Omulumentu a tulwa miipandeko sho a adhika niikuti 601
16 July 2020 | Local News
NAMPA
OVENDUKA
Omukalimo gwomOutapi moshitopolwa shaMusati okwa tulwa miipandeko sho a adhika niikuti yi li 601 oshowo omushila gwondjamba momasiku ga 7 gaJuli nuumvo.
Palopota dhomiyonena dhiiyamakuti yomasiku 6 sigo 12 gaJuli nuumvo, mOmaandaha uuministeli womidhongoloko, iihwa nomatalelepo owa popi kutya John Heita gwoomvula inadhi hololwa okwa holoka mompangulilo yaOutapi momasiku ga 8 gaJuli na ota pangulilwa ompango yetaaguluko lyegameneno lyiiyamakuti yomomvula 2008 oshowo epogolo lyompango yoArms and Ammunition Act ontopolwa onti 33.
Lwopokati mpoka omukalimo gwomOnesi moshitopolwa shaMusati okwa tulwa miipandeko mEtitano sho aadhika noontsizi ndatu dhi na omwenyo. Soiny Nakamwe gwoomvula inadhi hololwa okwa holoka mOmpangulilo yaOutapi na ota tamanekelwa oshipotha shepogolo lyompango tayi gamene iiyamakuti.
Olopota oya holola kutya iipotha mbyoka oya hololwa owala konima sho oonakutamanekwa ya holoka mompangu. Olopota oya holola wo emanitho lyiipotha yomiyonena dhiiyamakuti sho aalumentu yahamano ya za mOvenduka moshitopolwa shaKhomas ya pewa omageelo mesiku lyotango lyaJuli nuumvo.
Mboka oya pewa egeelo lyokufuta oshimaliwa shooN$15 000 nenge okukala modholongo uule woomwedhi 36 sho ya adhika noshipa shanikitha oshowo nikitha e na omwenyo. Aalumentu yaali okuza moNkurenkuru moKavango West Region oya tulwa miipandeko momasiku ga 7 gaJuli sho ya adhika noshipa shanikitha na oya pewa egeelo ya fute N$20 000 nenge okukala modholongo oomwedhi 48.
OVENDUKA
Omukalimo gwomOutapi moshitopolwa shaMusati okwa tulwa miipandeko sho a adhika niikuti yi li 601 oshowo omushila gwondjamba momasiku ga 7 gaJuli nuumvo.
Palopota dhomiyonena dhiiyamakuti yomasiku 6 sigo 12 gaJuli nuumvo, mOmaandaha uuministeli womidhongoloko, iihwa nomatalelepo owa popi kutya John Heita gwoomvula inadhi hololwa okwa holoka mompangulilo yaOutapi momasiku ga 8 gaJuli na ota pangulilwa ompango yetaaguluko lyegameneno lyiiyamakuti yomomvula 2008 oshowo epogolo lyompango yoArms and Ammunition Act ontopolwa onti 33.
Lwopokati mpoka omukalimo gwomOnesi moshitopolwa shaMusati okwa tulwa miipandeko mEtitano sho aadhika noontsizi ndatu dhi na omwenyo. Soiny Nakamwe gwoomvula inadhi hololwa okwa holoka mOmpangulilo yaOutapi na ota tamanekelwa oshipotha shepogolo lyompango tayi gamene iiyamakuti.
Olopota oya holola kutya iipotha mbyoka oya hololwa owala konima sho oonakutamanekwa ya holoka mompangu. Olopota oya holola wo emanitho lyiipotha yomiyonena dhiiyamakuti sho aalumentu yahamano ya za mOvenduka moshitopolwa shaKhomas ya pewa omageelo mesiku lyotango lyaJuli nuumvo.
Mboka oya pewa egeelo lyokufuta oshimaliwa shooN$15 000 nenge okukala modholongo uule woomwedhi 36 sho ya adhika noshipa shanikitha oshowo nikitha e na omwenyo. Aalumentu yaali okuza moNkurenkuru moKavango West Region oya tulwa miipandeko momasiku ga 7 gaJuli sho ya adhika noshipa shanikitha na oya pewa egeelo ya fute N$20 000 nenge okukala modholongo oomwedhi 48.
Classifieds