Ondhalate yEtosha ya pumbwa okulongwa kobiliyona 1.8
ELLANIE SMIT
Olopota ya gandjwa koParliamentary Standing Committee on Natural Resources, ndjoka ya ningile omakonaakono oshikunino shiinamwenyo shEtosha pokati komasiku 27 gaMei sigo lyotango lyaJuni, oya holola kutya ondhalate yoshikunino shoka oya pumbwa pumbwa okulongwa komwaalu gwoshimaliwa shoobiliyona 1.8.
Namibian Wildlife Resorts (NWR) oya ningi omutumba nokomitiye ndjoka mEtyali, momutumba moka omwa kundathanwa omaupyakadhi taga etithwa kondhalate ndjoka inayi manithwa okulongwa nenge ya yonagulwa.
Kwiikwatelewa kolopota yokomitiye ndjoka, oomiliyona 176 odhiikalekelwa okuza omvula yo 2012/13 opo ku vule okumanithwa odhalate ndjoka.
Olopota natango oya tsikile kutya aakwashigwana monooli yoshilongo otaya ende yuuka kEtosha, nonkalo ndjoka otayi etitha omalimbililo molwaashoka shoka otashi vulu okweeta iikolokosha pokati kaantu niiyamakuti.
Oya lopota natango kutya aakwashigwana mboka ye li popepi nEtosha ihaya sile oshipwiyu iimuna yawo naashoka otashi etitha woo uupyakadhi.
Olopota oya tsikile kutya nonando oshinano shookilometa 118 shondhalate ndjoka osha longwa, iitopolwa yimwe oya longululwa omolwa ompumbwe yesiloshisho lyodhalate ndjoka.
Ompumbwe yiimaliwa naaniilonga natango oya dhidhililwa, sho kwa pumbiwa aaniilonga ya thika po 30 opo ya vule okukala taya sile oshisho odhalate ndjoka yuule woshinano shookilometa 842.
Okomitye ndjoka natango oya holola kutya okwa ningwa omakonaakono kuuministeli, na odha dhidhilike iitopolwa yimwe po mbyoka ya pumbwa okulongwa meendelelo.
Iitopolwa mbyoka oyi li ine na oya hololwa kutya oshitopolwa shoA shuule wookilometa 200, tashi pula oshimaliwa shoomiliyona 519, oshitopolwa B shuule wookilometa 190 tashi pula oshimaliwa shomiliyona 480, oshitopolwa sha C shuule wookilometa 192 tashi pula oshimaliwa shoomiliyona 510 oshowo oshitopolwa sha D shuule wookilometa 130 tashi pula oshimaliwa shoomiliyona 344, kumwe iilonga mbyoka otayi ka pula oobiliyona 1.8.
Omukomeho gwehangano lyoNWR, Zelna Hengari, okwa popi kutya kashi shi oshinakugwanithwa shehangano lyawo opo li longe odhalate ndjoka, ihe oshi li oshinakugwanithwa shUuministeli wOmatalelepo nOmidhingoloko.
Okwa popi kutya uuministeli owu na oshinakugwanithwa shokukalekapo uundjugo woshigwana, oodhalate oshowo oondjila miikunino yiiyamakuti moshilongo.
Okwa tsikile kutya ehangano lyawo olya kutha ko oshinakugwanithwa shokusila oshisho uundjugo, lya tala konkalo yompumbwe yoshimaliwa ndjoka ya taalela epangelo.
“Omanga oshilongo inashi manguluka, okwa li ku na odhalate yolusheno. Odhalate ndjoka oya li hayi silwa oshisho ethimbo kehe. Otayu pula uuministeli wu tuleko odhalate yolusheno. Kashi na kutya otaya mono iimaliwa mbyoka ngiini, ihe oyo ye na oshinakugwanithwa shokutula ko odhalate ndjoka nokukwashilipaleka kutya oomwenyo dhaakwashigwana inadhi tulwa moshiponga.”
Olopota ya gandjwa koParliamentary Standing Committee on Natural Resources, ndjoka ya ningile omakonaakono oshikunino shiinamwenyo shEtosha pokati komasiku 27 gaMei sigo lyotango lyaJuni, oya holola kutya ondhalate yoshikunino shoka oya pumbwa pumbwa okulongwa komwaalu gwoshimaliwa shoobiliyona 1.8.
Namibian Wildlife Resorts (NWR) oya ningi omutumba nokomitiye ndjoka mEtyali, momutumba moka omwa kundathanwa omaupyakadhi taga etithwa kondhalate ndjoka inayi manithwa okulongwa nenge ya yonagulwa.
Kwiikwatelewa kolopota yokomitiye ndjoka, oomiliyona 176 odhiikalekelwa okuza omvula yo 2012/13 opo ku vule okumanithwa odhalate ndjoka.
Olopota natango oya tsikile kutya aakwashigwana monooli yoshilongo otaya ende yuuka kEtosha, nonkalo ndjoka otayi etitha omalimbililo molwaashoka shoka otashi vulu okweeta iikolokosha pokati kaantu niiyamakuti.
Oya lopota natango kutya aakwashigwana mboka ye li popepi nEtosha ihaya sile oshipwiyu iimuna yawo naashoka otashi etitha woo uupyakadhi.
Olopota oya tsikile kutya nonando oshinano shookilometa 118 shondhalate ndjoka osha longwa, iitopolwa yimwe oya longululwa omolwa ompumbwe yesiloshisho lyodhalate ndjoka.
Ompumbwe yiimaliwa naaniilonga natango oya dhidhililwa, sho kwa pumbiwa aaniilonga ya thika po 30 opo ya vule okukala taya sile oshisho odhalate ndjoka yuule woshinano shookilometa 842.
Okomitye ndjoka natango oya holola kutya okwa ningwa omakonaakono kuuministeli, na odha dhidhilike iitopolwa yimwe po mbyoka ya pumbwa okulongwa meendelelo.
Iitopolwa mbyoka oyi li ine na oya hololwa kutya oshitopolwa shoA shuule wookilometa 200, tashi pula oshimaliwa shoomiliyona 519, oshitopolwa B shuule wookilometa 190 tashi pula oshimaliwa shomiliyona 480, oshitopolwa sha C shuule wookilometa 192 tashi pula oshimaliwa shoomiliyona 510 oshowo oshitopolwa sha D shuule wookilometa 130 tashi pula oshimaliwa shoomiliyona 344, kumwe iilonga mbyoka otayi ka pula oobiliyona 1.8.
Omukomeho gwehangano lyoNWR, Zelna Hengari, okwa popi kutya kashi shi oshinakugwanithwa shehangano lyawo opo li longe odhalate ndjoka, ihe oshi li oshinakugwanithwa shUuministeli wOmatalelepo nOmidhingoloko.
Okwa popi kutya uuministeli owu na oshinakugwanithwa shokukalekapo uundjugo woshigwana, oodhalate oshowo oondjila miikunino yiiyamakuti moshilongo.
Okwa tsikile kutya ehangano lyawo olya kutha ko oshinakugwanithwa shokusila oshisho uundjugo, lya tala konkalo yompumbwe yoshimaliwa ndjoka ya taalela epangelo.
“Omanga oshilongo inashi manguluka, okwa li ku na odhalate yolusheno. Odhalate ndjoka oya li hayi silwa oshisho ethimbo kehe. Otayu pula uuministeli wu tuleko odhalate yolusheno. Kashi na kutya otaya mono iimaliwa mbyoka ngiini, ihe oyo ye na oshinakugwanithwa shokutula ko odhalate ndjoka nokukwashilipaleka kutya oomwenyo dhaakwashigwana inadhi tulwa moshiponga.”
Comments
Namibian Sun
No comments have been left on this article