Ondaadhi nadhi yelithe mopaliamende- Venaani
Esindano mompangu lyoThe Patriot, kombinga yolutu lyoondadhi moshilongo, olya gandja ompito kaakwashigwana oshowo kiikundaneki yi holole polweela uulingiingi mboka wa kala tawu longwa meholamo medhina lyegameno lyoshilongo.
Shoka osha popiwa komupresidende gwongundu yoPopular Democratic Movement (PDM) McHenry Venaani, ngoka a ningi omutumba niikundaneki mEtiyali.
Namibia Central Intelligence Service (NCIS) oya li ya ningi eindilo lyomeendelelo kompangu muApilili tayi pula opo oshifokudaneki shomoshilongo kashi pitithe oonkundana kombinga yuulingilingi mboka tawu longwa mehanagno ndyoka, kombinga yomaliko ngoka taga landelwa olutu ndyoka kepangelo.
Omupanguli, Harald Geier okwa ekelehi eindilo ndyoka lya ningwa koNCIS pamwe niifuta, ta popi kutya kape na omatompelo kutya omolwashike olutu ndoka onga oshiputudhilo shepangelo italu vulu okupewa ombedhi nokutalika kutya otalu longitha ngiini iimaliwa yoshigwana.
Pahapu dhaVenaani, ndjoka ompito tayi ya hwahwameke opo ya fale kompangu ehangano lyoAugust 26 nongundu yoPDM otayi ka pula omikanda dhelongitho lyiimaliwa lyoshiputudhilo shoNCIS, dhuule woomvula ndatu.
Okwa pula kombinga yiilonga yokomitiye yoparliamentary standing committees ndjoka tayi kwatelwa komeho kongundu yoSwapo, ndjoka pahapu dhe kayi na uunongo wokunongonona iikumungu.
“Otatu ka ninga omapulo momutumba gwopashigwana. Okomitiye yetu nayi ithane aahona yoNCIS muule womasiku gaheyali opo ya yelithe. Na ya yelithe kutya omagumbo gaayenda ngoka taya landa ogashike? Omolwashike taya landa oofaalama dhoomiliyona 57? Oofaalama odhi li peni? Okomitiye ndjoka nayi ye muule opo yi ninge omakonaakono gomapopyo ngoka,” Venaani ta ti.
Pashinyolwa shoka sha ningwa koThe Patriot, NCIS okwa longitha iimaliwa yoshigwana mokulandela oondaadhi nale iinima yopaumwene.
Venaani okwa pula woo omupresidende Hage Geingob okwa iidhope moshikumungu shoka opo NCIS a kaleke oompangela dhe, dhokupataneka etokolo ndyoka lya ningwa kompangu.
Pahapu dhe, epangelo otali hepeke iimaliwa yoshigwana ta gwedha po kutya oshipotha shoka otashi ka etitha eningo nayi lyaatoolinkundana oshowo aanapolotika mboka taya kala taya popi kombinga yiikumungu moshiputudhilo shoka.
Venaani okwa popi kutya, Zimbambwe okuli oshiholelwa moka aatoolinkundana ya kana nokumonithwa iihuna omolwa okupititha oonkundana dhi li ngaaka. Okwa pula opo omuleli gwoshilongo a hupithe iimaliwa yoshigwana ye ta pula oshiputudhilo shoka shi kaleke oompangela dhokupataneka etokolo lyompangu.
JEMIMA BEUKES
Shoka osha popiwa komupresidende gwongundu yoPopular Democratic Movement (PDM) McHenry Venaani, ngoka a ningi omutumba niikundaneki mEtiyali.
Namibia Central Intelligence Service (NCIS) oya li ya ningi eindilo lyomeendelelo kompangu muApilili tayi pula opo oshifokudaneki shomoshilongo kashi pitithe oonkundana kombinga yuulingilingi mboka tawu longwa mehanagno ndyoka, kombinga yomaliko ngoka taga landelwa olutu ndyoka kepangelo.
Omupanguli, Harald Geier okwa ekelehi eindilo ndyoka lya ningwa koNCIS pamwe niifuta, ta popi kutya kape na omatompelo kutya omolwashike olutu ndoka onga oshiputudhilo shepangelo italu vulu okupewa ombedhi nokutalika kutya otalu longitha ngiini iimaliwa yoshigwana.
Pahapu dhaVenaani, ndjoka ompito tayi ya hwahwameke opo ya fale kompangu ehangano lyoAugust 26 nongundu yoPDM otayi ka pula omikanda dhelongitho lyiimaliwa lyoshiputudhilo shoNCIS, dhuule woomvula ndatu.
Okwa pula kombinga yiilonga yokomitiye yoparliamentary standing committees ndjoka tayi kwatelwa komeho kongundu yoSwapo, ndjoka pahapu dhe kayi na uunongo wokunongonona iikumungu.
“Otatu ka ninga omapulo momutumba gwopashigwana. Okomitiye yetu nayi ithane aahona yoNCIS muule womasiku gaheyali opo ya yelithe. Na ya yelithe kutya omagumbo gaayenda ngoka taya landa ogashike? Omolwashike taya landa oofaalama dhoomiliyona 57? Oofaalama odhi li peni? Okomitiye ndjoka nayi ye muule opo yi ninge omakonaakono gomapopyo ngoka,” Venaani ta ti.
Pashinyolwa shoka sha ningwa koThe Patriot, NCIS okwa longitha iimaliwa yoshigwana mokulandela oondaadhi nale iinima yopaumwene.
Venaani okwa pula woo omupresidende Hage Geingob okwa iidhope moshikumungu shoka opo NCIS a kaleke oompangela dhe, dhokupataneka etokolo ndyoka lya ningwa kompangu.
Pahapu dhe, epangelo otali hepeke iimaliwa yoshigwana ta gwedha po kutya oshipotha shoka otashi ka etitha eningo nayi lyaatoolinkundana oshowo aanapolotika mboka taya kala taya popi kombinga yiikumungu moshiputudhilo shoka.
Venaani okwa popi kutya, Zimbambwe okuli oshiholelwa moka aatoolinkundana ya kana nokumonithwa iihuna omolwa okupititha oonkundana dhi li ngaaka. Okwa pula opo omuleli gwoshilongo a hupithe iimaliwa yoshigwana ye ta pula oshiputudhilo shoka shi kaleke oompangela dhokupataneka etokolo lyompangu.
JEMIMA BEUKES
Comments
Namibian Sun
No comments have been left on this article