Omunaskola eendulula ondondo iikando itano
Oshikondo shelongo moshitopolwa shaShana osha holola kutya otashi ka ninga omakonaakono sho omukuluntuskola moskola yomonooli
a tindi opo ku undulilwe mongundu tayi landula omunaskola ngoka a ndopele mondondo iikando ya thika puitano.
Omukuluntuskola poskola yedhina Nangolo Senior Secondary School, Wilbard Nailenge okwa koleke koshifokundaneki shoNamibia Sun kutya, okwa tindi omunamimvo 21 Simon Metumo opo uundulilwe mongundu tayi landula molwaashoka oha kala owala poondunda dhomanwino.
Metumo okwa endulula ondondo onti-9 iikando itano omanga eendulula ondondo onti-8 iikando iyali. Nonando ongaaka Omupeha omukomeho gwelongo mOshitopolwa shaShana, Gerhard Ndafenongo okwa popi kutya kashi li momusindalandu gwepangelo omunaskola eendulule ondondo iikando yi vulithe pushimwe. Omulandu gwokuundula aanaskola ogwa kala miilonga uule woomvula odhindji dha piti,, nooskola odhindji otadhi longitha omulandu ngoka.
Pooskola dhimwe oshikondo shelongo ohashi undula aanaskola uuna ya endulula ongundu iikando yontumba.
Metumo okwa lombwele oshikundaneki shika kutya okwa yi poskola mpoka mo-2011, na okwa popi kutya ota nyengwa komwaalu.
“Uule woomvula adhihe ndhoka otandi ndopa owala omwaalu omanga tandi piti iilongwa yimwe ihe oskola inayi hala ndi ye mondondo onti-10. Shoka nda hala okuya andola mondondo onti-10 nokumona onzapo,” Metumo ta ti.
Nailenge, oku wete kutya Metumo ina pyakudhukwa natango okuya mondondo onti-10 molwaashoka oha kala owala a lambalala oondingosho pehala lyokwiilonga.
“Ngame onda za mOndangwa naMetumo ondi mu shi pamwe naavali ye. Omumati ngoka ina itulamo miilonga ye yoskola. Ohandi mu mono poondunda dhomanwino uusiku naashoka osho tashi etitha a kale iniitulamo miilonga ye yoskola. Inandi hala a ye mondondo onti-10 molwaashoka otaka mona iitsa iishona naashoka osho e na okweendulula ondondo onti-9,” omukuluntuskola ta popi.
Yina yaMetumo, Hambeleleni Paavo, okwa popi kutya okwa ya komukuluntuskola iikando yontumba ta nyenyeta ihe okwe mu lombwele kutya omona ina pyakudhukwa natango okuya kondondo tayi landula.
“Aanona yakwawo mboka ya tameke nayo oskola oya mana nale omailongo gawo koouniversiti omanga ye ta kondjo nondondo onti-9. Onkalo ndjoka oyemu piyaganeka noonkondo na iha kala we megumbo .”
Nailenge okwa koleke kutya yina yaMetumo okwa ya moonkundathana naye.
“Kandi na we shoka tandi vulu okuninga. Ondi na oshisho naanona mboka naashoka osho inandi hala a ndope ondondo onti-10,” omukuluntuskola a tsikile.
Omukoonakoni gwelongo moshikandjo Oluno, Levi Vries, pamwe nomukomeho gwelongo Hileni Amukana inaya vula okumonika ya tye sha. Ndafenongo, okwa koleke kutya shoka sha ningwa oshili pondje nomusindalandu gwelongo, na okwa popi kutya okuli pondje yoshitopolwa manga na okwa uvaneke taka tala koshikumungu shoka uuna a galukile moshitopolwa.
ILENI NANDJATO
a tindi opo ku undulilwe mongundu tayi landula omunaskola ngoka a ndopele mondondo iikando ya thika puitano.
Omukuluntuskola poskola yedhina Nangolo Senior Secondary School, Wilbard Nailenge okwa koleke koshifokundaneki shoNamibia Sun kutya, okwa tindi omunamimvo 21 Simon Metumo opo uundulilwe mongundu tayi landula molwaashoka oha kala owala poondunda dhomanwino.
Metumo okwa endulula ondondo onti-9 iikando itano omanga eendulula ondondo onti-8 iikando iyali. Nonando ongaaka Omupeha omukomeho gwelongo mOshitopolwa shaShana, Gerhard Ndafenongo okwa popi kutya kashi li momusindalandu gwepangelo omunaskola eendulule ondondo iikando yi vulithe pushimwe. Omulandu gwokuundula aanaskola ogwa kala miilonga uule woomvula odhindji dha piti,, nooskola odhindji otadhi longitha omulandu ngoka.
Pooskola dhimwe oshikondo shelongo ohashi undula aanaskola uuna ya endulula ongundu iikando yontumba.
Metumo okwa lombwele oshikundaneki shika kutya okwa yi poskola mpoka mo-2011, na okwa popi kutya ota nyengwa komwaalu.
“Uule woomvula adhihe ndhoka otandi ndopa owala omwaalu omanga tandi piti iilongwa yimwe ihe oskola inayi hala ndi ye mondondo onti-10. Shoka nda hala okuya andola mondondo onti-10 nokumona onzapo,” Metumo ta ti.
Nailenge, oku wete kutya Metumo ina pyakudhukwa natango okuya mondondo onti-10 molwaashoka oha kala owala a lambalala oondingosho pehala lyokwiilonga.
“Ngame onda za mOndangwa naMetumo ondi mu shi pamwe naavali ye. Omumati ngoka ina itulamo miilonga ye yoskola. Ohandi mu mono poondunda dhomanwino uusiku naashoka osho tashi etitha a kale iniitulamo miilonga ye yoskola. Inandi hala a ye mondondo onti-10 molwaashoka otaka mona iitsa iishona naashoka osho e na okweendulula ondondo onti-9,” omukuluntuskola ta popi.
Yina yaMetumo, Hambeleleni Paavo, okwa popi kutya okwa ya komukuluntuskola iikando yontumba ta nyenyeta ihe okwe mu lombwele kutya omona ina pyakudhukwa natango okuya kondondo tayi landula.
“Aanona yakwawo mboka ya tameke nayo oskola oya mana nale omailongo gawo koouniversiti omanga ye ta kondjo nondondo onti-9. Onkalo ndjoka oyemu piyaganeka noonkondo na iha kala we megumbo .”
Nailenge okwa koleke kutya yina yaMetumo okwa ya moonkundathana naye.
“Kandi na we shoka tandi vulu okuninga. Ondi na oshisho naanona mboka naashoka osho inandi hala a ndope ondondo onti-10,” omukuluntuskola a tsikile.
Omukoonakoni gwelongo moshikandjo Oluno, Levi Vries, pamwe nomukomeho gwelongo Hileni Amukana inaya vula okumonika ya tye sha. Ndafenongo, okwa koleke kutya shoka sha ningwa oshili pondje nomusindalandu gwelongo, na okwa popi kutya okuli pondje yoshitopolwa manga na okwa uvaneke taka tala koshikumungu shoka uuna a galukile moshitopolwa.
ILENI NANDJATO
Comments
Namibian Sun
No comments have been left on this article