Omwaalu gwaatamanekwa moFishrot tagu londo pombanda

Oonkambadhala okufuta ombumbo omunambelewa omukonaakoni gwoACC, odha tulitha miipandeko omulumentu gwoomvula dhopokati.

24 January 2020 | Local News

Omanga aatamanekwa yotango moshipotha shelyenge lyefuto lyoombumbo mepingakanitho lyookota dhokukwata oohi ya tegelelwa esiku li thikane ya pataneke etulo lyawo miipandeko mOmpangu yoPombandeelela moshilongo, omulumentu ngoka a kambadhala okufuta ombumbo omunambelewa gwoAnti-Corruption Commission (ACC) okwe ya wayimine mongali.

Jason Iiyambo ota tamanekwa kutya okwa kambadhala okufuta omunambelewa gwoACC oshimaliwa sha thika pooN$250 000 opo omunambelewa ngoka a gandje uukatala wombaanga womukomeho nale gwoInvestec, James Hatuikulipi oshowo waPius Mwatelulo. Ayehe Hatuikulipi naMwatelulo oyeli oshitopolwa shaalumentu yahamano mboka ya tulwa miipandeko omolwa oshipotha shoFishrot. Iiyambo ota tamanekelwa oshipotha shonkambadhala yokuya moshipala iilonga yuuyuki. Mangestrata Linus Samunzala okwa tindile Iiyambo omboloha pethimbo a holoka momeho yompangu yamangestrata gwaVenduka, mEtitatu. Omufali gwiihokolola kompangu, Tatelo Lusepani okwa tindi egandjo lyomboloha netompelo kutya itashi kala muuwanawa wuuyuki opo Iiyambo a mangululwe molwaashoka otashi vulika a ka kambadhale natango okuya moshipala omakonaakono moshipotha shoka.

Oshipotha she osha undulilwa komasiku 20 gaFebruali, hoka aatamanekwa yahamano nayo taya ka holoka mompangu, ihe ye otaka holoka mompangu oye awike.

Hahende gwe, Mervin Katuvesirauina, okwa holola kutya otaya ka ninga eindilo lyomboloha. Omukomeho gwoAnti-Corruption Commission (ACC) Paulus Noa okwa lombwele oNamibia Sun mEtiyali, kutya omunambelewa omukonaakoni gwokakomisi okwa li a lombwelwa ta pewa oshimaliwa okuza komayalulo gombaanga ga gumwe gwomaafelelwa mboka ye li mondjeedhililo omolwa oshipotha shelyenge lyefuto lyoombumbo moshikondo shoohi, mepingakanitho nuukalata wombaanga.

“Otwa tula miipandeko omuntu gumwe onguloshi yOmaandaha sho a kambadhala okugandja ombumbo komunambelewa omukonaakoni, opo omunambeelwa ngoka a kuthemo uukalata woombaanga wa gumwe gwomaafekelewa moombelelwa dhetu,” Noa a popi. Uukatala wombaanga waafelelwa mboka owa kwatwako onga oshitopolwa shomakonaakono ngoka taga ningwa moshipotha shoka.

Oominista nale Sacky Shanghala oshowo Bernardt Esau, Hatuikulipi, menindjela nale mehangano lyoInvestec, Ricardo Gustavo, oshitenya shaEsau, Tamson Hatuikulipi oshowo omuniilonga gwehangano Hanganeni, Pius Mwatelulo oyeli oshitopolwa shaamboka taku popiwa ya pewa oshimaliwa shoombumbo sha thika poomiliyona 150 kehangano lyoSamherji, mepingakanitho lyookota dhokukwata oohi shepangelo.

Oshifokundaneki shoNamibian Sun osha lopota oshiwike sha piti kutya, Nigel van Wyk, ngoka a taalela iipotha iyali ye yo moshipala iilonga yuuyuki moonkambadhala dhokuholeka uumbangi okuza megumbo lyaShanghala, okwa ndopa okuya komeho neindilo lye lyomboloha. Van Wyk okwiinekelwa kutya omuniilonga gwehangano Olea Investments, ehangano lyaShanghala. Olea otaku popiwa a yakula oshimaliwa shooUS$330 000 moombumbo okuza kuSamherji.

Aatamanekwa yotango yahamano moshipotha shoFishrot oyeli yeedhililwa moWindhoek Central Correctional Facility sigo osho taya holoka mompangu momasiku 20 gaFebruali, ihe sho oshipotha shawo sheekelwahi mOmpangu yoPombanda moka taya pula opo etulo lyawo miipandeko li kuthwe oonkondo, mboka natango oya ningi eindilo mompangu yoPombandeelela opo oshipotha shoka taya tamanekelwa shi ekelwehi.

Omvula ya piti, ehangano lyoLaw Society of Namibia olya koleke kutya otali ningile omakonaakono omayalulo gombaanga gehangano lyahahende Sisa Namandje, sha landula ehololo lya ningwa monkundana tayi ithanwa 'Fishrot' documentary, ndjoka ya pitithwa koshikundaneki shoAl Jazeera 'Fishrot'. Omayalulo gombaanga yehangano lyaNamandje otaku fofodholwa kwa pitile oshimaliwa sha thika oomiliyona 17.5 okuza kehangano lyepangelo lyoFishcor.

Natango otaku ningilwa omakonaakoo hahende gwomondoolopa yaMbaye, Sacky Kadhila Amoomo, ngoka taku popiwa aniwa kutya okwa dhana onkandangala onga omupitithi pokati kaanangeshefa aazaizai naEsau. Shoka osha landula oondokumende omayovi dhoka dha ulike kutya Samherji okwa gandja oombumbo dha thika poomiliyona 150 mepingakanitho lyookota dhokukwata oohi. Omanga ya tseyitha eikutho lyawo miilonga moNamibia, Omukomeho gwehangano ndyoka lyoSamherji, Björgólfur Jóhannsson okwa ndopa okugandja kutya otaya thigipo Namibia uunake.

Ngoka ta londo pehala lyominista yoohi, Albert Kawana okwa tseyitha muDecemba kutya aaniilonga mboka ya kanitha iilonga yawo sha landula sho omwaalu gwookota dhokukwata oohi dhehangano lyoNamsov gwa shunithwa pevi pethimbo lyelelo lyaEsau, otaya shunwa miilonga. Kawana okwa popi kutya okwa pewa elombwelo kOkabinete opo a kwashilipaleke kutya ayehe mboka ya kanitha iilonga yawo oya mona iilonga. “Aaniilonga ayehe mboka naya shune miilonga, naandika elombwelo lya gandjwa kOmupresidende Hage Geingob. Oya mona iihuna ethimbo ele pamwe noofamili dhawo nethimbo olya thikana opo ya vule ishewe okutula omboloto poshitaafula.” Kawana okwa popi kutya naaniilonga mboka ya kanitha iilonga yawo onga oshizemo shekanka lyaali paveta ndyoka ya ningi otaya ka pewa iilonga molwaashoka kehe gumwe omuntu na ita vulu okugeelwa onkalamwenyo ye ayihe omolwa omapuko e ga ningi.

“Kape na omuntu moNamibia a pumbwa okukala a sa ondjala nenge e li moluhepo noonzo dhoshilongo shika odha pumbwa okugandja uuwanawa kAaNamibia ayehe.”

Kawana okwa popi kutya nonando oshipotha shoFishrot osha geyitha oyendji, kehe gumwe na ethe ompango yi holole oshizemo sha hugunina.

Osha lopotwa kutya ekanitho lyiilonga moshikondo shoohi muule woomvula dha piti, olya etithwa kuEsau ngoka a lundululile egandjo lyookota dhokukwata oohi kwaamboka taya kwatakanithwa noshipotha shoFishrot. Kawana okwa popi kutya oshipotha shoka osha geyitha oyendji ihe aantu naya ethe ompango yi ninge etokolo. Otaku popiwa kutya ekanitho lyiilonga moshikondo shoohi osha etithwa kuEsau pamwe nayakwao mboka ya ningi omalunduluko nokugandja ookota dhokukwata oohi kehangano ndyoka lye ya futu oombumbo. Kawana okwa pewa oshinakugwanithwa kOmupresidende Hage Geingob omwedhi gwa piti okutalulula oshikondo shoonzo dhomomeya mokukutha po elongitho nayi lyoonzo, uulingilingi nuukombunda. Okwa pulwa woo a talulule iilonga yuuministeli woohi oshowo ehangano lyoFishcor yuule woomvula omulongo dha piti.

Similar News

 

Yahamano ya adhika niipa yongaka

2 days ago - 21 February 2020 | Local News

ELLANIE SMIT Aantu yathika pomugoyi oya tulwa miipandeko oshiwike sha piti, omolwa omiyonena dhiiyamakuti.Pamiyalu dha gandjwa koshikondo shomakonaakono gomonanguwi mOpolisi yaNamibia, iipa yopangolin yi...

Taya longelwa mootenda koSinzogoro

2 days ago - 21 February 2020 | Local News

KENYA KAMBOWE Onkalo ndjoka oya etithwa komulilo ngoka gwa hanagulapo oongulu ntano poskola ndjoka muDesemba gwomvula ya piti.Shoka osha etitha aanaskola naalongi ya kale moshiponga...

Air Namibia leaves passengers’ luggage behind

3 days ago - 20 February 2020 | Local News

Staff ReporterAir Namibia says passengers whose luggage was removed from their flight this morning from Windhoek to Ondangwa because the plane was carrying four tons...

Ritma 'not anti-government'

3 days ago - 20 February 2020 | Local News

Rehoboth's Independent Town Management Association (Ritma) said it is against non-performance government culture and maladministration, not the government of the day, and aims to connect...

Rice hoax causes consternation

3 days ago - 20 February 2020 | Local News

A social media hoax about imported rice purportedly infected with a rare virus has prompted the ministry of finance to initiate an investigation at all...

Govt regulation gains traction

4 days ago - 19 February 2020 | Local News

The majority of Namibians believe that government should be able to limit or prohibit the sharing of false news (64%), information or opinions that it...

'Onda li owala tandi shendjula'

4 days ago - 19 February 2020 | Local News

Omanga oyendji yali taya tyapula esiku lyohole mEtitano lyoshiwike sha piti, Foibe George okwa holola okuuva nayi kwe kepandja lyomakwatahano gopainternet, konima sho a kanitha...

Omulumentu a si omeya momulonga gwEkuma

4 days ago - 19 February 2020 | Local News

Inapu pita ethimbo ele sho elelo lyoshitopolwa shaShana lya gandja oondjatha 25 dhokuhupitha oomwenyo opo dhi vule okulongithwa kaantu uuna taya taaguluka omulonga gwEkuma mOkatyali...

Fired Oshakati Pharmacy employee: 'I was just joking'

5 days ago - 18 February 2020 | Local News

While many were sharing Valentine's Day moments on Friday, Foibe George took to social media to express her disappointment after she lost her job over...

Ongwediva to improve social welfare

5 days ago - 18 February 2020 | Local News

The Ongwediva town council on Friday launched its Mayoral Fund, which is aimed at promoting social welfare by assisting vulnerable members of the local community.“Over...

Latest News

Driving the world through knowledge...

2 days ago - 21 February 2020 | People

Ester Kamati Through dedication to his studies, Albin Jacobs matriculated and went on to secure a Bachelor of Arts degree from the University of Namibia....

Growth is back, says Calle

2 days ago - 21 February 2020 | Economics

Augetto Graig Despite the legislative framework for public private partnerships (PPP) being in place, not a single such project is on the finance ministry books.“Why...

A rock-hard year for Namdeb

2 days ago - 21 February 2020 | Business

Jo-Maré Duddy – Namdeb Holdings’ profitability tumbled by nearly a third last year with the local mining giant reporting an underlying EBITDA of US$121 million...

Fiercely determined

2 days ago - 21 February 2020 | People

Mariselle StofbergThe most important lesson that life has taught Maria Haufiku is that it does not owe you anything. “You must constantly strive for greatness...

No reprieve for Fishrot 6

2 days ago - 21 February 2020 | Justice

The so-called Fishrot Six yesterday returned to the Windhoek Magistrate's Court, which ordered that they be remanded in custody until 23 April to allow for...

Learners in dire straits

2 days ago - 21 February 2020 | Education

At Sinzogoro Combined School in the Kavango West Region, 130 learners are taught in tents where they sit on the ground to take notes. ...

More people at Fishcor must...

2 days ago - 21 February 2020 | Opinion

While a lot of light has been shone on the so-called Fishrot Six since the fishing quota bribery scandal unfolded late last year, the same...

Making it happen

2 days ago - 21 February 2020 | People

· Mariselle StofbergWindsor Markus believes that you have the power within you to take charge of your life and...

Covid-19: SA at ‘high risk’...

2 days ago - 21 February 2020 | Economics

South Africa, Egypt and Algeria are at high risk of suffering from the deadly coronavirus, a study released Wednesday suggested.The Lancet medical journal reported that...

Load More