Omupolisi ngoka a sile miilonga a ningilwa efumbiko lyopapangelo

Iileka okwa hulitha omanga a li miilonga peinda lyopolisi pOshiko, konima sho a pumwa koshiyenditho shoka sha li tashi hingwa komunamimvo 22 ngoka keena omukanda gwokuhinga na okwali ta kambadhala okuya ontuku yopolisi.Iileka okwa wo omwiilongi moshiputudhilo shoInternational University of Management (IUM) mOngwediva. Okwa hulitha momasiku 15 gaJuni, esiku owala ndyoka a tameke iilonga konima sho a kala mefudho lyokwiilonga lyuule wiiwike iyali.Opolisi yaShana oya ningi oshituthi shokumudhimbuluka peinda lyopolisi pOshiko mEtitatu lyoshiwike sha piti. Pahapu dhOmupeha Komufala , Hilja Haipumbu, opolisi yaShana oya tula miipandeko Erastus Tashiya shi na sha nedhipago lya Ileka. Nakutulwa miipandeko okwa holoka nale komesho yompangu yamangestrata gwaShakati, noshipotha she osha undulilwa kesiku lyotango lyomwedhi Septemba. Ota tamanekelwa iipotha ngaashi edhipago, okuhinga e li kohi yondhungo, okuhinga ohauto keena omukanda gwokuhinga oshowo endopo okuyambidhidha omuntu ngoka eehamekwa. Ota kala mondholongo.Haipumbu okwa popi kutya Tashiya okwa yaka po ohauto yofamili pegumbo lyaandjawo momukunda Afoti popepi nOnaanda mOmusati. Okwa li ta tidhwa kopolisi sho a pumu Iikela ngoka a li a thikama pomunkulo gwondjila.Pethimbo lyoshituthidhimbuluko shanakusa, komanda gwopolisi yopOshiko, Inspector Benjamin Hophin, okwa popi kutya Iileka okwa tameke iilonga pamwe nayakwawo esiku ndyoka potundi onti- 14:00.“Oye li omukomeho omutiyali miilonga esiku ndyoka. Onda ningi nayo oonkundathana omanga inandi thiga po ehala ndyoka. Lyopotundi onti-20:00 onda dhengelwa ongodhi kutya opwa ningwa oshiponga oshinene peinda lyopolisi na osha faalela omwenyo gwoshilyo shetu shimwe. Oshiwinayi okunongela kutya okwa li a thikama pomunkulo gwondjila sho a pumwa kohauto,” Hophin ta ti.Sergeant Dornatus Paulus ngoka a li miilonga nanakusa esiku ndyoka okwa popi kutya kali pehala lyiilonga sho oshiponga sha ningwa ihe okwa lombwele aaniilonga pamwe naye kombinga yohauto ndjoka tayi tidhwa kopolisi yuuka kombinga yawo.“Osha tseyithwa moradio kutya ope na ohauto ya yakwa mOmusati na oya monika moshitopolwa shaShana, na oyali tayi hingwa okuuka mOndangwa. Sho ya lopotwa yuuka peinda lyondjila yaNgwediva, onda tseyithile iilyo opo yi ze mo mondjila molwaashoka ohauto ndjoka oyali tayi hingwa nayi,” Paulus ta ti.Otaku hokololwa kutya ohauto ndjoka tango oyiipumu mohauto yali ya thikama peinda ndyoka, na oya kiipuma muIileka ngoka a li a thikama pomunkulo gwondjila.Nakusa okwa wayimine etanga lyopolisi mo-2011. Iileka okwa tameke iilonga moshitopolwa shaTjozondjupa nomo-2013 okwa lundululilwa mOmusati. Konima sho a tameke ootundi moIUM mo-2015 okwa lundululilwa mOngwediva.MuFebruali gwonuumvo, Ileka okwa tameke okulongela popolisi yopeinda lyopolisi pOshiko. Ngoloneyaa gwaShana okwa holola omalimbililo ge omolwa egameno lyaanambelewa yopolisi, peinda ndyoka , sho muJuli gwo-2011, natango pwa hulithile omupolisi gumwe ngoka a li miilonga.Constable Albertina Naambo Uugwanga naye okwa li a pumwa kosheenditho omanga a li miilonga peinda ndyoka.“Shika oshiponga oshitiyali tashi holoka pehala ndyoka. Omaihumbato getu onga aahingi kage shi omawanawa. Aahingi naya ihumbate nawa uuna taye ya pomainda gopolisi, ethimbo olya thikana opo tu tulepo iinima yokushunitha ondapo pevi opo aantu kaya hingilile we,” Kashuupulwa a popi.ILENI NANDJATO

Omupolisi ngoka a sile miilonga a ningilwa efumbiko lyopapangelo

Comments

Namibian Sun 2026-04-16

Please login to leave a comment

Omupolisi ngoka a sile miilonga a ningilwa efumbiko lyopapangelo

Comments

Namibian Sun 2026-04-16

Please login to leave a comment

Subscription Required to Access Content ×

Login

Subscription Required to Access Content