Omuprofeti a tindilwa omboloha
LEANDREA LOUW
OMBAYE
Kaetanus 'Dr Atomic Bomb' Shilimela (30) pamwe nomutamanekwa omukwawo, Lucas 'Shocks' Showa (30) oya tindilwa omboloha moshipotha shuufuthi niikengelela oshowo eholeko lyoonzo dhiimaliwa.
Mangestrata, John Sindano okwa popi kutya aalumentu mboka inaya uvithako ompangu kutya oye li taya vulu okupewa omboloha, ta popi kutya mboka otashi vulika ya kaye moshipala uumbangi moshipotha. Oshipotha osha undulilwa komasiku 29 gaKotomba opo ku vule okuningwa omakonaakono ga gwedhwapo, molwaashoka oonakunyenyeta inaya gandja natango oolopota dhawo.
Shilimela, omuprofeti gwongeleka yoEternal Glory Ministries, pamwe naatamanekwa aakwawo otaya tamanekwa kutya oya kengelele aakiintu yeli puyatano oshimaliwa shi vulithe N$800 000 pokati komwedhi Aguste naSepetemba momvula yo 2019.
Omutamanekwa omutitatu, Hinomtu Simeon Shilongo, okwa tulwa miipandeko nokugwedhwa kepeko ndyoka.
Pethimbo lyepulakeno lyeindilo lye lyomboloha, Shilimela okwa tindi omatamaneko ta ningilwa ta popi kutya kape na uumbangi, tawu popile omalundilo ngoka.
Okwa tindi woo kutya okwa ningile omatilitho omugandji gwuumbangi gwepangelo, ihe okwa zimine kutya okwa omalelo ga holole kutya olye a mu tulilemo oshipotha, mangestrata a popi.
Pahapu dhaSindano, uumbangi owa ulike kutya Shilimela okwa kala ta hupu mokukengelea iilyo yongeleka ye.
“Okwe ya lombwele kutya oku na omahooli, ofakitoliyoohi nooskepa moka tamu vulu okuza iiyemo iiwanawa, yiilyo yongeleka ye mboka tayi pungula moongeshefa dhe.”
Sindano okwa gwedha po kutya omukonaakoni gwoshipotha shoka oku na omawi gakwatwa ga thika po 17 gaatamanekwa mboka taya ningile omatilitho oonakuninga iihakanwa, ngele oya longele kumwe nopolisi.
“Momawi ngoka gakwatwa geli 15, omwa uvika omuprofeti ta lombwele oombangi shoka dha pumbwa okulombwela opolisi uuna ya ningwa naye ekwatathano.”
Shilimela okuuvika ta popi ta lombwele oombangi kutya nadhi popye kutya iimaliwa mbyoka ya gandjwa oyi li omukuli gwa gandjwa kongeleka ihe inayi nuninwa omapungulo.
Mangestrata okwa popi kutya Showa naye okwa uvika ta lombelwe oombangi opo lundulule oolopota dhoka tadhi ka pewa opolisi.
OMBAYE
Kaetanus 'Dr Atomic Bomb' Shilimela (30) pamwe nomutamanekwa omukwawo, Lucas 'Shocks' Showa (30) oya tindilwa omboloha moshipotha shuufuthi niikengelela oshowo eholeko lyoonzo dhiimaliwa.
Mangestrata, John Sindano okwa popi kutya aalumentu mboka inaya uvithako ompangu kutya oye li taya vulu okupewa omboloha, ta popi kutya mboka otashi vulika ya kaye moshipala uumbangi moshipotha. Oshipotha osha undulilwa komasiku 29 gaKotomba opo ku vule okuningwa omakonaakono ga gwedhwapo, molwaashoka oonakunyenyeta inaya gandja natango oolopota dhawo.
Shilimela, omuprofeti gwongeleka yoEternal Glory Ministries, pamwe naatamanekwa aakwawo otaya tamanekwa kutya oya kengelele aakiintu yeli puyatano oshimaliwa shi vulithe N$800 000 pokati komwedhi Aguste naSepetemba momvula yo 2019.
Omutamanekwa omutitatu, Hinomtu Simeon Shilongo, okwa tulwa miipandeko nokugwedhwa kepeko ndyoka.
Pethimbo lyepulakeno lyeindilo lye lyomboloha, Shilimela okwa tindi omatamaneko ta ningilwa ta popi kutya kape na uumbangi, tawu popile omalundilo ngoka.
Okwa tindi woo kutya okwa ningile omatilitho omugandji gwuumbangi gwepangelo, ihe okwa zimine kutya okwa omalelo ga holole kutya olye a mu tulilemo oshipotha, mangestrata a popi.
Pahapu dhaSindano, uumbangi owa ulike kutya Shilimela okwa kala ta hupu mokukengelea iilyo yongeleka ye.
“Okwe ya lombwele kutya oku na omahooli, ofakitoliyoohi nooskepa moka tamu vulu okuza iiyemo iiwanawa, yiilyo yongeleka ye mboka tayi pungula moongeshefa dhe.”
Sindano okwa gwedha po kutya omukonaakoni gwoshipotha shoka oku na omawi gakwatwa ga thika po 17 gaatamanekwa mboka taya ningile omatilitho oonakuninga iihakanwa, ngele oya longele kumwe nopolisi.
“Momawi ngoka gakwatwa geli 15, omwa uvika omuprofeti ta lombwele oombangi shoka dha pumbwa okulombwela opolisi uuna ya ningwa naye ekwatathano.”
Shilimela okuuvika ta popi ta lombwele oombangi kutya nadhi popye kutya iimaliwa mbyoka ya gandjwa oyi li omukuli gwa gandjwa kongeleka ihe inayi nuninwa omapungulo.
Mangestrata okwa popi kutya Showa naye okwa uvika ta lombelwe oombangi opo lundulule oolopota dhoka tadhi ka pewa opolisi.
Comments
Namibian Sun
No comments have been left on this article