'Onda hala omasipa gokanona kandje'

Aakwashigwana momudhingoloko gwaNdonga oya thigwa mehaluko enene sho kwa fumbululwa mo iipongolo yokanona hoka ka fumbikwa oomvula 18 dha piti, konima sho he yokanona hoka popi kutya okwa dhanwa uulingilingi nokanona ke okeli natango momwenyoOpolisi oya popi kutya oshizemo shomakonaakono goDNA shoka tashi ka holola kutya okanona hoka okalye inashi za mo natango.Monena ombila ndjoka oya ekama natango, onkalo ndjoka ya etitha uumbanda mofamili oshowo moshigwana shaNdonga omolwa eitalo lyopmuthigululwakalo.Omupopiliko gwofamili ndjoka, Fillip Nghidengwa, okwa lombwele oshifokundaneki shoNamibian Sun kutya muFebruali gwomvula yo 2000 megumbo lye mOvenduka, okamonagona, Cornelia Weyulu okwa gandja okanona ke koomvula ndatu, Johannes Tuhafeni, kuyinagona, Ndahambelela Namatwi, opo a sile okanona hoka oshisho, molwaashoka kali e na iilonga na osha li oshidhigu okusila oshisho okanona.Namatwi okwa fala okanona hoka komukunda gwawo, Eyambeko mOnkumbula moshitopolwa shaShikoto. MuJuni gwomvula ndjoka okanona hoka okwa ehama na oka hulitha.Omolwa uule wondjila okuza komudhingoloko ngoka, okanona hoka oka fumbikwa esiku lya landula, inaka ningilwa onzapo yeso.“Okanona okagombokelwa mOsoondaha na okwa ningwa oompangela opo ka falwe kokaklinika ka Onamishu nenge Onkumbula, nuuklinika mboka owu li kokule oshinano shookilometa 15 no 20. Uuklinika mboka ihawu longo mehuliloshiwike nenge konima yoowili dhiilonga. Kongulohi okanona oka hulitha,” Nghidengwa a yelitha.“Moomvula ndhoka osha li oshidhigu okumona oshiyenditho momudhingoloko ngoka nomuntu ku na okuya kOmuthiya opo a ka konge omayakulo nenge a dhenge ongodhi. Ongulohi ndjoka otwa tseyithile mwene gwomukunda ngoka e tu pe omayele opo tu fumbike okanona hoka esiku lya landula. Okanona inaka ningilwa onzapo yeso.”Okwa tsikile kutya esiku lya landula okwa tumwa aantu yaali opo ya ye kOmuthiya yo yaka dhenge oongodhi ya tseyithile mboka ye li kOvenduka, kombinga yonkundana ndjoka ombwiinayi.Aantu mboka oya tumwa ongula ihe oya thiki mOmuthiya lwopotundi onti 15:00“Aantu oya zi kOvenduka ye ya koosa dhokanona mwakwatelwa yina yokanona oshowo yinakulu yokanona (yina ya he yokanona). He ina ya koosa nonando omo a li mOvenduka ethimbo ndyoka.”MuApilili nuumvo, he yokanona hoka Johannes Hamukoto, okwa tameke ta popi kutya okwa dhanwa uulingilingi nokanona ke inaka sa shili.Okwa yi kopolisi yaMuthiya opo iipongolo yokanona hoka yi ka fululwe mo, ko ku ningwe omakonaakono goDNA.Iipongolo oya fulululwa momasiku 18 gaApilili.“Oomwedhi heyali ngashiingeyi dha piti konima nkene iipongolo mbyoka ya fulwa mo nombila oya ekama owala. Ngashiingeyi otatu ningilwa omapulo kehe ethimbo okuza kelelo lyopamuthigululwakalo kutya otatu ningi ngiini omolwa ombila ndjoka ya ekama, shoka taya popi kutya oshi li oshidhila.”Hamukoto okwa tindi okupopya sha, nakomanda gwopolisi yaShikoto, Armas Shivute, okwa lombwele oNamibian Sun kutya onkalo ndjoka oya piyagana na ina popya sha oshindji sha gwedhwa po.“Naku ninga eindilo [Hamukoto] ina mona natango oshizemo shomakonaakono goDNA,” Shivute a popi.Omukunda Eyambeko otagu adhika moshikandjo shaAmuteya melelo lyaNdonga, nopahapu dhakansela nale gwelelo ndyoka ngoka a li a kuthwa miilonga, Vilho Kamanya okwa popi kutya Nghindengwa okwa yi mekwatathano naye, ta popi kombinga yonkalo yethiminiko ndjoka ta ningilwa kaaleli yelelo lyaNdonga.“Onde mu pe omayele opo a ninge ekwatathano nopolisi ye, a pule kutya omakonaakono oge li sigo openi. Pamudhigululwakalo oshi li oshidhila uuna ombila ya ekama, na otashi kwatatkanithwa nomaso ogendji moshigwana,” Kamanya a popi.Nghidengwa ngashiingeyi ota kongo ekwatho okuza kelelo lyUukwanyama, opo li mu kwathelee mokukonga ofamili yaHamukoto kombinga yombila ndjoka ya ekama.ILENI NANDJATO

'Onda hala omasipa gokanona kandje'

Comments

Namibian Sun 2025-09-16

Please login to leave a comment

'Onda hala omasipa gokanona kandje'

Comments

Namibian Sun 2025-09-16

Please login to leave a comment

Login