Omutumba gwehangeno lyaaleli yoondoolopa gwa undululwa komeho

TUYEIMO HAIDULA OSHAKATIEhangano tali ithanwa Association of Local Authorities in Namibia (ALAN) olya popi kutya omutumba gwehogololo lyaaleli yehangano ndyoka ngoka gwali guna okukalako oshiwike sha piti ogwa undililwa komeho omolwa oCovid-19 ihe hamolwa uutile kutya Job Amupanda otashi vulika a hogololwe nokuninga omupresiende gwehangano ndyoka.Opu na omapopyo kutya oongundu dhompilameno odhe shi enditha nawa momahogololo gopashigwana gomvula ya piti, na ope na oompangela dhokuhogololo Amupanda onga omupesidende, oshinima shoka itashi popilwa kongundu yoSwapo.Ehala lyomupresidende gwehangano ndyoka oli li omwaka sha landula sho Katrina Shimbulu ngoka ompito ye yuuleli mehangano ndyoka ya thiki pehulilo muMei gwonuumvo. Okwa li a hogololwa pethimbo lyomutumba gwomahogololo ngoka gwa ningilwa mOshakati momvula yo 2016.Ope na omapopyo kutya ekateko ndyoka otali ningilwa owina taku tegelelwa omahogololo gamayola gwoshilando gokomvula ngoka taga ningwa muNovemba, ku talike pamwe Amupanda ota kala ina hogolululwa.“Ovenduka oya pula opo ehangano lyoALAN li ninge omutumba ngoka pamalungula ihe ondi wete kutya Swapo okwa tila kutya Amupanda ota hogolowa a ninge omupresidende gwehangano ndyoka,” Onzo ya lombwele oshikundaneki shoNaibian Sun.Oomayola oyendji yoongundu dhompilameno oya holola kutya otaya ka hogolola Amupanda a ninge omukomeho gwehangano ndyoka.Omunambelewa omukomeho gwiilonga moALAN, Maureen Kambala okwa koleke eundulilo ndyoka komeho, ihe okwa ekelehi omapopyo kutya otali ningwa omolwa uutile wehogololo lyaAmupanda.Kambala okwa popi kutya Amupanda ita vulu okuninga omupresidende gwehangano ndyoka molwaashoka opo omuntu a hogololwe a ninge omupresidende nenge omupeha okwa pupmbwa okukala a longa onga oshilyo shelelo lyehangano ndyoka.Aamupanda okwa tindi okutya sha koshikumungu shoka ta popi kutya ALAN oku na uupyakadhi wekotampango, mboka wa pumbwa okukandulwapo.Omutumba ngoka ogwali gu na okuningwa momasiku gahamano sigo gahetatu gaJuli.Kambala okwa popi kutya shoka osha ningwa omolwa oondjindikila dhomwaalu gwaantu mboka taya vulu okugongala pamwe omolwa oCovid-19, ta gwehapo kutya omutumba ngoka ohagu kuthwa ombinga kaantu ya za momalelo goondoolopa dhili 57 moshilongo, okupitila moNamibian Association of Local Authority Officials (NALAO), oshowo aanambelelwa yoALAN.Kambala okwa tsikile kutya omolwa onkalo oya pula oondoolopa opo dhi hogolole aakuthimbinga momutumba oshowo iitopolwa yi hogolole aakalelipo yopaitopolwa mwakwatelwa ookandindate dhuupresindende oshowo uupeha, nuuna ya yakula omadhina ngoka opo nduno taya ka tothwamo esiku.Okwa tsikile kutya otaya pangele okuninga omutumba ngoka pamalungula ihe okwa popi kutya ope na omalelo gamwe taga ka lala nuunyengwi wopautekinika, onkene otaya ka tseyitha komeho etokolo ndyoka taya ningi.tuyeimo@namibiansun.com

Omutumba gwehangeno lyaaleli yoondoolopa gwa undululwa komeho

Comments

Namibian Sun 2025-07-04

Please login to leave a comment

Omutumba gwehangeno lyaaleli yoondoolopa gwa undululwa komeho

Comments

Namibian Sun 2025-07-04

Please login to leave a comment

Login