Ondangwa-AMTA geen wit olifant

Catherine Sasman – Die N$107 miljoen afsetpunt vir varsprodukte van die Agro Bemarking- en Handelsagentskap (AMTA) op Ondangwa soek beleggingsgeleenthede deur middel van die uitgebreide gebruik van die perseel waar dit handel dryf. Dit sal die tweede fase van die projek uitmaak waar produsente genooi sal word om gebottelde en geblikte vleisprodukte te verwerk by die inmaakfasiliteite wat op die perseel opgerig sal word.Beleggings vir stoorgeriewe wat later aangebring sal word, word ook gesoek. Pres. Hifikepunye Pohamba het in Maart verlede jaar ’n AMTA-aanleg op Ondangwa en later op Rundu geopen. Die sentrums het eers in September begin sake doen. ’n Soortgelyke aanleg word vir Windhoek beplan. Die doel van die AMTA-sentrums is om boere in die land te help om hul vrugte en groente te bemark. AMTA koop die produkte by die boere en verkoop dit om die beurt aan groot- en kleinhandelaars soos kettingwinkels. Vars produkte word ook aan die publiek verkoop. AMTA voorsien ook vervoer teen geen ekstra koste aan boere om hul produkte by die afsetpunte te kry. Dié koste word by die totale verkooppryse ingereken. “AMTA probeer om produksie vir die plaaslike mark aan te moedig,” het me. Diana Alweendo by die Ondangwa-afsetpunt gesê. Boere voorsien die aanleg al van pampoene, aartappels en soetpatats, uie, wortels, spruitkool, blaarslaai en mielies. Die aanleg hanteer nie suiwelprodukte nie.

Ondangwa-AMTA geen wit olifant

Comments

Namibian Sun 2025-07-16

Please login to leave a comment

Ondangwa-AMTA geen wit olifant

Comments

Namibian Sun 2025-07-16

Please login to leave a comment

Login