Omusita Katenda a thigi po iilonga

Omusita Lukas Kaluwapa Katenda, gwOngeleka yaAngelikana okwa tula mo omukanda gwe gweikutho miilonga mesiku lyotango lyaJanuari nuumvo, ngoka gwa pewa Omumbosofi Luke Pato. Omunamimvo 39 Katenda okwa lombwele oNamibian Sun kutya okwa tokola okwiikutha miilonga onga omusita gwongeleka ndjoka omolwa omikalo omiwinayi iihumbatelwa no kuningilwa omambandameko kaakuluntu yontumba mongeleka yawo. Eikutho lye miilonga onga omusita olyi ikwatelela ke kotampango ndyoka tali lele ongeleka ndjoka mUumbugantu waAfrika moka Namibia naye e li oshitopolwa. Katenda okwa popi kutya eikutho lye miilonga olya hwahamekwa kiifundja, okuningwa nayi oshowo omambandameko ngoka a ningilwa oshowo eshundulo lyuukwatya we shalandula sho pena yamwe yeli ompinge nomukalo gwe mo ku uvitha ohapu yombiimbeli. “Omukalo gwandje gwokuuvitha ogwa kala gwakwatathana no gwa koKatoolika oshowo Evaangeli, ihe ina shipandika nani no ya hala ndi longithe oonkuluhedhi dhongeleka ndjika ndhono dhanika unene uumpulile peha lyombiimbeli, nasho nda tindi oyuuvite kutya ondi ya pondje no kuyangula omuthigululwakalo gwaAngelikana,” Katenda ta ti. Omvula ya ziko, Katenda okwa li a kutha ombinga methigathano lyuumbisofi no kwali andopa no lwali ihe lya sindanwa po komvalele yaSouth Afrika Luke Pato. Pethimbo ndoka Katenda okwa li ta longo onga amushanga nomudhiginini gwiiniwe yongeleka. “Otandi pula ookume kandje opo ya kale ya ngungumana, kape na shimwe sha yooloka moshipotha shika. Otu na okudhimbuluka kutya Kalunga oha longitha oompito dha yooloka mokulongekidhila aantu iinakugwanithwa yi li komeho,” Katenda a lombwele ookuume ke 4 000 lwaampoka kofacebook Osoondaha. Esiku olyo tuundyoka, oongeleka dha yooloka odha tseyithilwa eikutho miilonga lyaKatenda kuPato ngoka a popi kutya ombapila ye yuusita mongeleka na yo oya kuthwa oonkondo na ina pitikwa okukutha ombinga miinyangadhalwa yongeleka pandondo yuusita. Nonando ongaaka Pato okwa yelitha kutya Katenda ota vulu okukala ta gongala momalongelo Kalunga no ku kuutumba piipundi yaasita ngele okwahala. Omumbosofi okwa popi kutya elelo lyongeleka ndjika olya taambako eikutho miilonga lyaKatenda nOmukuluntuwiliki gwoCape Town noMetropolitan of the Anglican Church of Southern Africa, Thabo Makgoba, okwa tseyithilwa. Pato okwa yelithile oNamibia Sun muule kutya onzapo (licence) yaKatenda yuusita oya kuthwa oonkondo molwaashoka okwa tokola okwiikutha miilonga ye mwene.“Okwiikutha miilonga na otwa kutha oonkondo omukanda gwe. Osha faathana owala niilonga iikwawo. Nakale kokule niilonga oshowo omayakulo yetu. Otwa taambako eikutho miilonga lye molwaashoka ina thiminikwa, kakele otuua nayi oshoka omusita nomuleli omuwanawa,” Pato ta ti. ILENI NANDJATO

Omusita Katenda a thigi po iilonga

Comments

Namibian Sun 2025-07-01

Please login to leave a comment

Omusita Katenda a thigi po iilonga

Comments

Namibian Sun 2025-07-01

Please login to leave a comment

Login