Ondjambi yopetameko yoosekuriti tayi ka tulwa miilonga

Ngele ayihe ya yi pomahala ngaashi tashi longekidhwa, oondjambi yaaniilonga yoosekuriti otayi gwedhelwa okutameka pooN$7 mowili oshowo pooN$8.75 kaniilonga mboka ya longa ethimbo ele, ngaashi etsokumwe pokati komahangano gaaniilonga gatatau oshowo Security Association of Namibia (SAN) tali utha. Etsokumwe ndyoka olya tulwa miilonga muDesemba gwo-2016.Momushangwa gwopapangelo ngoka gwa pitithwa mesiku lyotango lyaJuni, Ominista yAaniilonga olya pitithwa ehiyo ndyoka tali pula opo iilyo moshikondo shoka nenge oshigwana shi pataneke etsokumwe ndyoka lyoondjambi dhopetameko muule womasiku 30 omanga etsokumwe ndyoka inali tulwa miilonga.Nonando etsokumwe ndyoka olya li lyaningwa hugunina pokati komahangano lyoSAN, Namibia Transport and Allied Workers Union (Natau), Namibia Security Guards and Watchmen's Union (NASGWU), oshowo Namibia Independent Security Union (Nisu) muDesemba gwomvula yapiti opo ku yandwe ekanka lyopashigwana ndyoka lya li tali longekidhwa, omahangano ogendji goosekuriti oga tindi okutula miilonga oondjambi ndhoka dhopetameko sigo onena.Omahangano ngoka oga tindi okutula oondjambi ndhoka miilonga molwaashoka inadhi tseyithwa natango pamushangwa gwopapangelo, nomupresidende gwoSAN Dries Kannemeyer, okwa popi kutya oya li ya kunkilile omahangano gaaniiilonga kutya omukundu guli ngaaka otagu ka holoka. MuMaalista Kannemeyer okwa lombwele oNamibian Sun kutya nonando omahangano omagandji giilonga otaga tsu kumwe netsokumwe ndyoka opo ku yandwe ekanka omahangano ogendji otaga ka tameka owala okufuta aaniilonga oondjambi ndhoka oompe uuna dha tulwa pamushangwa gwopapangelo.Okwa tsikile kutya omananathano ga kala pokati kaamboka taya futu oondjambi ndhoka oompe naamboka taya popi kutya oya tegelela omushangwa gwopapangelo, ogwa etitha woo ekanitho lyiilonga.MuDesemba omahangano gatatu omakalelipo gaaniilonga pamwe noSAN oya tsu kumwe opo kugwedhelwe oondjambi dhaaniilonga dhopetameko noopresenda 25, omanga aaniilonga mboka ya longa ethimbo taya gwedhelwa noopresenda 40.Omagwedhelo ngoka oga tokolwa ga tulwe iilonga mulyotango lyaJanuari nuumvo kaaniilonga ayehe.Etokolo etiyali ndyoka lya ningwa olya nuninwa aaniilonga mboka ya longa uule womvula okuya pombanda opo ya futwe ondjambi yooN$10 mowili , naashoka osha li sha tokolwa opo shi tulwe miilonga mesiku lyotango lyaJuli nuumvo.Sho kwa tulwa miilonga etsokumwe ndyoka osha yelithwa kutya oondjambi ndhoka nadhi tule miilonga komahangano ageye kutya oongoka geli iilyo yoSAn nenge oongoka kage shi iilyo.Nonando ongaaka omahangano ogendji oga tindi okufuta oondjambi ndhoka nomatompelo kutya inadhi tseyithwa natango papangelo.MuMaalista gwonuumvo amushanga gwUuministeli wAaniilonga, Bro-Matthew Shinguadja okwa lombwele oNamibian Sun kutya omahangano ngoka kage shi iilyo yoSAN inaga kwatelwa mo metsokumwe ndyoka lya shainwa sigo uuministeli wa tseyitha papangelo kutya etsokumwe ndyoka olya tulwa miilonga. JANA-MARI SMITH

Ondjambi yopetameko yoosekuriti tayi ka tulwa miilonga

Comments

Namibian Sun 2025-06-25

Please login to leave a comment

Ondjambi yopetameko yoosekuriti tayi ka tulwa miilonga

Comments

Namibian Sun 2025-06-25

Please login to leave a comment

Login