Ondhopi yimwe poshikando

Okwa manithwa etungo lyomagumbo gaantu mboka haya mono iiyemo yi li pevi geli 20, mehuliloshiwike lya piti ngoka ga tungwa koMariental Shack Dwellers’ Federation, moka oopresenda 80 dhaakiintu. Epondolo ndyoka otali ulike iilonga yehangano ndyoka sho lya tungu omagumbo geli 4 800 moshilongo ashihe, okupitila miilyo yawo yi li 23 000 yi li oshitopolwa shoongundu 747. Frederika Fredericks gwongundu yomOmalinda, mOlyomakaya okwa holola kutya ongundu yawo oyeshi pondola okugongela iimaliwa ya thika poomiliyona 25 meyambidhidho lyiiyemo okuza moshikondo shopaumwene.Nonando ongaaka omagumbo ngoka mwakwatela ngoka ga tungwa ngashiingeyi mondoolopa yawo ge li 20, oge li oshizemo shelongo nuudhiginini okuza kiilyo yehangano ndyoka, mbyoka yiitulamo mokwaadha omalalakano noondjodhi dhawo. Ongundu yomoMariental oya totwa po mo 2014 niilyo oya li ya tsuwa omukumo opo yi gongele kehe okamaliwa hoka tayi mono opo ya vule okwaadha omalalakano gawo.“Omanga twa tegelela okupewa evi ndyoka tali monika po okuza kelelo lyondoolopa, otwa gongele iimaliwa nokuyambulapo omapunguluko getu okupitila momayotho goonyama oshowo ookonseta.”Mo 2017 ongundu ndjoka oya pewa oplota ndjoka ya vulu owala okutungila omagumbo ge li po 20.Iilonga yetungo lyomagumbo ngoka oya longwa po kiilyo yoyene, mwa kwatelwa okuningwa oondhopi.“Edholomo lyoondopi ndhoka kalya li epu okutala kutya oopresenda 80 dhiilyo yetu aakiintu. Otwa dholoma oondhopi dhetu meyambidhidho lyiilyo yetu noofamili dhawo, kehe omumoni guuwanawa mongundu yetu okwa pumbwa okulonga.”Johan de Lange gwelelo lyondoolopa yaMariental okwa popi kutya kutya ehangano ndyoka okuume kawo miilonga, metungo lyomagumbo gondando yopevi mondoolopa yawo.Okwa tsikile kutya meyambidhidho lyongundu ndjoka, muni ina gandja owala evi ihe okwa gandjwa woo omayakulo gamwe ngaashi omeya nolusheno, nominino dhoku ekelahi iiyekelwahi. Omagumbo ngoka oga pula oshimaliwa shooN$32 000 mukehe limwe, pauyelele wa gandjwa kuFredericks a popi kutya moshitopolwa owala shaHardap, oongundu dhoShack Dwellers’ Federation dhi li po 30 odha totwapo, na odhi na iilyo yi li po 875, mbyoka kumwe ya gongele iimaliwa ya thika poN$253 000. Oongundu ndhoka odha tunga omagumbo ga thika po 292 moshitopolwa shaHardap, momahala ngaashi Maltahöhe (10), Schlip (4), Rehoboth (84), Aranos (12), Stampriet (27), Hoachanass (40), Gochas (58) oshowo moondoolopa dhilwe nomikunda omishona.Omagumbo omi 35 oga tungwa moMariental.Oompangela dhawo tadhi landula ko okutunga omagumbo ge li 12 moAranos oshow 11 moAmprebo. Derek Klazen, ngoka e li omupeha minista muuministeli weyambulepo lyoondoolopa niitopolwa, okwa tumbaleke ehangano ndyoka okupitila miilyo yawo sho tayi ningi oonkambadhala dhokuyambulapo oonkalamwenyo dhawo, mokwiitungila omagumbo. Okwa tsikile kutya epangelo olyo awike itali vulu okukandula po ompumbwe yomagumbo moshilongo na olyikwatelelwa kelongekumwe okuza miikondo ya yooloka opo ku kandulwe pooimukundu ngoka gwompumbwe yomagumbo mokati koshigwana. Onkene epangelo otali pumbwa eyambidhidho okuza moshikondo shopaumwene okupitila moongundu ngaashi ndjoka yoShack Dwellers Federation. Okwa popi kutya ehangano ndyoka olya pumbwa okuyambidhidha noonkondo adhihe omolwa oshilonga sha simana shoka tali longo. Okwa popi kutya monena epangelo olya yambidhidha ehangano ndyoka oshimaliwa sha thika poomiliyona 44.6 mokutunga omagumbo ga thika po 1863.Fredericks okwa longitha ompito yoshituthi shomOlyomaya, okupandula aayambidhidhi yawo, mboka ye ya pe omayambidhidho opo ya vule okutunga omagumbo gawo ngoka omape ngaashi ehangano lyoNamibia Housing Action Group (NHAG), First National Bank, Pupkewitz Foundation, Ohorongo Cement oshowo Neo Paints omolwa eyambidhidho lyawo oshowo epangelo, naanangeshefa yalwe moshitopolwa.JANA-MARI SMITH

Ondhopi yimwe poshikando

Comments

Namibian Sun 2025-11-05

Please login to leave a comment

Ondhopi yimwe poshikando

Comments

Namibian Sun 2025-11-05

Please login to leave a comment

Subscription Required to Access Content ×

Login

Subscription Required to Access Content