Ondangwa otayi gandja ooplota kondando yopevi kaakalimo yomOnguta
Aakalimo yomolukanda olukulu mondoolopa yaNdangwa, oya taambako oshiyetwapo shelelo lyondoolopa ndjoka, okuyambulapo olukanda lwawo ihe inaya pandula ethimbo ndyoka ya pewa opo ya kale ya landa ko ooplota dhawo okuza kelelo lyondoolopa.
Elelo lyondoolopa ndjoka olya gandja oomwedhi omu 12 kaakalimo opo ya kale ya landa ko ooplota dhawo kondando ya tulwa pevi yooN$40 mosquare meter kooplota dhomagumbo oshowo kondando yooN$60 mosquare meter kooplota dhongeshefa.Momutumba gwakwaashigwana ngoka ga ningwa kelelo lyondoolopa mEtiyali naakalimo yomOnguta, Omunambelewa Omukuluntu gwondoolopa ndjoka, Ismael Namgongo, okwa tseyithile aakalimo kutya elelo olya manitha etendo lyolukanda ndyoka naakalimo oya manguluka okuya koombelewa opo ya ka lande ko ooplota dhawo. “Onguta oya kala olukanda uule wethimbo ele. Otwa manitha omathaneko noompangela na ethimbo olya thikama tu tameke nokuyambulapo olukanda ndoka nokuli tula pomuthika gwomahala omakwawo mondoolopa. Omwa manguluka ngashiingeyi okuya koombelewa dhelelo nokulanda ko ooplota dheni opo mu mone uunzapo wuumwene wevi. Omwa pumbwa woo okugandja oompangela dhomatungo geni opo mu tameke okutunga,” Namgongo a tseyithile aakalimo. “Omatompelo okukutha po oombashu. Otwa mana nale nomathaneko gevi tashi ti ngashiingeyi otamu vulu okumona omayakulo gamuni.” Moshigongi sha faathana shoka sha ningilwe momvula yo 2017, elelo lyondoolopa yaNdangwa olya tseyitha kutya olya wapaleka ooplota dhi li po 367, moka 154 dha tulwa nale pamuthika moshitopolwa shotango shelundululo lyolukanda ndyoka, sha tameke momwedhi Aguste mo 2016.
Elelo olya popi kutya olya tunga omunino gwiiyekelwahi molukanda ndoka, kongushu yoshimaliwa shoomiliyona 4. Omunambelewa omukomeho guutekinika mondoolopa ndjoka, Petrus Shipanga, okwa lombwele aakalimo kutya shito ohaya futitha oshimaliwa shooN$80 mosquare meter koplota yegumbo oshowo oshimaliwa shooN$270 mosquare meter koplota yongeshefa. Ohaya gandja woo uule woomwedhi hamano opo mwene gwoplota a kale a landako oplota ye okuza kelelo lyondoolopa.
Shipanga naye okwa popi kutya elelo lyondoolopa ndjoka olya tokola okulanditha ooplota molukanda ndoka kaakalimo kondando yi li pevi, na okwa pula ya talele po oombelewa dhamuni opo ya vule okulanda ko ooplota dhawo. Okwa popi kutya mboka itaya vulu okulanda ooplota ndhoka naye dhi gandje po kumuni yo ya vule okukongelwa omahala gamwe kondando yi li pevi, pamwe naamboka taya tulululwa okuza molukanda ndoka, molwaashoka oya gumwa komayambulepo.
Nonando ongaaka aakalimo yomOnguta oya popi kutya oyendji yomuyo aantu mboka haya mono iiyemo yi li pevi onkene uule womvula yimwe ndjoka ya pewa onshona noonkondo na otaya pula opo ethimbo li gwedhelwe.
Aakalimo oya popi kutya oya hala shili okulanda ooplota dhawo ihe uupyakadhi woshimaliwa owo tawu ya shunitha monima, taya popi kutya onkalo ndjoka otayi ka thiminika aantu yamwe ya landithepo ooplota dhawo kaakengeli omolwa uuthigona. Namgongo okwa yamukula kutya ota fala ekemo ndyoka kelelo lyondoolopa opo li vule okuninga etokolo.
Shipanga okwa popi kutya mboka taya ka shunitha ooplota kumuni oyo owala taya ka tulululwa ihe mboka taye ke dhi landitha po otaya ka tulwa momusholondondo gwaategeleli.
ILENI NANDJATO
Elelo olya popi kutya olya tunga omunino gwiiyekelwahi molukanda ndoka, kongushu yoshimaliwa shoomiliyona 4. Omunambelewa omukomeho guutekinika mondoolopa ndjoka, Petrus Shipanga, okwa lombwele aakalimo kutya shito ohaya futitha oshimaliwa shooN$80 mosquare meter koplota yegumbo oshowo oshimaliwa shooN$270 mosquare meter koplota yongeshefa. Ohaya gandja woo uule woomwedhi hamano opo mwene gwoplota a kale a landako oplota ye okuza kelelo lyondoolopa.
Shipanga naye okwa popi kutya elelo lyondoolopa ndjoka olya tokola okulanditha ooplota molukanda ndoka kaakalimo kondando yi li pevi, na okwa pula ya talele po oombelewa dhamuni opo ya vule okulanda ko ooplota dhawo. Okwa popi kutya mboka itaya vulu okulanda ooplota ndhoka naye dhi gandje po kumuni yo ya vule okukongelwa omahala gamwe kondando yi li pevi, pamwe naamboka taya tulululwa okuza molukanda ndoka, molwaashoka oya gumwa komayambulepo.
Nonando ongaaka aakalimo yomOnguta oya popi kutya oyendji yomuyo aantu mboka haya mono iiyemo yi li pevi onkene uule womvula yimwe ndjoka ya pewa onshona noonkondo na otaya pula opo ethimbo li gwedhelwe.
Aakalimo oya popi kutya oya hala shili okulanda ooplota dhawo ihe uupyakadhi woshimaliwa owo tawu ya shunitha monima, taya popi kutya onkalo ndjoka otayi ka thiminika aantu yamwe ya landithepo ooplota dhawo kaakengeli omolwa uuthigona. Namgongo okwa yamukula kutya ota fala ekemo ndyoka kelelo lyondoolopa opo li vule okuninga etokolo.
Shipanga okwa popi kutya mboka taya ka shunitha ooplota kumuni oyo owala taya ka tulululwa ihe mboka taye ke dhi landitha po otaya ka tulwa momusholondondo gwaategeleli.
ILENI NANDJATO
Comments
Namibian Sun
No comments have been left on this article