Omuniilonga gwaAir Namibia a tulwa miipandeko
Omukomeho gwOpolisi yaNamibia, Sebastian Ndeitunga okwa popi kutya etulo miipandeko lyomuniilonga gwehangano lyomatukondhila lyaNamibia, lyoAir Namibia omolwa iipotha yeyako lyaantu oshi li esithahoni enene koshilongo.
Omunamimvo 32 omuniilonga gwaAir Namibia ta longele pokapale kaHosea Kutako International Airport pamwe nomukwashigwana gwaAngola, omunamimvo 29 oya tulwa miipandeko mOmaandaha. Omupopiliko gwOpolisi yaNamibia Omupeha Komufala, Edwin Kanguatjivi, okwa koleke etulo miipandeko ndyoka.
Etulo miipandeko ndyoka olya ningwa sho kwa hololwa kutya aalumentu mboka yaali oya yakele modhila ndjoka aakwashigwana yaAngola 11, mwakwatelwa aanona yaheyali, aalumentu yaali oshowo aakiintu yaali. Mboka oya falwa moFrankfurt.
Okwa hololwa kutya mboka oya longo uumbudhi mboka opo aakwashigwana mboka yaAngola ya vule okutuka okuza mOvenduka nodhila SW285 okuya koFrankfurt mOmaandaha.
Aafaalelwa ayehe oya tulwa miipandeko komalelo gaGermany.
Kanguatjivi okwa popi kutya omukwashigwana gwaAngola, ngoka a kala moshilongo shaaheli paveta okutameka omvula ya piti, otaka taalela iipotha yokukala moshilongo keena omikanda.
Ndeitunga okwa holola omaiyuvo ge gongeyo nehaluko kombinga yoshipotha shoka.
“Ngashiingeyi owu na aaniilonga yehangano lyomatukodhila mbyoka taya longo iimbuluma yomayako gaanona naakiintu. Shoka itashi idhidhimikilwa. Ehangano ndyoka oli na oomwaka odhindji ndhoka dha pumbwa okuthitikwa meendelelo.”
Ndeitunga okwa popi kutya shoka otashi holola nkene Namibia ta longithwa meyako lyaantu. Okwa holola enyanyu lye sho mboka taya longele kumwe noongangala momalwenge goludhi ndoka taya tulwa miipandeko ihe okwa popi kutya natango oyendji oye li mokati koshigwana na oya pumbwa okutulwa miipandeko.
Okwa popi kutya Air Namibia na tale aaniilonga ye molwaashoka itashi ti kehe gumwe napewe iilonga molwaashoka aantu yamwe oongangala.
Aakwashigwana yaAngola mboka monena yeli miipandeko moFrankfurt oya popi kutya yo ookwatwa dhopapolotika na kakushiwike kutya otaya ningwa ngiini.
Ombelewa yomukalelipo gwaGermany moNamibia, oya lombwele oNamibian Sun kutya otaku ningwa omakonaakono moshilongo shaandjawo.
Omukalelipo gwaGermany, Christian Schlaga okwa popi kutya okwa pandula kopolisi nelelo lyaAir Namibia, sho lya kwashilipaleke kutya oonakukwatela komeho oshinima shoka oya tulwa miipandeko.
Okwa tsikile kutya oshipotha shoka otashi ulike nkene pe na ompumbwe yokutula miilonga omilandu dha kwata miiti.
Omupopiliko gwaAir Namibia, Paul Nakawa okwa popi kutya iipotha yoludhi ndoka, omukundu ngoka gwa taalela konyala omahangano agehe gomatukodhila.
Air Namibia natango okwa li miikundaneki oomwedhi dha piti, sho ongundu yaaZimbambwe ya tulwa miipandeko pethimbo yali molweendo okuza mOvenduka, okuya moFrankfurt, na oyali taya ka thika koIstanbul.
Nakawa okwa popi kutya ope na oongangala dhimwe ndhoka hadhi futu oombumbo aaniilonga yawo opo ya kwathele mokulonga iimbuluma mbyoka.
ELLANIE SMIT
Omunamimvo 32 omuniilonga gwaAir Namibia ta longele pokapale kaHosea Kutako International Airport pamwe nomukwashigwana gwaAngola, omunamimvo 29 oya tulwa miipandeko mOmaandaha. Omupopiliko gwOpolisi yaNamibia Omupeha Komufala, Edwin Kanguatjivi, okwa koleke etulo miipandeko ndyoka.
Etulo miipandeko ndyoka olya ningwa sho kwa hololwa kutya aalumentu mboka yaali oya yakele modhila ndjoka aakwashigwana yaAngola 11, mwakwatelwa aanona yaheyali, aalumentu yaali oshowo aakiintu yaali. Mboka oya falwa moFrankfurt.
Okwa hololwa kutya mboka oya longo uumbudhi mboka opo aakwashigwana mboka yaAngola ya vule okutuka okuza mOvenduka nodhila SW285 okuya koFrankfurt mOmaandaha.
Aafaalelwa ayehe oya tulwa miipandeko komalelo gaGermany.
Kanguatjivi okwa popi kutya omukwashigwana gwaAngola, ngoka a kala moshilongo shaaheli paveta okutameka omvula ya piti, otaka taalela iipotha yokukala moshilongo keena omikanda.
Ndeitunga okwa holola omaiyuvo ge gongeyo nehaluko kombinga yoshipotha shoka.
“Ngashiingeyi owu na aaniilonga yehangano lyomatukodhila mbyoka taya longo iimbuluma yomayako gaanona naakiintu. Shoka itashi idhidhimikilwa. Ehangano ndyoka oli na oomwaka odhindji ndhoka dha pumbwa okuthitikwa meendelelo.”
Ndeitunga okwa popi kutya shoka otashi holola nkene Namibia ta longithwa meyako lyaantu. Okwa holola enyanyu lye sho mboka taya longele kumwe noongangala momalwenge goludhi ndoka taya tulwa miipandeko ihe okwa popi kutya natango oyendji oye li mokati koshigwana na oya pumbwa okutulwa miipandeko.
Okwa popi kutya Air Namibia na tale aaniilonga ye molwaashoka itashi ti kehe gumwe napewe iilonga molwaashoka aantu yamwe oongangala.
Aakwashigwana yaAngola mboka monena yeli miipandeko moFrankfurt oya popi kutya yo ookwatwa dhopapolotika na kakushiwike kutya otaya ningwa ngiini.
Ombelewa yomukalelipo gwaGermany moNamibia, oya lombwele oNamibian Sun kutya otaku ningwa omakonaakono moshilongo shaandjawo.
Omukalelipo gwaGermany, Christian Schlaga okwa popi kutya okwa pandula kopolisi nelelo lyaAir Namibia, sho lya kwashilipaleke kutya oonakukwatela komeho oshinima shoka oya tulwa miipandeko.
Okwa tsikile kutya oshipotha shoka otashi ulike nkene pe na ompumbwe yokutula miilonga omilandu dha kwata miiti.
Omupopiliko gwaAir Namibia, Paul Nakawa okwa popi kutya iipotha yoludhi ndoka, omukundu ngoka gwa taalela konyala omahangano agehe gomatukodhila.
Air Namibia natango okwa li miikundaneki oomwedhi dha piti, sho ongundu yaaZimbambwe ya tulwa miipandeko pethimbo yali molweendo okuza mOvenduka, okuya moFrankfurt, na oyali taya ka thika koIstanbul.
Nakawa okwa popi kutya ope na oongangala dhimwe ndhoka hadhi futu oombumbo aaniilonga yawo opo ya kwathele mokulonga iimbuluma mbyoka.
ELLANIE SMIT
Comments
Namibian Sun
No comments have been left on this article