukula kutya ekutho lyawo miilonga oli li iikonene tayi ningwa kongundu ndjoka ya kwatelwa komeho komunyekadhi Secilia Elifas, ngoka ta longitha onkalo yuunkundi wOmukwaniilwa Elifas onga ompito ombwaanawa.Ookansela mboka ya kuthwa miilonga-manga okwa hololwa taya yambidhidha, Shuumbwa Nangolo, ngoka a hogololwa komukwaniilwa muSepetemba gwo-2012 onga omulanduli gwe.Namibian Sun okwa mona ombaapila ndjoka ya shainwa kuElifas ya shangelwa ominista nale Jerry Ekandjo, ngoka a li ominista yIitopolwa, Omalelo goPapangelo, Omagumbo nEyambulepo lyokOmikunda oshowo omulanduli gwe Joe Kaapanda.Monena shoka otashi patanwa osho iilyo yimwe mombala mwakwatelwa omukulukadhi gwomukwaniilwa, tayi pataneke euliko lyaNangolo. Oscar Sheehama ngoka e li mwene gwomukunda melelo ndyoka okwa lopotwa ta yambidhidhwa komunyekadhi onga omulanduli gwaElifas.Mboka ya kuthwa miilonga-manga oyali ya ningi oshigongi naakwashigwana ya thika po-300 mehuliloshiwike na oya pula engungumano mokati kaakwashigwana.Oya longitha woo ompito ndjoka okupopya kutya etokolo lyokuyakutha miilonga manga kali li mondjila.Kauluma, ngoka a kala omunashipundi gwelelo ndyoka okutameka mo-1982 okwa lombwele oshigongi shoka kutya okwiihula okupopya nomukwaniilwa momasiku 20 gaFebruali nuumvo. Okwa popi kutya ombala, unene omukulukadhi gomukwaniilwa ke na oonkondo dhokwiidhopa miinima yuuwa.“Ondi na oomvula 75 ngashiingeyi ihe inandi mona nale omunyekadhi tiidhopo miinima yelelo lyuuwa ngaashi tashi ningwa ngaashingeyi. Omunyekadhi gwetu ota longitha onkalo yuunkundi womukwaniilwa opo iidhope miilonga yelelo,” Kauluma ta ti.“Asino pamwe nangame otwa li twa ithanwa kombala momamasiku 17 gaFebruali molwaashoka aniwa omukwaniilwa okuna sha shoka a hala oku tu lombwelwa. Sho omunyakadhi ke po okwe tu pula kutya onkalo oyili ngiini mo OTA oshowo kOngula yaNetanga. Sho omukulukadhi gwe e ya po okwa mwena. Omukulukadhi okwa kondjitha opo e tu lombwele shoka e tu ithanena, ihe Omukwaniilwa ina popya sha sigo tatu zi po,”Kauluma ta ti. Okwa popi kutya natango oyali yi ithanwa kuuwa momasiku 20 gaFebruali, ihe naatango onga shikwawo.“Konima omunyekadhi okwe tu lombwele kutya omukwaniilwa okwa tokola opo a tidhe miilonga elenga enene Wilbard Lidker,” Kauluma a tsikile.Asino ngoka a popi a kengela omahodhi momeho naye okwa nanyana omunyekadhi gwaNdonga kutya otaya longitha pambambo edhina lyomukwaniilwa. Omutumba ngoka ogwa popithwa woo komunashipundi nale gwelelo lyoshitopolwa shaKhomas Khomas, Zulu Shitongeni, Mayola gwaNdangwa Paavo Amwele, Mayola gwaNiipa Mannetjies Kambonde, Kansela gwOndangwa Urban Elia Iimali oshowo Kansela gwaNiipa, Jerry Ngwena.Lyopokati mpoka omusholondondo ngoka gwa ulikwa konzo yi li popepi naakwanezimo yombala, ogwa holola omadhina gaamboka taya pingenepo oonakukuthwa miilonga manga.Momusholonondo omuna omunangeshefa John Akapandi Endjala onga elenga enene lyaNdangwa, amushanga gwOshikondo shOkukondjitha Oluhepo nOndjala, I-Ben Nashandi onga elenga enene lyaAmuteya. Oscar Sheehama ota pingenepo Eino Shondili Amutenya mOnalulushete, omanga Omunambelewa Omukuluntu gwoCRAN Festus Mbandeka ta ningi elenga enene lya Oniiwe, na ota pingenepo Asino.Tonis Kalenga ota pingenepo Anneli Sakaria Mbumba mEpale.Ooyene yomukunda Oniimwandi, Omulondo nOshuushe itaya gumwa. Ombaapila ndjoka oya holola kutya oshapumbiwa opo omuntu ngoka a simanekwa kaapopi yelaka lyOshikwanyama oye uulikwe a ninge elenga enene lya Ongula ya Netanga oku pingenapo Kauluma. Ngoka ta longo pehala lyamushanga gwo OTA Nepando Amupanda ina vula okukokela nenge a tinde uushili wombaapila ndjika, ihe okwa popi kutya elelo lyoshilongo shoka oli na omilandu dhili pomahala nooyene yomikunda otaya ka kwatela komeho elelo miikandjo mbyoka kayi na aaleli manga.Lwopokati mpoka, omunamimvo 82 omukwaniilwa Elifas okwa holoka poshituthi sheganithilo koshipundi lyaEster Gwashamba Nepando onga elenga enene lyoshikandjo shUukwanambwa. Nepando ota pingenepo Lidker, ngoka ali a tidhwa.Elifas ina popya sha poshituthi shoka kaleke sho a koleke kutya okwa nyanyukwa mokumona aakwashigwana yaNdonga naambala ya hangana. Nonando Gwashamba okwa ganithilwa koshipundi kelenga enene lyaNiimwandi, Naeman Amalwa, omukwaniilwa okwa tindi okumupa omayambeko.Amalwa okwa uvika ta pula ta ti: “Tatekulu gandja omayambeko kelenga enene.” Ihe Elifas okwa yamukula: “Aawo, Itandi vulu okuninga ngaaka.”Amalwa okwa lombwele engathithi lyaamboka ya kala poshituthi shoka kutya omukwaniilwa okwe mu pula opo a yambeke elenga ndyoka pehala lye.ILENI NANDJATO

Ondonga oyi li mehalakano

Comments

Namibian Sun 2026-07-14

Please login to leave a comment

Ondonga oyi li mehalakano

Comments

Namibian Sun 2026-07-14

Please login to leave a comment

Subscription Required to Access Content ×

Login

Subscription Required to Access Content