Ondholongo yaLuno yuudha noonkondo
Oshikondo shoNamibian Correctional Service (NCS) momwedhi gwa piti osha lundululile aanadholongo 150 okuza mOluno Correctional Facility moshitopolwa shaShana komandiki galwe goodholongo miitopolwa iyali yaKavango.
Shoka osha ningwa sho kwa hololwa kutya endiki ndyoka odhuudha noonkondo na osha ningila oshidhigu aanambelewa aakaleli yoodholongo ya kondolole nawa endiki.
Omupopiliko gwoNCS, Laimi Hainghumbi, okwa popi kutya endiki ndyoka olya nuninwa owala okukala naanadholongo ye li 557, ihe oli na aanadholongo ye li po 708.
“Endiki lyondholongo mOluno olya lundulilile aanadholongo komandiki galwe opo ku kalekwe pevi onkalo yendumbalo lyaanadholongo mendiki ndyoka. Aanadholongo ye lipe 100 oya falwa koEvaristus Shikongo Correctional Facility omanga ye li 25 ya falwa koElizabeth Nepemba Correctional Facility momasiku 22 Novemba,” Hainghumbi a popi.
“Aanadholongo 150 oya lundululwa monena sho momasiku 12 gaNovemba aanadholongo 25 ya lundululilwa natango koDivundu Correctional Facility opo woo ya ka longe mofaalama yoshikondo shoodholongo. MoDivundu Correctional Facility, epungu, iilya niihape otayi longwa mofaalama ndjoka na ohayi topolelwa omandiki goodholongo onkene okwa li ompumbwe yaaniilonga.”
NCS okwa lopotwa e na omandiki ge li po 13 moshilongo.
Ileni Nandjato
Shoka osha ningwa sho kwa hololwa kutya endiki ndyoka odhuudha noonkondo na osha ningila oshidhigu aanambelewa aakaleli yoodholongo ya kondolole nawa endiki.
Omupopiliko gwoNCS, Laimi Hainghumbi, okwa popi kutya endiki ndyoka olya nuninwa owala okukala naanadholongo ye li 557, ihe oli na aanadholongo ye li po 708.
“Endiki lyondholongo mOluno olya lundulilile aanadholongo komandiki galwe opo ku kalekwe pevi onkalo yendumbalo lyaanadholongo mendiki ndyoka. Aanadholongo ye lipe 100 oya falwa koEvaristus Shikongo Correctional Facility omanga ye li 25 ya falwa koElizabeth Nepemba Correctional Facility momasiku 22 Novemba,” Hainghumbi a popi.
“Aanadholongo 150 oya lundululwa monena sho momasiku 12 gaNovemba aanadholongo 25 ya lundululilwa natango koDivundu Correctional Facility opo woo ya ka longe mofaalama yoshikondo shoodholongo. MoDivundu Correctional Facility, epungu, iilya niihape otayi longwa mofaalama ndjoka na ohayi topolelwa omandiki goodholongo onkene okwa li ompumbwe yaaniilonga.”
NCS okwa lopotwa e na omandiki ge li po 13 moshilongo.
Ileni Nandjato
Comments
Namibian Sun
No comments have been left on this article